ໃນປັດຈຸບັນການເຮັດວຽກຂອງທຸລະກິດເກືອບທຸກປະເພດລ້ວນຢູ່ເທິງໂລກອອນລາຍ. ການເລືອກເຄື່ອງມືທີ່ຊ່ວຍເພີ່ມປະສິດທິພາບໃນການເຮັດວຽກຮ່ວມກັນ ແລະ ການຈັດການເອກະສານຈຶ່ງກາຍເປັນສິ່ງສຳຄັນ. Microsoft 365 ແລະ Google Workspace ຄືສອງແພລດຟອມຍອດນິຍົມທີ່ຕອບໂຈດຄວາມຕ້ອງການນີ້ຢ່າງດີ, ຊ່ວຍໃຫ້ທີມງານສາມາດເຮັດວຽກຮ່ວມກັນໄດ້ຢ່າງລາບລື່ນ ແລະ ມີປະສິດທິພາບຫຼາຍຍິ່ງຂຶ້ນ.

Microsoft 365

ຈຸດເດັ່ນຂອງ Microsoft 365

• ການໃຊ້ງານທັງອອນລາຍ ແລະ ອອຟລາຍ, ສາມາດຕິດຕັ້ງແອັບພລິເຄຊັນລົງໃນຄອມພິວເຕີ ແລະ ເຮັດວຽກໄດ້ແມ່ນກະທັ້ງບໍ່ມີອິນເຕີເນັດ
• ມີຟີເຈີທີ່ຄົບຖ້ວນໃນໂປຣແກຣມເອກະສານ Word, Excel ແລະ PowerPoint, ມີຟັງຊັນຄົບຖ້ວນສຳລັບການເຮັດວຽກລະດັບມືອາຊີບ, ຮອງຮັບການຈັດການໄຟລ໌ຂະໜາດໃຫຍ່
• ມີຄວາມປອດໄພສູງ, ມີການເຂົ້າລະຫັດຂໍ້ມູນ, ຄວບຄຸມສິດການເຂົ້າເຖິງໄຟລ໌ ແລະ ຟີເຈີຄວາມປອດໄພລະດັບອົງກອນ
• ເໝາະກັບທຸລະກິດທີ່ໃຊ້ Windows ເປັນຫຼັກ ເພາະເຮັດວຽກໄດ້ດີເທິງລະບົບປະຕິບັດການ Windows ແລະ ຮອງຮັບການເຮັດວຽກຮ່ວມກັບຊອຟແວອື່ນຂອງ Microsoft

ຂໍ້ຈຳກັດຂອງ Microsoft 365

• ມີຄ່າໃຊ້ຈ່າຍທີ່ສູງກວ່າຫາກຕ້ອງການຟີເຈີທີ່ຄົບຖ້ວນ
• ການໃຊ້ງານອາດມີຄວາມຊັບຊ້ອນສຳລັບຄົນທີ່ບໍ່ຄຸ້ນເຄີຍກັບ Microsoft Office

Google Workspace

Google Workspace (G Suite) ເປັນແພລດຟອມທີ່ອອກແບບມາເພື່ອການເຮັດວຽກຮ່ວມກັນຜ່ານລະບົບຄລາວດ໌ໂດຍໃຊ້ເຄື່ອງມືຢ່າງ Google Docs, Sheets, Slides, Gmail ແລະ Google Meet

ຈຸດເດັ່ນຂອງ Google Workspace

• ມີການເຮັດວຽກເທິງຄລາວດ໌, ບໍ່ຕ້ອງຕິດຕັ້ງໂປຣແກຣມ, ສາມາດເຂົ້າເຖິງໄຟລ໌ໄດ້ຈາກທຸກບ່ອນຜ່ານອິນເຕີເນັດ
• ສາມາດເຮັດວຽກຮ່ວມກັນແບບຮຽວທາຍໄດ້ຢ່າງລາບລື່ນ ແລະ ສະມາຊິກໃນທີມສາມາດແກ້ໄຂເອກະສານພ້ອມກັນໄດ້ໂດຍບໍ່ມີບັນຫາເລື່ອງເວີຊັນ
• ຖືກອອກແບບມາໃຫ້ໃຊ້ງານງ່າຍ
• ຮອງຮັບການເຮັດວຽກຈາກອຸປະກອນໃດກໍໄດ້ທີ່ເຊື່ອມຕໍ່ອິນເຕີເນັດ

ຂໍ້ຈຳກັດຂອງ Google Workspace

• ບໍ່ສາມາດເຮັດວຽກແບບອອຟລາຍໄດ້ເຕັມຮູບແບບເໝືອນ Microsoft 365
• ຟີເຈີຂອງ Google Docs, Sheets ແລະ Slides ມີຂໍ້ຈຳກັດເມື່ອທຽບກັບ Word, Excel ແລະ PowerPoint ເຊັ່ນ: ຮອງຮັບເອກະສານຂະໜາດໃຫຍ່ໄດ້ໜ້ອຍກວ່າ Microsoft 365

SME ຄວນເລືອກໃຊ້ Microsoft 365 ຫຼື Google Workspace?

Microsoft 365

• ຕ້ອງການໃຊ້ Word, Excel, PowerPoint ເຕັມຮູບແບບ ໂດຍສະເພາະງານທີ່ຕ້ອງການຟັງຊັນຂັ້ນສູງ
• ຕ້ອງການເຮັດວຽກທັງແບບອອນລາຍ ແລະ ອອຟລາຍ ໂດຍບໍ່ຕ້ອງເພິ່ງອິນເຕີເນັດຕະຫຼອດເວລາ
• ໃຫ້ຄວາມສຳຄັນກັບຄວາມປອດໄພ ແລະ ການຄວບຄຸມສິດການເຂົ້າເຖິງຂໍ້ມູນໃນລະດັບສູງ
• ໃຊ້ Windows ເປັນລະບົບຫຼັກ ແລະ ຕ້ອງການໃຫ້ເຄື່ອງມືເຮັດວຽກຮ່ວມກັນໄດ້ຢ່າງລາບລື່ນ

Google Workspace

• ຕ້ອງການເຮັດວຽກເທິງຄລາວດ໌ເປັນຫຼັກ ແລະ ໃຫ້ທີມງານສາມາດເຂົ້າເຖິງໄຟລ໌ຈາກບ່ອນໃດກໍໄດ້
• ເນັ້ນການເຮັດວຽກຮ່ວມກັນແບບຮຽວທາຍ ແລະ ຕ້ອງການລະບົບທີ່ໃຊ້ງານງ່າຍ
• ຕ້ອງການຫຼຸດຄ່າໃຊ້ຈ່າຍ ແລະ ບໍ່ຕ້ອງການຕິດຕັ້ງຊອຟແວເພີ່ມເຕີມ
• ຕ້ອງການໃຫ້ທີມງານເຮັດວຽກຈາກບ່ອນໃດກໍໄດ້ ແລະ ຕ້ອງການຄວາມຄ່ອງຕົວສູງ

ສຸດທ້າຍແລ້ວ ການເລືອກໃຊ້ງານຂຶ້ນຢູ່ກັບລັກສະນະການເຮັດວຽກຂອງທຸລະກິດ. ທ່ານສາມາດທົດລອງໃຊ້ເວີຊັນຟຣີ ຫຼື ທົດລອງໃຊ້ງານທັງສອງແພລດຟອມກ່ອນຕັດສິນໃຈ ຊຶ່ງຈະຊ່ວຍໃຫ້ທ່ານໝັ້ນໃຈວ່າທ່ານເລືອກເຄື່ອງມືທີ່ເໝາະສົມກັບການເຮັດວຽກ ແລະ ການເຕີບໂຕຂອງທຸລະກິດ.

ສະແດງຄຳຄິດເຫັນ