Copy of site cover (47)
ປາຣີສ ແຊງ-ແຊກແມງ ຊະນະ ອາເຊນໍ 2-1: ປາຣີສ ແກ້ແຄ້ນ ປືນໃຫຍ່ ເຂົ້າຊິງແຊມປຽນລີກ
ຮຽບຮຽງໂດຍ:kaling
ເຜີຍແຜ່: 8 May, 2025
ໝວດ: ກິລາ

ປາຣີສ ພົບ ອາເຊນອລ: ຜົນບານ 2-1 (ຄະແນນລວມ ປາຣີສ ຊະນະ 3-1) | ປາຣີສ ເອົາຊະນະ ອາເຊນໍ ໃນການແຂ່ງຂັນຢູຟ່າ ແຊມປຽນລີກ ຮອບລອງຊະນະເລີດ ນັດທີ 2 ໂດຍເກມນີ້ ຟາເບຍນ ຣຸຍຊ໌ ກັບ ອາຊຣາຟ ຮາຄິມີ ຍິງຄົນລະໜຶ່ງປະຕູໃຫ້ເຈົ້າພາບ, ກ່ອນທີ່ທີມປືນໃຫຍ່ຈະໄດ້ປະຕູຈາກ ບູກາໂຢ ຊາກາ ແຕ່ສຸດທ້າຍກໍໄລ່ບໍ່ທັນ, ຈົບເກມ ປາຣີສ ຊະນະ 2-1 ຄະແນນລວມຊະນະ 3-1 ໄດ້ຜ່ານເຂົ້າຊິງໄປພົບກັບ “ງູໃຫຍ່” ອິນເຕີ ມິລານ ໃນຄືນວັນເສົາທີ 31 ພ.ຄ. ທີ່ອັລລິອັນຊ໌ ອາເຣນາ ປະເທດເຢຍລະມັນ

ບານເຕະຢູຟ່າ ແຊມປຽນລີກ 2024/25

ປາຣີສ 2-1 ອາເຊນໍ

ການແຂ່ງຂັນຟຸດບອນຢູຟ່າ ແຊມປຽນລີກ 2024/25 ຮອບເຄິ່ງຊະນະເລີດ ນັດທີ 2 ເມື່ອຄືນວັນພຸດທີ 7 ພຶດສະພາ 2568 ປາຣີສ ແຊງ-ແຊກແມງ ທີມຍັກໃຫຍ່ຂອງລີກເອິງ ຝຣັ່ງ ເປີດເຮືອນພົບກັບ “ປືນໃຫຍ່” ອາເຊໍ ທີມຈາກພຣີເມຍລີກ ໂດຍຜົນນັດທໍາອິດ ປາຣີສ ບຸກໄປເຊືອດຊະນະ 1-0 ເຖິງຖິ່ນເອມິເຣດສ໌ ສະຕາດຽມ ເມື່ອອາທິດທີ່ແລ້ວ

ເລີ່ມເກມມານາທີທີ 3 ອາເຊນອລໄດ້ລຸ້ນກ່ອນ ເຢີເຣຍນ ທິມເບີ ເປີດບານຈາກຂວາເຂົ້າມາໃຫ້ ເດແຄລນ ໄຣສ໌ ເຕັກໂຕຂຶ້ນໂໝ່ງ ບານພຸ່ງຫຼຸດເສົາອອກໄປໜ້ອຍດຽວ

ຖັດມາໜຶ່ງນາທີ ທີມປືນໃຫຍ່ໄດ້ລຸ້ນອີກຄັ້ງຈາກຈັງຫວະທີ່ ໂທມັດ ປາເຕ ທຸ່ມໄກເຂົ້າເຂດໂທດ ກາເບຣຽວ ມາຕິເນລລີ ວິ່ງສອດເຂົ້າມາແປຈໍ້ໆ ຕິດເຊັບນາຍປະຕູ ຈານລູຢຈິ ດອນນາຣຸມມາ

ນາທີທີ 8 ໂທມັດ ປາເຕ ໄດ້ທຸ່ມໄກເຂົ້າເຂດໂທດອີກຄັ້ງ ຜູ້ຫຼິ້ນປາຣີສໂໝ່ງສະກັດບານມາເຂົ້າທາງ ມາຕິນ ໂອເດກາດ ຫວົດດ້ວຍຊ້າຍເຕັມໆ ຈາກແຖວເສັ້ນເຂດໂທດ ແຕ່ບໍ່ຜ່ານມື ດອນນາຣຸມມາ ສະແດງຊູເປີເຊັບ ພຸ່ງປັດບານອອກຫຼັງໄດ້ຢ່າງໄວ

ນາທີ 17 ປາຣີສໄດ້ລຸ້ນຄັ້ງທໍາອິດແລະເກືອບໄດ້ເຮ ເມື່ອ ຄວິຊາ ຄວາຣັດສເຄເລຍ ໄດ້ປັ່ນເນັ້ນໆ ດ້ວຍຊ້າຍ ບານພຸ່ງໄປຊົນເສົາຢ່າງແຮງ

ປະຕູ!! ນາທີ 27 ປາຣີສໄດ້ປະຕູຂຶ້ນນໍາ 1-0 ຈາກຈັງຫວະເປີດຟຣີຄິກເຂົ້າເຂດໂທດ ປາເຕ ໂໝ່ງເຄລຍບານມາເຂົ້າທາງ ຟາເບຍນ ຣຸຍຊ໌ ໃຊ້ເອິກພັກບານໜຶ່ງຈັງຫວະ ກ່ອນຈະວອນເລຍດ້ວຍຊ້າຍເຕັມຂໍ້ຈາກໜ້າເຂດໂທດ ບານພຸ່ງເສຍບມຸມເຂົ້າໄປຢ່າງແຮງ

ນາທີ 30 ປາຣີສເກືອບໄດ້ລູກທີ 2 ເມື່ອໄດ້ຈັງຫວະສວນກັບ ແບຣດລີ ບາກໂຄລາ ໄດ້ຊັດໂລ່ງໆ ໃນເຂດໂທດ ແຕ່ຈັງຫວະສັບໄກມີ ເດແຄລນ ໄຣສ໌ ພຸ່ງມາຊ່ວຍສະກັດ ເຮັດໃຫ້ບານບໍ່ແຮງເທົ່າທີ່ຄວນ ແລະ ດາບິດ ຣາຢາ ລົ້ມຕົວປັດບານອອກຫຼັງໄປໄດ້ທັນ ກ່ອນຈະຈົບເຄິ່ງແລກດ້ວຍສະກໍ ປາຣີສ ນໍາ ອາເຊນອລ 1-0 ຄະແນນລວມສອງນັດ ປາຣີສ ນໍາ 2-0

ກັບມາລົງສະໜາມເຄິ່ງຫຼັງ ອາເຊນອລ ເລັ່ງເຄື່ອງບຸກເຂົ້າໃສ່ທັນທີ ແລະ ເກືອບໄດ້ປະຕູໃນນາທີ 64 ບູກາໂຢ ຊາກາ ໄດ້ບານໃນເຂດໂທດດ້ານຂວາ ກ່ອນແຕະເຂົ້າໃນແລ້ວປັ່ນດ້ວຍຊ້າຍ ແຕ່ກໍຍັງບໍ່ຜ່ານມື ດອນນາຣຸມມາ ທີ່ບິນປັດບານອອກຫຼັງໄປໄດ້ອີກ

ຈຸດໂທດ!! ຈາກນັ້ນ ປາຣີສ ມາໄດ້ຈຸດໂທດໃນນາທີ 69 ຈາກຈັງຫວະທີ່ ອາຊຣາຟ ຮາຄິມີ ຊັດດ້ວຍຂວາໃນເຂດໂທດ ບານໄປໂດນມື ໄມລສ໌ ລູອິສ-ສເຄລລີ ຜູ້ຕັດສິນເຊັກພາບຈາກ VAR ກ່ອນໃຫ້ຈຸດໂທດແກ່ເຈົ້າພາບ ແຕ່ວ່າ ວິຕິນຢາ ສັງຫານໄປຕິດ ດາບິດ ຣາຢາ ພຸ່ງປັດບານອອກຫຼັງໄປໄດ້ ເຮັດໃຫ້ປາຣີສຍັງນໍາຢູ່ແຄ່ 1-0 ເໝືອນເດີມ

ປະຕູ!! ນາທີ 72 ປາຣີສໄດ້ລູກທີ 2 ຈົນໄດ້ ເມື່ອ ອຸສມານ ເດມເບເລ ປັ້ມແຍ່ງບານໄດ້ຈາກ ໂທມັດ ປາເຕ ກ່ອນຈະໄຫຼໃຫ້ ອາຊຣາຟ ຮາຄິມີ ບັນຈຸງປັ່ນດ້ວຍຂວາໃນເຂດໂທດ ບານພຸ່ງເສຍບມຸມເຂົ້າໄປຢ່າງສວຍງາມ ປາຣີສ ໜີໄປເປັນ 2-0

ປະຕູ!! ນາທີ 76 ອາເຊນອລບໍ່ຍອມແພ້ງ່າຍໆ ເລອັນໂດ ທຣອສຊາ ຜ່ານບານຈາກຊ້າຍເຂົ້າເຂດໂທດ ບານໄປແຉລບ ວິລລຽນ ປາໂຊ ມາເຂົ້າທາງ ບູກາໂຢ ຊາກາ ຍິງຈັງຫວະແລກຕິດບລັອກ ລູກັສ ແອນັນເດຊ ແຕ່ ຊາກາ ຍັງຕາມໄປຊ້ໍາຈັງຫວະສອງຕຸງຕາຂ່າຍ ຕີໄຂ່ແຕກໄລ່ມາເປັນ 1-2

ນາທີ 80 ອາເຊນອລໄດ້ໂອກາດທອງ ຣິກຄາໂດ ຄາລາຟິອໍຣີ ປາດບານຈາກຊ້າຍເຂົ້າກາງ ດອນນາຣຸມມາ ອອກມາຕັດບານບໍ່ໂດນ ບານເລີຍມາເຖິງ ຊາກາ ໄດ້ຍິງໂລ່ງໆ ແຕ່ຍິງຂ້າມຄານອອກໄປຢ່າງໜ້າເສຍດາຍ

ຊ່ວງທ້າຍເກມ ທີມປືນໃຫຍ່ພະຍາຍາມເລັ່ງເຄື່ອງບຸກ ແຕ່ກໍບໍ່ສາມາດບວກປະຕູເພີ່ມໄດ້ ຈົບເກມ ປາຣີສ ຊະນະ ອາເຊນອລ 2-1 ຄະແນນລວມຊະນະ 3-1 ສົ່ງຜົນໃຫ້ ປາຣີສ ໄດ້ຜ່ານເຂົ້າສູ່ຮອບຊິງຊະນະເລີດໄປພົບກັບ “ງູໃຫຍ່” ອິນເຕີ ມິລານ ໃນຄືນວັນເສົາທີ 31 ພ.ຄ. ທີ່ສະໜາມອັລລິອັນຊ໌ ອາເຣນາ ເມືອງມິວນິກ ປະເທດເຢຍລະມັນ

ລາຍຊື່ຜູ້ຫຼິ້ນຕົວຈິງທີ່ລົງສະໜາມ

ປາຣີສ: ຈານລູຢຈິ ດອນນາຣຸມມາ (GK), ອາຊຣາຟ ຮາຄິມີ, ມາກິນຢອສ, ວິລລຽນ ປາໂຊ, ນູໂນ ເມນເດສ, ຊູເອາ ເນເວສ, ວິຕິນຢາ, ຟາເບຍນ ຣຸຍຊ໌, ແບຣດລີ ບາກໂຄລາ, ຄວິຊາ ຄວາຣັດສເຄເລຍ, ເດຊິເຣ ດູເອ

ອາເຊນໍ: ດາບິດ ຣາຢາ (GK), ເຢີເຣຍນ ທິມເບີ, ວິລລຽມ ຊາລິບາ, ຢາຄຸບ ຄິວິອໍ, ໄມລສ໌ ລູອິສ ສເຄລລີ, ເດແຄລນ ໄຣສ໌, ໂທມັດ ປາເຕ, ມາຕິນ ໂອເດກາດ, ບູກາໂຢ ຊາກາ, ກາເບຣຽວ ມາຕິເນລລີ, ມິເກລ ເມຣິໂນ

ສະແດງຄຳຄິດເຫັນ

ອັດຕາແລກປ່ຽນ 
ປະຈຳວັນທີ Friday, 29 August, 2025
ສະກຸນເງິນ
ຊື້
ຂາຍ
united-states
USD
21,511
21,788
thailand (1)
THB
662.01
672.20
european-union
EUR
24,097
24,579
china
CNY
2,926
2,984
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ 
ປະຈຳວັນທີ Thursday, 27 March, 2025
ຊະນິດນ້ຳມັນ
ລາຄາ
28,230
22,560
18,370
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ 
ປະຈຳວັນທີ Wednesday, 11 June, 2025
ປະເພດ
ລາຄາຊື້
ລາຄາຂາຍ
34,990,000
35,520,000
34,640,000
35,629,000
ຂໍ້ມູນຈາກ: ຮ້ານຄຳພູວົງ
ຂ່າວມາໃໝ່ 
_cover - 2025-08-29T160627.447
ແຈ້ງເຕືອນໄພ ພາຍຸດີເປຼຊັນ (TD) ສະບັບທີ 1 ໃນລະຫວ່າງວັນທີ 29 – 31 ສິງຫາ 2025
site cover1 (100)
ຮູ້ຈັກ Cambricon ບໍລິສັດຊິບຈີນມ້າມືດ ຄູ່ແຂ່ງ Nvidia ລາຍໄດ້ພຸ່ງ 4,000%
pele - 2025-08-29T142514.669
ສໍາເລັດການຍົກລະດັບຄວາມຮູ້ ວຽກງານວິຊາສະເພາະ ໂຄສະນາອົບຮົມ
site cover1 (99)
"ແມນຢູ" ຕ້ອງຈ່າຍສູງເຖິງ 521 ລ້ານບາດ ຖ້າປົດ "ອະໂມຣິມ"ຫຼັງຊີຊັ່ນໃໝ່ຍັງບໍ່ຊະນະໃຜເລີຍ
_cover - 2025-08-29T134631.840
ເຈົ້າເມືອງໆຍົມມະລາດ ລົງຢ້ຽມຢາມປະຊາຊົນ ແລະ ຕິດຕາມສະພາບນ້ຳຖ້ວມພາຍໃນເມືອງ
pele - 2025-08-29T133942.291
ປະທານສະພາແຫ່ງຊາດ ຫວຽດນາມ ພົບປະເຈລະຈາກັບ ປະທານສະພາແຫ່ງຊາດນູແວນເຊລັງ
site cover1 (98)
OpenAI ກະກຽມເພີ່ມຟີເຈີ 'ການຄວບຄຸມໂດຍຜູ້ປົກຄອງ' ຫຼັງເດັກ 16 ປີເສຍຊີວິດເພາະສົນທະນາກັບ ChatGPT
_cover - 2025-08-29T103421.083
ຍີ່ປຸ່ນໃຊ້ AI ຈຳລອງພູເຂົາໄຟຟູຈິລະເບີດ ເຕືອນຄົນໂຕກຽວໃຫ້ຮັບມືກັບໄພພິບັດ
pele - 2025-08-29T103707.528
ບໍລິສັດ ສະຫະບໍລິສັດ ລາວບໍລິການ ຈຳກັດ ມອບ 2 ຕື້ກີບ ຊຸກຍູ້ກອງປະຊຸມໃຫຍ່ອົງຄະນະພັກແຂວງ ຄັ້ງທີ XII
site cover1 (97)
ການວິໄຈພົບ 'ຢາສີດມະເຮັງສະເພາະຈຸດ' ສີດແລ້ວຫາຍທົ່ວຮ່າງກາຍ
ຢ່າລື່ມກົດຕິດຕາມ