ນັກຄົ້ນຄວ້າຈາກ Alibaba Group ໄດ້ພັດທະນາວິທີການໃໝ່ “ZeroSearch” ທີ່ຈະຊ່ວຍຫຼຸດຄ່າໃຊ້ຈ່າຍແລະຄວາມຊັບຊ້ອນໃນການເທຣນໂມເດລ AI ເພື່ອການຄົ້ນຫາຂໍ້ມູນຕ່າງໆໄດ້ຢ່າງມີຄວາມສຳຄັນ ໂດຍສະເພາະຄ່າໃຊ້ຈ່າຍທີ່ຕ້ອງໃຊ້ Search Engine APIs ທາງການຄ້າຕ່າງໆໄດ້ປະມານ 88%

ໂດຍວິທີການໃໝ່ທີ່ນັກຄົ້ນຄວ້າ Alibaba ນຳສະເໜີເອີ້ນວ່າເຕັກນິກ ZeroSearch ທີ່ໃຫ້ໂມເດລ LLM ສາມາດພັດທະນາຂີດຄວາມສາມາດໃນການຄົ້ນຫາຂໍ້ມູນຜ່ານການຈຳລອງ (Simulation) ແທນທີ່ຈະໄປມີປະຕິສຳພັນກັບ Search Engine ຕົວຈິງໃນລະຫວ່າງຂະບວນການເທຣນໂມເດລ

ແລະຜົນທີ່ໄດ້ຮັບນັ້ນຊີ້ໃຫ້ເຫັນວ່າໂມເດລ LLM ຍັງຄົງສາມາດເຮັດວຽກໄດ້ດີ ຄວບຄຸມໄດ້ດີຂຶ້ນໃນການຮຽນຮູ້ການດຶງຂໍ້ມູນ ແຕ່ຈຸດທີ່ສຳຄັນຫຼາຍແມ່ນວິທີການນີ້ໄດ້ຊ່ວຍປະຫຍັດຄ່າໃຊ້ຈ່າຍໃນການໃຊ້ງານ API ສຳລັບການຄົ້ນຫາລົງໄປຢ່າງມີຄວາມສຳຄັນ

ຈາກຂໍ້ມູນທີ່ນັກຄົ້ນຄວ້າເປີດເຜີຍອອກມາ ການເທຣນການຄົ້ນຫາ 64,000 Search Queries ດ້ວຍການໃຊ້ Google Search via SerpAPI ນັ້ນຈະມີຄ່າໃຊ້ຈ່າຍປະມານ 586.70 ໂດລາສະຫະລັດ ແຕ່ຖ້າໃຊ້ LLM ຈຳລອງຂະໜາດ 14B ເທິງ GPU A100 ຈຳນວນ 4 ການ໌ດຈະມີຄ່າໃຊ້ຈ່າຍປະມານ 70.80 ໂດລາສະຫະລັດ ສະແດງໃຫ້ເຫັນວ່າມີໂອກາດທີ່ຄ່າໃຊ້ຈ່າຍນັ້ນຈະຫຼຸດລົງໄປເຖິງ 88% ໄດ້ເລີຍ

ຂໍ້ມູນຂ່າວ: https://venturebeat.com/ai/alibabas-zerosearch-lets-ai-learn-to-google-itself-slashing-training-costs-by-88-percent/

ສະແດງຄຳຄິດເຫັນ