AWS DMS Serverless ເພີ່ມຄຸນສົມບັດ Storage Scaling ປັບຄວາມຈຸເກັບຂໍ້ມູນໄດ້ອັດຕະໂນມັດ

 

ໃນກາງອາທິດທີ່ຜ່ານມາ, Amazon Web Services (AWS) ໄດ້ປະກາດເພີ່ມຄຸນສົມບັດ Storage Scaling ໃນ AWS Database Migration Service Serverless (AWS DMS Serverless) ທີ່ສາມາດປັບຂະໜາດພື້ນທີ່ Storage ໄດ້ອັດຕະໂນມັດ.

AWS Database Migration Service ເປັນບໍລິການຍ້າຍຖານຂໍ້ມູນທີ່ເປັນ Legacy ຫຼື On-Premises ໃຫ້ມາສູ່ບໍລິການຂອງ AWS ດ້ວຍຂະບວນການທີ່ງ່າຍ ແລະ ມີ Downtime ທີ່ໜ້ອຍທີ່ສຸດ. ຜູ້ໃຊ້ສາມາດສ້າງສຳເນົາ (Replicate) ມາທີ່ຖານຂໍ້ມູນ Cloud ໄດ້ໃນຂະນະທີ່ຖານຂໍ້ມູນຕົ້ນທາງຍັງຄົງສາມາດໃຊ້ງານໄດ້ຢູ່. ນອກຈາກນັ້ນ, ຍັງສາມາດສະໜັບສະໜູນການໂອນຍ້າຍມາເປັນ Database Engine ອັນດຽວກັນ ຫຼື ຕ່າງກັນ, ເຊັ່ນ: ຈາກ Oracle ມາເປັນ Amazon Aurora ໄດ້ເລີຍ.

ຫຼ້າສຸດ, AWS ໄດ້ປະກາດໃຫ້ AWS DMS Serverless ສາມາດເຮັດ Storage Scaling ໄດ້ອັດຕະໂນມັດ, ເຮັດໃຫ້ຜູ້ໃຊ້ບໍ່ຕ້ອງກັງວົນໃນກໍລະນີທີ່ໃຊ້ DMS Serverless ເກີນຂີດຈຳກັດຈາກຄ່າເລີ່ມຕົ້ນທີ່ 100GB ໃນການ Replicate ປະລິມານ Transaction ຂະໜາດໃຫຍ່ຫຼາຍໆ. AWS DMS Serverless ຈະສາມາດເພີ່ມພື້ນທີ່ Storage ໄດ້ອັດຕະໂນມັດສຳລັບການ Replicate ໄດ້ທັນທີເມື່ອໄປເຖິງ Limit ທີ່ຕັ້ງໄວ້.

ສະແດງຄຳຄິດເຫັນ