ນັກໂພຊະນາການ "ເກົາ ໝິ່ນໝິ່ນ" (Gao Minmin) ໄດ້ໂພສລົງ Instagram ແນະນຳແຜນການຫຼຸດນ້ຳໜັກທີ່ອອກແບບຕາມກຸ່ມເລືອດ 

ໂດຍອ້າງອີງຈາກງານຄົ້ນຄວ້າຂອງແພດທຳມະຊາດບຳບັດຊາວອາເມລິກາ Peter J. D'Adamo ເຊິ່ງລະບຸວ່າ ການປັບອາຫານແລະການອອກກຳລັງກາຍໃຫ້ເໝາະກັບກຸ່ມເລືອດແຕ່ລະແບບ ຈະຊ່ວຍຫຼຸດໄຂມັນໄດ້ຢ່າງມີປະສິດທິພາບຫຼາຍຂຶ້ນ

ສຳລັບຜູ້ທີ່ມີກຸ່ມເລືອດ A

 

ແນະນຳໃຫ້ເນັ້ນກິນຜັກ, ໝາກໄມ້ ແລະ ໂປຣຕີນຈາກພືດ ເນື່ອງຈາກຄົນກຸ່ມນີ້ມີລະດັບຮໍໂມນຄອຣ໌ຕິຊອລ (ຮໍໂມນຄວາມກົດດັນ) ສູງ ເຮັດໃຫ້ສະສົມຄວາມກົດດັນໄດ້ງ່າຍ ຈຶ່ງຄວນອອກກຳລັງກາຍແບບຜ່ອນຄາຍ ເຊັ່ນ: ໂຍຄະ ຫຼື ຍືດກ້າມເນື້ອ ເພື່ອຊ່ວຍຜ່ອນຄາຍຈິດໃຈ

 

ສຳລັບກຸ່ມເລືອດ B

 

ຄົນກຸ່ມນີ້ມີພູມຄຸ້ມກັນ ແລະ ລະບົບຍ່ອຍອາຫານທີ່ດີ ສາມາດຍ່ອຍຊີ້ນສັດ ແລະ ໂປຣຕີນໄດ້ດີ ແຕ່ຖ້າກິນແປ້ງ ຫຼື ສາລີຫຼາຍເກີນໄປຈະເຮັດໃຫ້ລະບົບເຜົາຜານຕ່ຳລົງ ແລະ ສະສົມໄຂມັນງ່າຍ ຈຶ່ງຄວນເນັ້ນການອອກກຳລັງກາຍແບບຄາຣ໌ດິໂອ ເພື່ອເພີ່ມການເຜົາຜານ

 

ສຳລັບກຸ່ມເລືອດ AB

 

ແນະນຳໃຫ້ເລືອກອາຫານແບບປະສົມລະຫວ່າງກຸ່ມ A ແລະ B ເຊັ່ນ: ຜັກ, ໝາກໄມ້, ອາຫານທະເລ ແລະ ຜະລິດຕະພັນຈາກຖົ່ວ ຫຼີກລ່ຽງອາຫານລົດຈັດ ແລະ ອອກກຳລັງກາຍຄວນປະສົມທັງແບບເບົາ ແລະ ໜັກ ປັບຄວາມເຂັ້ມຂຸ້ນຕາມສະພາບຮ່າງກາຍ

 

ສຳລັບກຸ່ມເລືອດ O

 

ເໝາະກັບອາຫານທີ່ມີໂປຣຕີນສູງ ເຊັ່ນ: ຊີ້ນສັດ, ອາຫານທະເລ ແລະ ໄຂມັນດີຢ່າງໂອເມກ້າ-3 ຄວນຫຼຸດການບໍລິໂພກແປ້ງ ແລະ ອອກກຳລັງກາຍຄວນສະຫຼັບລະຫວ່າງເວທເທຣນນິ່ງກັບຄາຣ໌ດິໂອ ເພື່ອເພີ່ມມວນກ້າມເນື້ອແລະເຜົາຜານໄຂມັນ

 

ທ້າຍທີ່ສຸດ ເກົາ ໝິ່ນໝິ່ນ ເນັ້ນຢ້ຳວ່າ ບໍ່ວ່າທ່ານຈະມີກຸ່ມເລືອດໃດ ການຫຼຸດນ້ຳໜັກຕ້ອງອາໄສຄວາມສະໝ່ຳສະເໝີ ການອົດອາຫານຫຼາຍເກີນໄປອາດເຮັດໃຫ້ສູນເສຍມວນກ້າມເນື້ອ.

 

ຫວັງວ່າທຸກຄົນຈະສາມາດຄົ້ນຫາວິທີຫຼຸດນ້ຳໜັກທີ່ເໝາະກັບຕົນເອງ ແລະ ຮັກສາສຸຂະພາບຮ່າງກາຍໃຫ້ແຂງແຮງໄດ້ໃນໄລຍະຍາວ

ສະແດງຄຳຄິດເຫັນ