ທີມຊາດລາວ ຊຸດໃຫຍ່ ເຂົ້າສູນຝຶກຊ້ອມ ກຽມແຂ່ງຂັນ ພົບ ທີມຊາດເນປານ

ທີມຊາດລາວ ຊຸດໃຫຍ່ ໄດ້ເລີ້ມເກັບຕົວຝຶກຊ້ອມນັບຕັ້ງແຕ່ ວັນທີ 28 ເມສາ 2025 ເປັນຕົ້ນມາ ເພື່ອກະກຽມທີມ ແຂ່ງຂັນນັດທີ 2 ພົບກັບ ທີມຊາດເນປານ ໃນລາຍການແຂ່ງຂັນບານເຕະ ຊີງແຊ້ມອາຊີ ຮອບຄັດເລືອກ 2027 AFC Asian Cup Saudi Arabia 2027 Qualifiers Final Round ນັດທີ 2 ເຊິ່ງແຂ່ງຂັນ ວັນທີ 10 ມິຖຸນາ 2025 ເວລາ 19:00 ຢູ່ທີ່ສະຫນາມກິລາແຫ່ງຊາດຫຼັກ 16.

ທ່ານ ຮາ ຮອກ ຈູນ (HA HYEOKJUN) ຄູຝຶກ ທີມຊາດລາວ ສັນຊາດ ສ.ເກົາຫລີ ໄດ້ເອີ້ນນັກກິລາຫນ້າໃຫມ່ຫລາຍຄົນເຂົ້າຮ່ວມຄັດເລືອກ ທີມຊາດລາວ ບໍ່ວ່າຈະເປັນ ໄມເຄີນ ວາງ, ສາຍຝົນ ແກ້ວຫານາມ, ອຸ່ນ ເພັດວົງສາ, ຈີນູ່ລ່າວ ຢ່າໂຊຕູ້ກີ ແລະ ນັກກິລາອື່ນໆອີກ.

ຂໍ້ມູນຂ່າວຈາກ: ສະຫະພັນບານເຕະແຫ່ງຊາດລາວ

ສະແດງຄຳຄິດເຫັນ