ຈາກງານສຳມະນາ VivaTech, ປະທານບໍລິຫານ NVIDIA ທ່ານ Jensen Huang ໄດ້ເປີດເຜີຍວ່າບໍລິສັດກຽມສ້າງແພລັດຟອມ AI Cloud ສຳລັບແອັບພລິເຄຊັນຂະແໜງອຸດສາຫະກຳໃນເຢຍລະມັນ ພ້ອມກັບຕັ້ງເປົ້າເພີ່ມຂີດຄວາມສາມາດດ້ານ AI ໃນພູມິພາກໃຫ້ເພີ່ມຂຶ້ນປະມານ 10 ເທົ່າ

ໂດຍ NVIDIA ຈະສ້າງແພລັດຟອມ AI Cloud ຜ່ານການຜະສົມຜະສານເທັກໂນໂລຢີ AI ແລະ Robotics ເພື່ອໃຫ້ຜູ້ຜະລິດລົດຍົນຕ່າງໆ ເຊັ່ນ BMW, Mercedes-Benz ນຳໃຊ້ໃນຂະບວນການຈຳລອງການອອກແບບຜະລິດຕະພັນ ຫຼື ການຈັດການໂລຈິສຕິກ

“ພາຍໃນສອງປີ, ພວກເຮົາຈະເພີ່ມຂີດຄວາມສາມາດໃນການປະມວນຜົນ AI ໃນຢູໂຣບໃຫ້ເປັນ 10 ເທົ່າ” ປະທານບໍລິຫານ NVIDIA ທ່ານ Jensen Huang ໄດ້ກ່າວໃນງານ

ຢ່າງໃດກໍຕາມ, NVIDIA ບໍ່ໄດ້ລະບຸຢ່າງຊັດເຈນວ່າຈະສ້າງໂຮງງານດ້ວຍມູນຄ່າເທົ່າໃດ ຫຼື ວ່າຈະເລີ່ມກໍ່ສ້າງໃນຊ່ວງເວລາໃດແນ່ນອນ ຫາກແຕ່ຖ້າສິ່ງນີ້ເກີດຂຶ້ນຈິງ ກໍ່ຈະຊ່ວຍສະໜັບສະໜູນໃຫ້ພູມິພາກຢູໂຣບອາດຈະກັບຄືນມາມີບົດບາດໃນວົງການ AI ອີກຄັ້ງຫນຶ່ງໃນອະນາຄົດອັນໃກ້ນີ້

ທີມາຂ່າວ:https://www.reuters.com/business/nvidia-ceo-says-quantum-computing-is-an-inflection-point-2025-06-11/

ສະແດງຄຳຄິດເຫັນ