site-cover (16)
ສະເປນ-ໂປຕຸເກສ ໄຟຟ້າດັບຄັ້ງໃຫຍ່
ຮຽບຮຽງໂດຍ:ວຽງຈັນໂພສຕ໌
ເຜີຍແຜ່: 29 April, 2025

ມາດຣິດ 29 ເມສາ – ຫຼາຍພື້ນທີ່ຂອງສະເປນ ແລະ ໂປຕຸເກສ ປະເຊີນກັບບັນຫາໄຟຟ້າດັບຄັ້ງໃຫຍ່ ກະທົບຕໍ່ຫຼາຍພາກສ່ວນໃນປະເທດ ຈົນລັດຖະບານສະເປນຕ້ອງປະກາດພາວະສຸກເສີນ

 

ຫຼາຍພື້ນທີ່ຂະໜາດໃຫຍ່ຂອງສະເປນ ແລະ ໂປຕຸເກສ ເຊິ່ງຕັ້ງຢູ່ເທິງຄາບສະໝຸດໄອບີເຣຍ ລວມເຖິງບາງສ່ວນຂອງຝຣັ່ງ ປະເຊີນບັນຫາໄຟຟ້າດັບຄັ້ງໃຫຍ່ຕັ້ງແຕ່ຊ່ວງສວາຍຂອງມື້ວານນີ້ຕາມເວລາທ້ອງຖິ່ນ ກໍ່ໃຫ້ເກີດຄວາມໂກລາຫົນໄປທົ່ວປະເທດ.

Digital Marketing Agency in Laos - Emerging Digital Solutions

 

ການຂົນສົ່ງສາທາລະນະ ທັງລົດໄຟໂດຍສານ, ລົດໄຟໃຕ້ດິນ ແລະເຄື່ອງບິນໂດຍສານເປັນອຳພາດ, ການຈະລາຈອນຕິດຂັດຢ່າງໜັກ ເນື່ອງຈາກສັນຍານໄຟຈະລາຈອນຕາມແຍກຕ່າງໆ ໃຊ້ການບໍ່ໄດ້, ຖ້ຽວບິນໂດຍສານຊັກຊ້າແລະຍົກເລີກຈຳນວນຫຼາຍ, ໂຮງໝໍແລະໂຮງຮຽນບໍ່ມີໄຟຟ້າໃຊ້, ຜູ້ຄົນຈຳນວນຫຼາຍຕິດຢູ່ໃນລົດໄຟໃຕ້ດິນ, ລົດໄຟໂດຍສານ ແລະໃນລິບ.

 

ສະເພາະໃນກຸງມາດຣິດ ເມືອງຫຼວງສະເປນ, ປະຊາຊົນນັບພັນຄົນ ອອກມາຢືນຢູ່ຕາມຖະໜົນນອກອາຄານສຳນັກງານ, ມີເຈົ້າໜ້າທີ່ຄອຍຄວບຄຸມການຈະລາຈອນ, ຂະນະທີ່ທະຫານຖືກສົ່ງໄປຊ່ວຍເຫຼືອຜູ້ໂດຍສານທີ່ຕິດຄ້າງຢູ່ໃນລົດໄຟໂດຍສານຫຼາຍຂະບວນ.

ຜູ້ໂດຍສານຕົກຄ້າງທີ່ສະຖານີລົດໄຟໃນກຸງມາດຣິດ ສະເປນ

ບໍລິສັດໄຟຟ້າສະເປນແລະໂປຕຸເກສພະຍາຍາມແກ້ໄຂບັນຫາກະແສໄຟຟ້າດັບ

ບໍລິສັດໄຟຟ້າແລະຜູ້ປະກອບການໄຟຟ້າທັງໃນສະເປນແລະໂປຕຸເກສ ພະຍາຍາມຢ່າງໜັກໃນການແກ້ບັນຫາເພື່ອກັບມາຈ່າຍກະແສໄຟຟ້າອີກຄັ້ງ ຂະນະທີ່ລັດຖະບານສະເປນປະກາດສະຖານະການສຸກເສີນ ແລະ ຮຽກປະຊຸມກັບລັດຖະບານໂປຕຸເກສເພື່ອຫາລືກ່ຽວກັບບັນຫາໄຟຟ້າດັບ.

 

ບໍລິສັດ Red Eléctrica ເຊິ່ງເປັນຜູ້ປະກອບການສົ່ງໄຟຟ້າຂອງສະເປນແຈ້ງວ່າ ໄຟຟ້າດັບ ເຊິ່ງຍັງບໍ່ຮູ້ສາເຫດໃນທັນທີອາດກິນເວລາດົນ 6 ເຖິງ 10 ຊົ່ວໂມງ.

 

ນາຍົກລັດຖະມົນຕີເປໂດຣ ຊານເຊສ ຂອງສະເປນ ຖະແຫຼງເມື່ອແລງວານນີ້ວ່າ ກວ່າເຄິ່ງໜຶ່ງປະເທດເລີ່ມກັບມາມີໄຟຟ້າໃຊ້ແລ້ວ ສ່ວນທີ່ເຫຼືອຂອງປະເທດນ່າຈະກັບມາໃຊ້ໄຟຟ້າໄດ້ຕາມປົກກະຕິໃນມື້ນີ້.

 

ລັດຖະບານກຳລັງດຳເນີນການເພື່ອຊອກຫາສາເຫດ ແລະ ຜົນກະທົບຂອງເຫດການນີ້ ພ້ອມທຸ່ມເທຊັບພະຍາກອນທີ່ມີທັງໝົດເພື່ອແກ້ໄຂບັນຫາໂດຍໄວທີ່ສຸດ ໂດຍຍັງບໍ່ຕັດຄວາມເປັນໄປໄດ້ທີ່ເຫດໄຟຟ້າດັບຈະເກີດຈາກການໂຈມຕີທາງໄຊເບີ.

 

ລົດໄຟໃນກຸງມາດຣິດ ສະເປນໃຊ້ການບໍ່ໄດ້

ລົດຮາງໃນກຸງລິສບອນ ໂປຕຸເກສ ໃຊ້ການບໍ່ໄດ້

ດ້ານລັດຖະບານສະເປນສົ່ງເຈົ້າໜ້າທີ່ທະຫານຕຳຫຼວດແລະຝ່າຍຄວາມໝັ້ນຄົງກວ່າ 30,000 ນາຍ

ດ້ານລັດຖະບານສະເປນສົ່ງເຈົ້າໜ້າທີ່ທະຫານຕຳຫຼວດແລະຝ່າຍຄວາມໝັ້ນຄົງກວ່າ 30,000 ນາຍອອກລາດຕະເວນທົ່ວປະເທດເພື່ອດູແລຄວາມສະຫງົບຮຽບຮ້ອຍ, ດູແລການຈະລາຈອນຕາມທ້ອງຖະໜົນ, ຮັບມືເຫດການສຸກເສີນ ແລະປ້ອງກັນການປຸ້ນສະດົມຕາມທຸລະກິດຫ້າງຮ້ານ.

 

ພ້ອມກັບຮຽກຮ້ອງໃຫ້ປະຊາຊົນຢ່າຕື່ນຕົກໃຈ, ຫຼີກລ່ຽງການເດີນທາງທີ່ບໍ່ຈຳເປັນ, ລວມເຖິງໃຊ້ງານອິນເຕີເນັດແລະໂທລະສັບມືຖືຢ່າງຈຳກັດ.

 

ນາຍົກສະເປນ
ຄະນະກຳມະການຢູໂຣບຕິດຕໍ່ກັບເຈົ້າໜ້າທີ່ສະເປນ ແລະ ໂປຕຸເກສ

ຄະນະກຳມາທິການຢູໂຣບຖະແຫຼງວ່າ ໄດ້ຕິດຕໍ່ກັບເຈົ້າໜ້າທີ່ໃນສະເປນກັບໂປຕຸເກສແລ້ວ ຂະນະທີ່ເຄືອຂ່າຍລະບົບຈ່າຍໄຟຟ້າຂອງຢູໂຣບພະຍາຍາມທີ່ຈະຊອກຫາສາເຫດຂອງໄຟຟ້າດັບຄັ້ງນີ້ດ້ວຍ.

 

ເນື່ອງຈາກວິກິດໄຟຟ້າຄັ້ງໃຫຍ່ດັບລະດັບນີ້ ເກີດຂຶ້ນບໍ່ເທົ່າໃດຄັ້ງນັກໃນຢູໂຣບ ໂດຍໃນປີ 2003 ເກີດບັນຫາສາຍສົ່ງໄຟຟ້າພະລັງນ້ຳລະຫວ່າງອິຕາລີແລະສະວິດເຊີແລນຂັດຂ້ອງ ສົ່ງຜົນໃຫ້ໄຟຟ້າດັບທົ່ວທັງຄາບສະໝຸດອິຕາລີນານເຖິງ 12 ຊົ່ວໂມງ.

 

 

ສະແດງຄຳຄິດເຫັນ

ອັດຕາແລກປ່ຽນ 
ປະຈຳວັນທີ Friday, 17 October, 2025
ສະກຸນເງິນ
ຊື້
ຂາຍ
united-states
USD
21,526
21,803
thailand (1)
THB
662.81
673.41
european-union
EUR
24,425
24,914
china
CNY
2,956
3,015
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ 
ປະຈຳວັນທີ Wednesday, 8 October, 2025
ຊະນິດນ້ຳມັນ
ລາຄາ
28,650
23,990
19,320
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ 
ປະຈຳວັນທີ Wednesday, 8 October, 2025
ປະເພດ
ລາຄາຊື້
ລາຄາຂາຍ
42,720,000
43,250,000
42,370,000
43,359,000
ຂໍ້ມູນຈາກ: ຮ້ານຄຳພູວົງ
ຂ່າວມາໃໝ່ 
pele - 2025-10-17T113800.481
ຍີ່ປຸ່ນ ຊ່ວຍເຫຼືອສ້າງໂຮງຮຽນປະຖົມສົມບູນ ບ້ານຫາດສະ ແຂວງບໍ່ແກ້ວ
jane - 2025-10-17T112057.044
ພາບບັນຍາກາດການຟ້ອນລຳວົງສາມັກຄີ ຂອງທ່ານນາຍຍົກລັດຖະມົນຕີ ແຫ່ງ ສປປ ລາວ ແລະ ນາຍຍົກລັດຖະມົນຕີ ແຫ່ງ ຣາຊະອານາຈັກໄທ ພ້ອມດ້ວຍພັນລະຍາ
jane - 2025-10-17T105720.143
ຍທຂ ເມືອງຈຳພອນ ຕິດຕາມແກ້ໄຂດິນຫົວຂົວເບຕົງຍຸບ ເຂດບ້ານນາກະທ້າງປັດຈຸບັນສາມາດເດີນທາງໄປ-ມາໄດ້ແລ້ວ.
jane - 2025-10-17T102039.018
ເມືອງວຽງພູຄາ ໄດ້ຮັບເຂົ້າສານຊ່ວຍເຫລືອ 342 ໂຕນ
pele - 2025-10-17T094233.268
ລາຍງານເຫດການເກີດແຜ່ນດິນໄຫວຢູ່ບັນປະເທດໃກ້ຄຽງ ວັນທີ 16 ຕຸລາ 2025
jane - 2025-10-17T092950.780
ສະພາບອາກາດປະຈໍາເຊົ້າວັນທີ 17 ຕຸລາ 2025
jane - 2025-10-17T091548.551
 ກວດດວງ 5 ລາສີ ມີໂອກາດໄດ້ເງິນກ້ອນໃຫຍ່ ດວງດ້ານການເງິນເຮັງປັງ
jane - 2025-10-16T155752.261
ຊົມເຊີຍ ສະຫາຍ ທອງລີ ສີສຸລິດ ໄດ້​ຮັບ​ເລືອກ​ຕັ້ງ​ເປັນ​ເລ​ຂາ​ຄະ​ນະ​ພັກ ສູນກາງຊາວໜຸ່ມ ປະຊາຊົນ ປະຕິວັດລາວ.
pele - 2025-10-16T145013.841
ເບຍລາວ ມອບທຶນ 7 ຕື້ກີບເພື່ອສົ່ງເສີມງານມະຫາກໍາກິລາແຫ່ງຊາດວຽງຈັນເກມ ຄັ້ງທີ XII
jane - 2025-10-16T145120.719
ຮອງລັດຖະມົນຕີກະຊວງ ຮສສ ຊຸກຍູ້ ວຽກງານ ກວດກູ້ລະເບີດ ຢູ່ແຂວງອັດຕະປື
ຢ່າລື່ມກົດຕິດຕາມ