ຮັບປະກັນການກັບສູ່ລີກສູງສຸດໄດ້ສໍາເລັດສໍາລັບ ລີດສ໌ ຢູໄນເຕັດ ແລະ ເບີນລີ່ຍ ສອງສະໂມສອນໃນການແຂ່ງຂັນ ອີເອຟແອລ ແຊມປຽນຊິບ ທີ່ຄວ້າປີ້ລຸຍສຶກພຣີເມຍລີກ ອັງກິດ ໃນລະດູການ 2025-26

ໂດຍເກມຫຼ້າສຸດ “ຍູງຄໍາ” ເປີດບ້ານຖະຫຼົ່ມ ສະໂຕກ ຊິຕີ້ 6-0 ສ່ວນ ເບີນລີ່ຍ ເອົາຊະນະ ເຊັຟຟີລ ຢູໄນເຕັດ 2-1 ເຮັດໃຫ້ທັງສອງທີມມີແຕ້ມເທົ່າກັນທີ່ 94 ຄະແນນ ຖິ້ມຫ່າງອັນດັບ 3 ຫຼາຍເຖິງ 8 ຄະແນນ ແລະ ເຫຼືອການແຂ່ງຂັນຕາມໂປຣແກຣມອີກພຽງ 2 ເກມ (ແຕ້ມຂາດແລ້ວ)

ຈາກການເລື່ອນຊັ້ນໃນຄັ້ງນີ້ຂອງ ລີດສ໌ ຢູໄນເຕັດ ທີ່ຄຸມທັບໂດຍ ດາເນຍລ ຟາເຄີ ກຸນຊືອຊາວເຢຍລະມັນ ຈະເຮັດໃຫ້ພວກເຂົາຄືນສູ່ລີກສູງສຸດອີກຄັ້ງນັບຕັ້ງແຕ່ຫຼົ່ນຊັ້ນໄປຫຼິ້ນລີກຮອງເມື່ອລະດູການ 2022-23

ຂະນະທີ່ ເບີນລີ່ຍ ພາຍໃຕ້ການເຮັດທີມຂອງ ສະກັອດ ພາເກີ ຈະຫວນຄືນລີກສູງສຸດນັບຕັ້ງແຕ່ຫຼົ່ນຊັ້ນເມື່ອລະດູການ 2023/24 ນອກຈາກນີ້ອີກໜຶ່ງທີມທີ່ຈະໄດ້ສິດເລື່ອນຊັ້ນຈະນໍາເອົາທີມອັນດັບ 3-6 ມາເຕະເພລຍ໌ອອຟກັນຕໍ່ໄປ

ສະແດງຄຳຄິດເຫັນ