ຜົນບານບາເຊໂລນາ 4-3 ເຣອັນ ມາດຣິດ: ຣາຟິນຢາ ຍິງສອງປະຕູ! ໃກ້ຄວ້າແຊມລາລີກາ

ບາເຊໂລນາເປີດບ້ານເຊືອດຄູ່ແຂ່ງຢ່າງຕື່ນເຕັ້ນ 4-3 ໃນເກມ ເອນ ກລາຊິໂກ້, ເຖິງວ່າ ເອັມບັບເປເຮັດແຮດທຣິກໃຫ້ ເຣອັນ ມາດຣິດ ແຕ່ທີມຢ້ຽມກໍ່ບໍ່ລອດ ພ່າຍຕໍ່ “ເຈົ້າບຸນທຸ່ມ” ທີ່ມີ ຣາຟິນຢາ ເຮັດໄດ້ 2 ປະຕູ. ຖ້າໃນນັດຕໍ່ໄປບາເຊໂລນາບຸກຊະນະ ເອສປັນຢອນ ກໍ່ຈະຄວ້າແຊມລາລີກາທັນທີ.

ເຄິ່ງທຳອິດເລີ່ມມາພຽງແຕ່ 5 ນາທີ, ມາດຣິດໄດ້ຈຸດໂທດ ແລະ ກິລຽນ ເອັມບັບເປ ໄດ້ກືກປະຕູໃຫ້ທີມຢ້ຽມນຳ 1-0.

ຫຼັງຈາກນັ້ນໃນນາທີທີ 14, ມາດຣິດນຳຫ່າງ 2-0 ເມື່ອ ວິນິຊິອຸສ ຈູເນຍ ຈ່າຍບານຜ່ານຊ່ອງໃຫ້ ກິລຽນ ເອັມບັບເປ ຫຼຸດໄປຍິງຜ່ານມື ເຊສນີ່ ເຂົ້າໄປ.

ເຖິງຢ່າງໃດກໍ່ຕາມ, ຫຼັງຈາກນັ້ນບາເຊໂລນາໄດ້ສີ່ປະຕູຕິດຕໍ່ກັນ ພິກກັບມານຳ 4-2 ຈາກ ເອຣິກ ກາເຊຍ ນາທີ 19, ລາມີນ ຢາມານ ນາທີ 32 ແລະ ຣາຟິນຢາ ຍິງສອງປະຕູໃນນາທີ 34 ແລະ 45.

ຈົບເຄິ່ງທຳອິດ, ບາເຊໂລນານຳໜ້າ ເຣອັນ ມາດຣິດ 4-2.

ເຄິ່ງຫຼັງ, ມາດຣິດໄດ້ປະຕູຕີຕື້ນມາເປັນ 3-4 ໃນນາທີ 70 ຈາກ ກິລຽນ ເອັມບັບເປ ຊຶ່ງເປັນແຮດທຣິກຂອງລາວໃນເກມນີ້.

ເວລາທີ່ເຫຼືອບໍ່ມີປະຕູເພີ່ມ, ຈົບເກມ ບາເຊໂລນາຊະນະ ເຣອັນ ມາດຣິດ 4-3.

ເຮັດໃຫ້ຖ້າ “ເຈົ້າບຸນທຸ່ມ” ບຸກຊະນະ ເອສປັນຢອນ ໃນນັດໜ້າ ຈະຄວ້າແຊມໄດ້ທັນທີ ຫຼັງຈາກມີຄະແນນຫ່າງຈາກ “ຣາຊັນຊຸດຂາວ” ເພີ່ມເປັນ 7 ຄະແນນ ໃນຂະນະທີ່ເຫຼືອພຽງ 3 ນັດສຸດທ້າຍເທົ່ານັ້ນ.

ລາຍຊື່ຜູ້ຫຼິ້ນທັງສອງທີມ:

ບາເຊໂລນາ (4-2-3-1): ມາກ-ອັນເດຣ ແທ ສເຕເກັນ – ເອຣິກ ກາເຊຍ, ເປົາ ກູບາຊີ່, ອິນເຢໂກ້ ມາຕີເນຊ, ອເລຮານໂດຣ ບັນເດ້ – ເປດຣີ້, ເຟຣັງກີ້ ເດ ຢອງ – ລາມີນ ຢາມານ, ດານີ່ ໂອນໂມ່, ຣາຟິນຢາ – ແຟຣານ ຕອເຣສ

ເຣອັນ ມາດຣິດ (4-2-3-1): ຕິໂບ ກູກຕົວສ໌ – ເຟເດຣິໂກ້ ວັນເວເດ້, ຣາອູນ ອາເຊນຊິໂອ, ໂອເຣເລຍນ ຊູອາເມນີ່, ຟຣານ ກາເຊຍ – ດານີ່ ເຊບາຢອສ, ລູຄັສ ບາສເກຊ – ອາດາ ກືແລ, ຈູ໊ດ ເບລລິງແຮມ, ວິນິຊິອຸສ ຈູເນຍ – ກິລຽນ ເອັມບັບເປ

ສະແດງຄຳຄິດເຫັນ