ເຈມີ ວາດີ ດາວຍິງຂອງເລສເຕີ ຊິຕີ້ ໄດ້ເລືອກສະຖານີຕໍ່ໄປຂອງຕົນແລ້ວ ຫຼັງຈາກກຽມໂບກມືລາ “ຈິ້ງຈອກສະຍາມ”

ວັນທີ 25 ເມສາ 68 ຄວາມເຄື່ອນໄຫວຂອງ ເຈມີ ວາດີ ກອງໜ້າຊາວອັງກິດຂອງ “ຈິ້ງຈອກສະຍາມ” ເລສເຕີ ຊິຕີ້ ທີ່ອອກມາປະກາດວ່າຈະອຳລາສະໜາມຄິງ ເພົາເວີ ສະເຕດຽມ ຫຼັງຈາກຈົບລະດູການນີ້ ຫຼັງຈາກຮັບໃຊ້ສະໂມສອນເປັນເວລາຍາວນານເຖິງ 13 ປີ

ລາຍງານລ່າສຸດຈາກ ເອັກສ໌ເພຣສ ສື່ດັງຂອງອັງກິດ ລະບຸວ່າ ວາດີ ອາຍຸ 38 ປີ ຕັດສິນໃຈແລ້ວວ່າຕ້ອງການທີ່ຈະຄ້າແຂ້ງໃນ ພຣີເມຍລີກ ອັງກິດ ຕໍ່ໄປ ເນື່ອງຈາກຍັງໝັ້ນໃຈໃນສັກກະຍະພາບຝີຕີນແລະສະພາບຮ່າງກາຍຂອງຕົນເອງວ່າຍັງສາມາດຫຼິ້ນຟຸດບອນໃນລະດັບສູງໄດ້ຢ່າງບໍ່ມີບັນຫາ ດັ່ງນັ້ນໜ້າຈັບຕາເບິ່ງວ່າສຸດທ້າຍແລ້ວ ວາດີ ຈະເລືອກຫຼິ້ນໃຫ້ກັບສະໂມສອນໃດໃນລະດູການໜ້າ

ສຳລັບ ວາດີ ທີ່ຍິງໄປແລ້ວ 8 ປະຕູ ລວມທຸກລາຍການໃຫ້ກັບ ເລສເຕີ ຊິຕີ້ ໃນລະດູການນີ້ ມີສ່ວນສຳຄັນໃນການຊ່ວຍໃຫ້ ເລສເຕີ ຄວ້າແຊມ ພຣີເມຍລີກ ແລະ ເອຟເອ ຄັບ ຄັ້ງທຳອິດໃນປະຫວັດສາດສະໂມສອນ ລວມເຖິງຄວ້າລາງວັນດາວຊັນໂວພຣີເມຍລີກ ເມື່ອປີ 2020 ອີກດ້ວຍ

ສະແດງຄຳຄິດເຫັນ