ສໍາລັບທຸລະກິດທີ່ມີເຊີບເວີເປັນຫົວໃຈຫລັກຂອງການດໍາເນີນງານ, ການດູແລຮັກສາເຊີບເວີໃຫ້ຢູ່ໃນສະພາບດີເປັນສິ່ງທີ່ຈໍາເປັນ ເພື່ອໃຫ້ລະບົບເຮັດວຽກໄດ້ຢ່າງມີປະສິດທິພາບ ແລະ ຫລຸດຄວາມສ່ຽງຈາກບັນຫາອື່ນໆທີ່ອາດເກີດຂຶ້ນ. ໃນມື້ນີ້ພວກເຮົາຈະມາແນະນໍາວິທີການດູແລເຊີບເວີແບບງ່າຍໆ ທີ່ທຸລະກິດ SMEs ສາມາດເຮັດໄດ້.

1. ອັບເດດລະບົບປະຕິບັດການ ແລະ ຊອຟແວຢ່າງສະໝໍ່າສະເໝີ

ການໃຊ້ລະບົບປະຕິບັດການຫຼືຊອຟແວທີ່ລ້າສະໄໝ ອາດເຮັດໃຫ້ເຊີບເວີສ່ຽງຕໍ່ຊ່ອງໂຫວ່ດ້ານຄວາມປອດໄພ ແລະ ເຮັດໃຫ້ມີປະສິດທິພາບຫລຸດລົງ.

ວິທີການດູແລ

• ຕັ້ງຄ່າ Automatic Update ເພື່ອໃຫ້ອັບເດດອັດຕະໂນມັດ (ໃນກໍລະນີທີ່ລະບົບມີການຮອງຮັບ)
• ຄອຍກວດສອບ Patch ຄວາມປອດໄພ ຈາກເວັບໄຊຂອງຜູ້ໃຫ້ບໍລິການ ເຊັ່ນ Microsoft, Linux, ຫຼື ອື່ນໆ
• ອັບເດດໄດເວີ ແລະ ເຟີມແວຂອງຮາດແວ

2. ສໍາຮອງຂໍ້ມູນ (Backup) ເປັນປະຈໍາ

ຂໍ້ມູນຄືສິ່ງທີ່ສໍາຄັນທີ່ສຸດຂອງທຸລະກິດ ຫາກເກີດຄວາມຜິດພາດ ເຊັ່ນ ໄຟລ໌ເສຍຫາຍ, ໄວຣັສໂຈມຕີ ຫຼື ຮາດແວພັງ, ການມີສໍາຮອງຂໍ້ມູນຊ່ວຍໃຫ້ສາມາດກູ້ຄືນລະບົບໄດ້ຢ່າງວ່ອງໄວ.

ວິທີການດູແລ

ໃຊ້ຫຼັກການ 3-2-1 Backup Rule

• 3 ສໍາເນົາຂອງຂໍ້ມູນ (Primary backup + Backup copy 2 ຊຸດ)
• ເກັບ Backup copy 2 ຊຸດໄວ້ໃນອຸປະກອນທີ່ແຕກຕ່າງກັນ ເພື່ອຊ່ວຍກະຈາຍຄວາມສ່ຽງໃນກໍລະນີທີ່ອຸປະກອນໃດອຸປະກອນໜຶ່ງເສຍຫາຍ
• 1 ຊຸດທີ່ເກັບນອກສະຖານທີ່ (Offsite Backup) ເຊັ່ນ ການເກັບໄວ້ໃນຮາດດິສພາຍນອກທີ່ບໍ່ເຊື່ອມຕໍ່ກັບອິນເຕີເນັດ

ລວມເຖິງຄວນມີການທົດສອບການກູ້ຄືນຂໍ້ມູນ (Restore) ເປັນໄລຍະ ເພື່ອໃຫ້ແນ່ໃຈວ່າຂໍ້ມູນສາມາດໃຊ້ງານໄດ້.

3. ວາງແຜນບໍາລຸງຮັກສາເຊິງປ້ອງກັນ (Preventive Maintenance)

ການບໍາລຸງຮັກສາເປັນປະຈໍາຊ່ວຍໃຫ້ເຊີບເວີເຮັດວຽກໄດ້ຢ່າງມີປະສິດທິພາບ ແລະ ຫລຸດໂອກາດເກີດບັນຫາສຸກເສີນ.

ສິ່ງທີ່ຄວນເຮັດເປັນປະຈໍາ

• ທໍາຄວາມສະອາດພາຍໃນເຄື່ອງ ທຸກ 3-6 ເດືອນ
• ກວດສອບແຫຼ່ງຈ່າຍໄຟ ແລະ UPS (ເຄື່ອງສໍາຮອງໄຟ) ເພື່ອປ້ອງກັນຄວາມເສຍຫາຍຈາກໄຟດັບຫຼືໄຟກະຊາກ
• ທົດສອບລະບົບສໍາຮອງຂໍ້ມູນ ແລະ ການກູ້ຄືນຂໍ້ມູນ

ຫາກທ່ານຕິດບັນຫາ, ບໍ່ສະດວກທີ່ຈະເຮັດເອງ ຫຼື ມີຄວາມຕ້ອງການທີ່ຈະຕິດຕໍ່ຜູ້ຊ່ຽວຊານເພື່ອຊ່ວຍໃນການວາງແຜນການບໍາລຸງຮັກສາເຊິງປ້ອງກັນ (Preventive Maintenance) ສາມາດຕິດຕໍ່ພວກເຮົາໄດ້ທັນທີ.

4. ປ້ອງກັນໄວຣັສ ແລະ ມັລແວ

ເຊີບເວີເປັນເປົ້າໝາຍສໍາຄັນຂອງແຮັກເກີ, ຄວນຕິດຕັ້ງລະບົບປ້ອງກັນໄວຣັສ ແລະ ຄອຍກວດສອບຄວາມປອດໄພຂອງລະບົບ.

ວິທີການດູແລ

• ໃຊ້ Antivirus ແລະ Endpoint Protection ທີ່ເໝາະສໍາລັບເຊີບເວີ ເຊັ່ນ Bitdefender ຫຼື Windows Defender for Server
• ຕັ້ງຄ່າການສະແກນໄວຣັສອັດຕະໂນມັດ ແລະ ອັບເດດຖານຂໍ້ມູນໄວຣັສຢູ່ສະເໝີ
• ຫຼີກລ່ຽງການດາວໂຫຼດໄຟລ໌ທີ່ບໍ່ຮູ້ແຫຼ່ງທີ່ມາ ແລະ ຈໍາກັດສິດການຕິດຕັ້ງໂປຣແກຣມໃໝ່

5. ຄວບຄຸມການເຂົ້າເຖິງເຊີບເວີ

ການຕັ້ງຄ່າຄວາມປອດໄພຂອງບັນຊີຜູ້ໃຊ້ທີ່ເຂົ້າເຖິງເຊີບເວີ ຊ່ວຍຫລຸດຄວາມສ່ຽງຈາກການໂຈມຕີ ຫຼື ການເຂົ້າເຖິງໂດຍບໍ່ໄດ້ຮັບອະນຸຍາດ.

ວິທີການດູແລ

• ໃຊ້ Two-Factor Authentication (2FA) ເພື່ອເພີ່ມລະດັບຂອງຄວາມປອດໄພ
• ສ້າງບັນຊີສະເພາະສໍາລັບແຕ່ລະຜູ້ໃຊ້ ແລະ ກໍານົດສິດໃຫ້ເໝາະສົມ
• ກວດສອບ Log ການເຂົ້າເຖິງເຊີບເວີ ເປັນໄລຍະ ເພື່ອເບິ່ງວ່າມີການພະຍາຍາມເຂົ້າລະບົບໂດຍບໍ່ໄດ້ຮັບອະນຸຍາດຫຼືບໍ່

6. ກວດສອບຮາດແວເບື້ອງຕົ້ນ

ຮາດແວທີ່ມີບັນຫາອາດເຮັດໃຫ້ເຊີບເວີລົ້ມ ຫຼື ຂໍ້ມູນສູນຫາຍ ດັ່ງນັ້ນຄວນກວດສອບ ແລະ ຄອຍບໍາລຸງຮັກສາຢ່າງສະໝໍ່າສະເໝີ.

ວິທີການດູແລ

• ເບິ່ງການໃຊ້ງານ RAM ແລະ CPU ຜ່ານ Task Manager ຫຼື Monitoring Tool ຫາກການໃຊ້ງານສູງຜິດປົກກະຕິ ອາດຕ້ອງເພີ່ມ RAM ຫຼື ປ່ຽນ CPU
• ເຊັກສາຍໄຟ ແລະ ພອດເຊື່ອມຕໍ່ ໃຫ້ແນ່ໃຈວ່າແໜ້ນໜາ ແລະ ບໍ່ມີອາການຫລວມ

ການດູແລເຊີບເວີບໍ່ແມ່ນເລື່ອງຍາກຫາກມີການກວດສອບ ແລະ ບໍາລຸງຮັກສາຢ່າງສະໝໍ່າສະເໝີ. ທຸລະກິດ SMEs ສາມາດຫລຸດຄວາມສ່ຽງໃນການເກີດລະບົບລົ້ມ, ເພີ່ມຄວາມປອດໄພ ແລະ ຍືດອາຍຸການໃຊ້ງານຂອງເຊີບເວີໄດ້.

ສະແດງຄຳຄິດເຫັນ