ຣູເບນ ອາໂມຣິມ ຜູ້ຈັດການທີມ ແມນເຊສເຕີ ຢູໄນເຕັດ ປຸກເຣ້າລູກທີມຫຼັງທີມຊະນະ ແອທເລຕິກ ບິນເບົາ ທະລຸເຂົ້າຊິງ ຢູໂຣປ້າ ລີກ

ຣູເບນ ອາໂມຣິມ ຜູ້ຈັດການທີມ ແມນເຊສເຕີ ຢູໄນເຕັດ ທີມຍັກໃຫຍ່ໃນສຶກພຣີເມຍລີກອັງກິດ ອອກມາສະແດງຄວາມຍິນດີທີ່ລູກທີມໄດ້ເຂົ້າຊິງ ຢູໂຣປ້າ ລີກ ຫຼັງເອົາຊະນະ ແອທເລຕິກ ບິນເບົາ ຄູ່ແຂ່ງອັນດັບ 4 ຈາກສຶກ ລາລີກ້າ ສະເປນ ໄປ 4-1 ໂດຍເຂົ້າຮອບດ້ວຍຜົນສະກໍຣວມ 7-1 ໂດຍປຸກເຣ້າລູກທີມ ຜົນງານດັ່ງກ່າວຈະບໍ່ມີຄວາມໝາຍ ຫາກບໍ່ສາມາດຄວ້າແຊມປ໌

ຢ່າງໃດກໍຕາມຈາກການຊະນະ ແອທເລຕິກ ບິນເບົາ ເຮັດໃຫ້ທີມ “ປີສາດແດງ” ຕ້ອງຕັດສິນສຶກຊິງດຳກັບ ທັອດແນ່ມ ຮັອດສະເປີ ທີມຈາກລີກດຽວກັນ ໂດຍຫາກເອົາຊະນະໄດ້ພວກເຂົາຈະໄດ້ໂຄວຕ້າໄປ ຢູຟ່າ ແຊມເປີ້ຍນສ໌ລີກ ທັນທີ ແມ້ອັນດັບຈະຢູ່ທີ່ 15 ກໍຕາມ

ຈາກການທີ່ທີມ “ປີສາດແດງ” ເຂົ້າຊິງກັບທາງທັບ “ໄກ່ເດືອຍທອງ” ນັ້ນເຮັດໃຫ້ ອາໂມຣິມ ອອກມາກ່າວວ່າ “ມັນຄືຜົນງານເລັກນ້ອຍສຸດທີ່ພວກເຮົາສາມາດຕອບແທນແຟນບອນ ສຳລັບແຮງສະໜັບສະໜູນຕະຫຼອດລະດູການຍາກລຳບາກ ຂ້ອຍເນັ້ນຍ້ຳໄປແລ້ວ ຫາກບໍ່ຊະນະໃນນັດຊິງ ມັນຈະບໍ່ມີຄວາມໝາຍອະຫຍັງ ແຕ່ພວກເຮົາຍັງມີຄວາມສຸກທີ່ໄດ້ໄປທີ່ນັ້ນ

ຂ້ອຍຮູ້ວ່າຕົວເອງຄວນເປັນຜູ້ຈັດການທີ່ດີຂຶ້ນ ແລະ ທີມຄວນຫຼິ້ນໄດ້ດີຂຶ້ນ ແຕ່ພວກເຮົາກຳລັງພະຍາຍາມກັນຢູ່ ພວກເຮົາເຮັດໄດ້ດີໃນ ຢູໂຣປ້າ ລີກ ແຕ່ເຈີຫາບັນຫາໃນ ພຣີເມຍ ລີກ ຂ້ອຍມີຄວາມສຸກຫຼາຍທີ່ ເມີສັນ ເມົາທ໌ ຍິງສອງປະຕູ ລາວຄືຜູ້ຫຼິ້ນຄຸນນະພາບທີ່ເຮັດວຽກໜັກທຸກມື້ ທັງການຝຶກຊ້ອມ, ກິນອາຫານ ແລະ ດູແລຮ່າງກາຍ”

ເມື່ອມີຜູ້ຫຼິ້ນແບບ ເມົາທ໌ ຢູ່ໃນທີມ ທ່ານແຄ່ຕ້ອງການຊ່ວຍເຫຼືອ ລາວສົມບູນແບບກັບຕຳແໜ່ງທີ່ພວກເຮົາວາງໄວ້ ເພາະລາວເປັນທັງມິດຟິວ ແລະ ວິ່ງໄດ້ຄືກັນກັບຜູ້ຫຼິ້ນປີກ ຄັອບບີ້ ໄມນູ ລົງມາແຄ່ 10 ນາທີ ແຕ່ເຮັດທຸກຢ່າງໄດ້ດີຫຼາຍ ເມື່ອມີຕົວເລືອກໃນມ້ານັ່ງຫຼາຍຂຶ້ນ ທ່ານສາມາດໃຊ້ປ່ຽນເກມ ແລະ ຜັກດັນທີມເພື່ອຊ່ວຍໃຫ້ຊະນະເກມ

ຂ້ອຍແຄ່ກັງວົນເລື່ອງພະຍາຍາມຫຼີກລ່ຽງອາການເຈັບໃນເກມຕໍ່ໄປ ພວກເຮົາຕ້ອງມີຜູ້ຫຼິ້ນສົມບູນເຕັມທີ່ໃນນັດຊິງ ພວກເຮົາຕ້ອງພະຍາຍາມຢູ່ໃນເກມ, ອາໄສໂຊກບາງສ່ວນ ແລະ ມີຄວາມຄົມ ອັງເກ້ ປອສເຕໂກກລູ ລາວນັ້ນມີສະຖານະການຄ່ອນຂ້າງຄ້າຍຂ້ອຍ ພວກເຮົາຕ່າງເຈີຊ່ວງທີ່ຍາກ ແລະ ຕ້ອງມີໃຜຄົນໜຶ່ງເປັນຜູ້ຊະນະ ພວກເຮົາຈະພະຍາຍາມເປັນທີມນັ້ນ”

ສະແດງຄຳຄິດເຫັນ