ລິເວີພູລ ຜົງາດຄອງແຊມພຣີເມຍລີກ ລະດູການ 2024-25 ຫຼັງເປີດບ້ານຖະຫຼົ່ມ ສເປີສ ໄປແບບຂາດລອຍ 5-1 ຍົກສາມແຕ້ມສຳຄັນສົ່ງພວກເຂົາເປັນແຊມລີກສູງສຸດສະໄໝທີ 20 ໄດ້ສຳເລັດ

ໂດຍ ເປັບ ກວາດິໂອລາ ກຸນຊືແມນຯ ຊິຕີ້ ໄດ້ເປີດໃຈສົ່ງຂໍ້ຄວາມເຖິງ “ຫົງສ໌ແດງ” ຫຼັງເກມທີ່ລູກທີມຂອງເຂົາສາມາດເອົາຊະນະ ນັອຕຕິງແຮມ ຟໍເຣັສ 2-0 ຜ່ານເຂົ້າຊິງຊະນະເລີດຖ້ວຍ ເອຟເອ ຄັບ ເປັນສະໄໝທີ 3 ຕິດຕໍ່ກັນ

“ກ່ອນທີ່ຂ້ອຍຈະເວົ້າອັນໃດກ່ຽວກັບເກມນັດນີ້, ຕົວຂ້ອຍ ແລະ ສະໂມສອນຂໍຮ່ວມສະແດງຄວາມຍິນດີກັບ ລິເວີພູລ ໃນການຄວ້າແຊມພຣີເມຍລີກຂອງພວກເຂົາ ມັນເປັນເລື່ອງທີ່ເໝາະສົມ”

“ແນ່ນອນມັນບໍ່ມີຂໍ້ສົງໄສກ່ຽວກັບເລື່ອງນັ້ນ ພວກເຂົາເປັນທີມທີ່ຍອດຍຽບ ພວກເຂົາເໝາະສົມກັບການຄວ້າແຊມໄດ້ໃນປີນີ້” ກຸນຊືຊາວສະເປນ ເປີດໃຈໃຫ້ສຳພາດ

ພ້ອມກັນນີ້, ກຸນຊືເຮືອໃບສີຟ້າ ຍັງອອກມາປະກາດວ່າຈະກັບມາລຸ້ນແຊມອີກຄັ້ງໃນລະດູການໜ້າ “ພວກເຮົາຫວັງວ່າລະດູການໜ້າຈະສາມາດກັບມາແຂ່ງຂັນກັບພວກເຂົາໄດ້ຈົນເຖິງຊ່ວງທ້າຍລະດູການ ຊຶ່ງກັບລະດູການນີ້ມັນເປັນໄປບໍ່ໄດ້ ຂ້ອຍຕ້ອງຂໍສະແດງຄວາມຍິນດີກັບລິເວີພູລ”

ສຳລັບ ແມນຯ ຊິຕີ້ ໃນຕາຕະລາງຄະແນນປັດຈຸບັນພວກເຂົາມີແຕ້ມຕາມຫຼັງ ລິເວີພູລ ອັນດັບ 1 ຢູ່ຫຼາຍເຖິງ 21 ຄະແນນ ລວມທັງບໍ່ສາມາດຜ່ານເຂົ້າຮອບ 16 ທີມສຸດທ້າຍຂອງສຶກ ຢູຟ່າ ແຊມເປຍລີກ ໃນລະດູການນີ້ໄດ້

ສະແດງຄຳຄິດເຫັນ