ແມນເຊສເຕີ ຢູໄນເຕັດ ພາດພັ້ງຄາບ້ານອີກຄັ້ງ ຫຼັງຈາກໂດນ ປາໂບລ ຊາຣາເບຍ ຕົວສຳຮອງຂອງ ວູລຟ໌ແຮມຕັນ ຍິງລູກຟຣີຄິກສວຍງາມເປັນປະຕູໄຊ ສົ່ງໃຫ້ “ໝາປ່າ” ບຸກມາເອົາຊະນະແບບໄປ-ກັບ ພ້ອມທັງເຮັດຄະແນນໄລ່ທັນ “ປີສາດແດງ” ໃນຕາຕະລາງ ພຣີເມຍລີກ 2024/25

ຣູເບນ ອາໂມຣິມ ຫົວໜ້າຜູ້ຝຶກສອນຂອງປີສາດແດງຕັດສິນໃຈປັບທີມຂ້ອນຂ້າງຫຼາຍໂດຍສົ່ງ ໄຕເລີ ເຟຣດຣິກສັນ ກອງຫຼັງດາວຮຸ່ງອາຍຸ 20 ປີລົງຕົວຈິງ ແລະ ໄດ້ສະແດງຜົນງານທີ່ດີ. ແຕ່ສຳລັບແນວຮຸກຖືວ່າໜ້າຜິດຫວັງໂດຍສະເພາະ ຣາສມຸສ ຮອຍລຸນດ໌. ຂະນະທີ່ ຄຣິສເຕຍນ ເອຣິກເຊັນ ໄດ້ພະຍາຍາມຍິງຟຣີຄິກ ແລະ ຄັອບບີ້ ເມນູ ລຸ້ນຍິງຊ່ວງທ້າຍເຄິ່ງຫຼັງ ແຕ່ບໍ່ຜ່ານການປ້ອງກັນຂອງ ແດນຽລ ເບັນທ໌ລີ່ຍ໌ ທີ່ໄດ້ຮັກສາປະຕູແທນ ໂຊເຊ່ ຊາ ຊຶ່ງບາດເຈັບຕອນວອມອັບ

ເຖິງແມ່ນວ່າແພ້ຢູ່ເຮືອນ ແຕ່ ແມນຯ ຢູໄນເຕັດ ເກັບໄດ້ 38 ຄະແນນເຊັ່ນດຽວກັນກັບ ວູລຟ໌. ຂະນະທີ່ ອິບສວິຊ ທີມອັນດັບ 3 ຈາກທ້າຍຕາຕະລາງມີພຽງແຕ່ 21 ຄະແນນໃນຂະນະທີ່ເຫຼືອອີກແຄ່ 5 ນັດສຸດທ້າຍ ສົ່ງຜົນໃຫ້ຄະແນນຂາດ ແລະ ຕົກຊັ້ນຢ່າງເປັນທາງການແລ້ວ

ລາຍຊື່ນັກເຕະທັງສອງທີມ

ແມນຯ ຢູໄນເຕັດ: ອັນເດຣ ໂອນານ່າ – ນູສແຊຣ໌ ມາຊຣາວີ, ວິກຕໍ ລິນເດີເລິຟ (ເລນີ່ ໂຢໂຣ່ ນ.79), ໄຕເລີ ເຟຣດຣິກສັນ – ແພັດຕຣິກ ດອກູ (ດີໂອໂກ້ ດາໂລຕ໌ ນ.59), ມານູເອລ ອູກາເຕ້ (ບຣູໂນ່ ແຟຣ໌ນັນດ໌ສ ນ.59), ຄຣິສເຕຍນ ເອຣິກເຊັນ, ແຮຣີ່ ອາມາສສ໌ – ອາເລຮານໂດຣ ກາຣ໌ນາໂຊ່, ຣາສມຸສ ຮອຍລຸນດ໌ (ຊິໂດ ໂອບີ ນ.70), ຄັອບບີ້ ເມນູ (ເມສັນ ເມົາທ໌ ນ.59)

ວູລຟ໌ແຮມຕັນ: ແດນຽລ ເບັນທ໌ລີ່ຍ໌ – ຊານຕິອາໂກ້ ບົວໂຢ່, ເອັມມານູແອລ ອັກບາດູ, ໂຕຕິ ໂກເມສ – ເນນສັນ ເຊເມໂດ້ (ໂຣດຣິໂກ້ ໂກເມສ ນ.74), ອັນເດຣ, ຊູເອົາ ໂກເມສ, ຣາຢັນ ເອັຕ-ນູຣີ (ແມັຕ ໂດເຮີຕີ້ ນ.82) – ມາຣ໌ແຊລ ມູເນຕຊີ່, ມາເຕອຸສ ຄຸນຢ່າ (ນາສເຊີຣ໌ ຊິກ້າ ນ.90+4) – ຢໍເກ້ ສຕຣານດ໌ ລາຣ໌ເຊ່ນ (ປາໂບລ ຊາຣາເບຍ ນ.74)

ສະແດງຄຳຄິດເຫັນ