ລັດຖະບານແຫ່ງ ສປປ ລາວ ມອບເງິນອຸດໜູນຊົມເຊີຍຜົນງານ ສະຫະພັນກິລາເພາະກາຍແຫ່ງຊາດລາວ ມູນຄ່າ 388.220.000 ກີບ ທີ່ສ້າງຜົນງານໂດດເດັ່ນລະດັບສາກົນ ສ້າງກຽດຊື່ສຽງ ແລະ ຄວາມພາກພູມໃຈມາສູ່ ປະເທດລາວ ໃນ 3 ງານໃຫຍ່ ທີ່ທັບນັກກິລາເພາະກາຍທີມຊາດລາວ ສາມາດສ້າງຜົນງານທີ່ພົ້ນເດັ່ນ ໃນປີ 2024-2025 ຜ່ານມາ:

– ການແຂ່ງຂັນກິລາເພາະກາຍຊີງແຊ້ມໂລກ ຄັ້ງທີ 15 ທີ່ປະເທດເມົາດິບ, ຍາດມາໄດ້ 2 ຫຼຽນຄຳ, 2 ຫຼຽນເງິນ ແລະ 1 ຫຼຽນທອງ

– ການແຂ່ງຂັນກິລາເພາະກາຍຊີງແຊ້ມ ເອຊຽນ ຄັ້ງທີ 56 ທີ່ປະເທດອິນໂດເນເຊຍ, ຍາດມາໄດ້ 1 ຫຼຽນເງິນ

– ການແຂ່ງຂັນກິລາເພາະກາຍຊີງແຊ້ມອາຊຽນ ຄັ້ງທີ 18 ທີ່ ສປປ ລາວ ເປັນເຈົ້າພາບ, ຍາດມາໄດ້ 5 ຫຼຽນຄຳ, 4 ຫຼຽນເງິນ ແລະ 15 ຫຼຽນທອງ.

ພິທີມອບ-ຮັບໃນຄັ້ງນີ້ ແມ່ນໄດ້ຈັດຂື້ນໃນຕອນເຊົ້າຂອງວັນທີ 14 ພຶດສະພາ 2025 ທີ່ຫ້ອງປະຊຸມກົມກິລາລະດັບສູງ, ໃຫ້ກຽດມອບໂດຍ ທ່ານ ສີຈັນ ຈິດຕະປັນຍາ ວ່າການແທນຫົວໜ້າກົມກິລາລະດັບສູງ ກະຊວງສຶກສາທິການ ແລະ ກິລາ, ມີຄະນະບໍລິຫານງານ ສະຫະພັນກິລາເພາະກາຍແຫ່ງຊາດລາວ ພ້ອມດ້ວຍນັກກິລາ ເຂົ້າຮ່ວມ.