ຄວາມເຄື່ອນໄຫວຫຼ້າສຸດຂອງ ເຄວິນ ເດິ ບຣອຍນ໌ ຫຼັງກຽມອຳລາ ແມນເຊສເຕີ ຊິຕີ້ ຈົບລະດູການນີ້, ບ່ອນພະນັນຊື່ດັງ Bet365 ປັບລາຄາໃໝ່ ໂດຍໃຫ້ ແອສຕັນ ວິລລາ ຂຍັບຂຶ້ນເປັນເຕັງສອງຮອງພຽງສະໂມສອນຈາກ ເມເຈີ ລີກ ສະຫະລັດຯ ຂະນະທີ່ ເຊວຊີ ກາຍເປັນອີກທີມທີ່ມີຂ່າວສົນໃຈດຶງຕົວຈອມທັບເບວຢຽມກັບຄືນຖິ່ນເດີມ.

ແອສຕັນ ວິລລາ ຕົກເປັນຂ່າວວ່າ ສົນໃຈທີ່ຈະດຶງ ເຄວິນ ເດິ ບຣອຍນ໌ ກອງກາງ ແມນຊິຕີ້ ມາເສີມທັບ ຫຼັງນັກເຕະກຽມອຳລາ “ເຮືອໃບສີຟ້າ” ຫຼັງໝົດສັນຍາຄ້າແຂ້ງທີ່ຖິ່ນ ເອຕິຮັດ ສະເຕເດຍມ ຫຼັງຈົບລະດູການນີ້.

ຫຼັງຈາກທີ່ດາວເຕະເບວຢຽມ ອາຍຸ 33 ປີ ປະກາດຂໍລາ ແມນຊິຕີ້ ຢ່າງເປັນທາງການນັ້ນກໍມີຂ່າວຫຼາຍທີມຢາກໄດ້ໄປຮ່ວມທັບ ໂດຍສະເພາະທີມເງິນຖົງຈາກ ຊາອຸດີ ໂປຣ ລີກ ແລະ ສະໂມສອນໃນ ເມເຈີ ລີກ ຊອກເກີ ສະຫະລັດຯ ທັງ ຊິຄາໂກ້ ໄຟຣ໌, ດີຊີ ຢູໄນເຕັດ ແລະ ອິນເຕີ ໄມອາມີ່.

ສກາຍ ສະປອດສ໌ ສື່ກິລາຊັ້ນນຳຂອງອັງກິດ ລາຍງານວ່າ ແອສຕັນ ວິລລາ ໄດ້ມີການຫາລືກັນພາຍໃນແລ້ວເຖິງເລື່ອງການເດີນໜ້າຄວ້າຕົວ ເດິ ບຣອຍນ໌ ຂະນະທີ່ ເຊວຊີ ກໍມີຂ່າວສົນດຶງເດັກເກົ່າໄປເຂົ້າຖິ່ນ ສະແຕມຟອດ ບຣິດຈ໌ ເຊັ່ນກັນ.

ຂະນະທີ່ ເບັດ365 ບໍລິສັດຮັບພະນັນທີ່ຖືກກົດໝາຍຂອງປະເທດອັງກິດ ປັບລາຄາໃຫ້ ແອສຕັນ ວິລລາ ຂຶ້ນມາເປັນເຕັງສອງທີ່ຈະໄດ້ ເດິ ບຣອຍນ໌ ສ່ວນເຕັງໜຶ່ງຍັງເປັນທີມ ເມເຈີ ລີກ ເໝືອນເດີມ.

ອັດຕາຕໍ່ລອງທີມທີ່ຈະໄດ້ ເດິ ບຣອຍນ໌ ໄປເສີມທັບ:

1. ສະໂມສອນ ເມເຈີ ລີກ ສະຫະລັດຯ 6/4 (ແທງ 4 ຈ່າຍ 6 ບໍ່ລວມທຶນ)
2. ແອສຕັນ ວິລລາ 5/2
3. ສະໂມສອນຊາອຸຯ 7/2
4. ເຊວຊີ 12/1
5. ເປແອສເຊ 12/1
6. ອິນເຕີ ມິລານ 12/1
7. ລິເວີພູລ 12/1
8. ນິວຄາສເຊິວ 16/1

ສະແດງຄຳຄິດເຫັນ