ໃນເວລາ ປະມານ 1ໂມງກາງຄືນຂອງວັນທີ 29 ເມສາ 2025 ນີ້ ໄດ້ເກີດເຫດດິນສະໄລເຈື່ອນໄຫຼຊຸເຮືອນປະຊາຊົນ ບ້ານລາດກຶມ ເມືອງງາ ແຂວງອຸດົມໄຊ ຈຳນວນ 2 ຫຼັງ ເຮັດໃຫ້ມີຜູ້ສູນຫາຍຈໍານວນ 9 ຄົນ.

 

ທ່ານ ໂປະ ນາຍບ້ານລາດກຶ່ມ ເມືອງງາ ແຂວງອຸດົມໄຊ ໄດ້ລາຍງານໃຫ້ຮູ້ວ່າ: ໃນເວວາ ປະມານ 1 ໂມງປາຍ ໄດ້ເກີດມີຝົນຕົກໜັກ ເຮັດໃຫ້ຄູກັນນໍ້າຫ້ວຍສະຫຼອກ ທີ່ບໍສະສັດກໍ່ສ້າງເສັ້ນທາງໄດ້ກັ້ນໄວ້ ຮັບແຮງດັນນໍ້າບໍ່ຢູ່ ແລ້ວແຕກໄຫຼສຸເອົາເຮືອນ 2 ຫຼັງຢູແຄມຫ້ວຍດັ່ງກ່າວ ເຮັດໃຫ້ມີຜູ້ສູນຫາຍຈໍານວນ 9 ຄົນຄື:

 

ທ້າວ ອຸນຄໍາ ອາຍຸ 70 ປີ,

ທ້າວ ຈັນຄຳ ອາຍຸ 45 ປີ,

ນາງ ສາບ ອາຍຸ 37 ປີ,

ນາງ ທອງ ອາຍຸ 35 ປີ,

ທ້າວ ດອນ ອາຍຸ 30 ປີ,

ທ້າວ ສົມພົງ ອາຍຸ 3 ປີ,

ນາງ ພູ ອາຍຸ 5 ປີ ,

ນາງ ໝອນ ອາຍຸ 5 ປີ

ແລະ ນາງ ເມົາ ອາຍຸ 60 ປີ

 

ເຊິ່ງຄາດວ່າຜູ້ສູນຫາຍຈໍານວນ 9 ຄົນນັ້ນ ແມ່ນໄດ້ຖືກມວນນໍ້າ ແລະ ດິນໄຫຼຊຸລົງແມ່ນໍ້າຂອງ

ໃນປະຈຸບັນນີ້ ອົງການປົກຄອງເມືອງງາ ແລະ ການຈັດຕັ້ງບ້ານ ພ້ອມດ້ວຍພາກສວນກ່ຽວຂ້ອງພວມເລັ່ງຊອກຄົ້ນຫາຜູ້ສູນຫາຍ

 

 

 

ແຫຼ່ງທີ່ມາ:ເມືອງງາ

ສະແດງຄຳຄິດເຫັນ