ພອລ ເມີສັນ ອະດີດນັກເຕະລະດັບຕຳນານຂອງ ອາເຊນໍ ເຊື່ອວ່າທັບ ປືນໃຫຍ່ ສາມາດຈົບລະດູການໜ້າດ້ວຍອັນດັບເໜືອຄູ່ແຂ່ງ 10 ຄະແນນດ້ວຍການເຊັນສັນຍາກັບນັກເຕະໃໝ່ພຽງລາຍດຽວ

ລິເວີພູລ ຜົງາດຄວ້າແຊັມ ພຣີເມຍລີກ ລະດູການ 2024-25 ຫຼັງເປີດບ້ານເອົາຊະນະ ສະເປີສ ໄປດ້ວຍຜົນບອນສົດ 5-1 ເກັບເພີ່ມເປັນ 82 ແຕ້ມ ຂະນະທີ່ເຫຼືອການແຂ່ງຂັນອີກ 4 ນັດ ໂດຍແຕ້ມຂາດຈາກ ອາເຊນໍ ໄປແລ້ວຈຶ່ງໄດ້ເຖິງແຊັມລີກສູງສຸດຂອງອັງກິດສະໄໝທີ່ 20 ໄປຄອງຢ່າງຍິ່ງໃຫຍ່

ທາງຝັ່ງ ອາເຊນໍ ຕ້ອງອົກຫັກເປັນແຄ່ພະລອງເປັນລະດູການທີ່ 3 ຕິດຕໍ່ກັນ ຊຶ່ງ ພອລ ເມີສັນ ຄິດວ່າຫາກລະດູການໜ້າ ປືນໃຫຍ່ ຄວ້າຕົວ ອະເລັກຊານເດີ ອິຊັກ ຍອດດາວຍິງຂອງ ນິວຄາເຊິ່ນ ມາຮ່ວມທັບໄດ້ກໍຈະສາມາດໄປເຖິງຕຳແໜ່ງແຊັມປໄດ້ຢ່າງແນ່ນອນ “ອະເລັກຊານເດີ ອິຊັກ ນ່າຈະໄດ້ຮັບຄວາມສົນໃຈຈາກຫຼາຍສະໂມສອນໃນຊ່ວງຊຳເມີນີ້”

“ນິວຄາເຊິ່ນ ອາດໄດ້ຫຼິ້ນ ຢູຟ່າ ແຊັມປຽນສ໌ ລີກ ໃນລະດູການໜ້າ ແລະ ເຂົາກໍໄດ້ລິ້ມລົດການຊູຖ້ວຍລາງວັນໄປແລ້ວ ຜົມຄິດວ່າ ອິຊັກ ຕ້ອງການມີສ່ວນຮ່ວມໃນ ແຊັມປຽນສ໌ ລີກລະດູການໜ້າແນ່ນອນ ແລະ ນັ້ນອາດມີບົດບາດສຳຄັນ”

“ແຕ່ເບິ່ງຄືວ່າ ອາເຊນໍ ຈະເປັນການຍ້າຍທີ່ດີທີ່ສຸດສຳລັບເຂົາ ຫາກເຂົາອອກຈາກ ນິວຄາເຊິ່ນ ຫາກ ເດິ ກັນເນີສ໌ ໄດ້ເຂົາມາຮ່ວມທີມ ພວກເຂົາຈະຄວ້າແຊັມລີກໄດ້ດ້ວຍຄະແນນນຳຫ່າງ 10 ແຕ້ມ”

ສະແດງຄຳຄິດເຫັນ