ເທຣນໃໝ່ມາແຮງໃນຈີນ “ບໍລິການໃກ້ສ່ວນຕົວຟີວແບບໝູ່ສະນິດ” ຫຼື “ໝູ່ທ່ຽວ” ກຳລັງເປັນທຸລະກິດທີ່ໄດ້ຮັບຄວາມນິຍົມຢ່າງວ່ອງໄວໃນໝູ່ນັກເດີນທາງລຸ້ນໃໝ່ຂອງຈີນ

ບໍລິການເປັນແນວໃດ?

ເທຣນການທ່ອງທ່ຽວແນວໃໝ່ກຳລັງໄດ້ຮັບຄວາມນິຍົມໃນປະເທດຈີນ ໂດຍສະເພາະໃນກຸ່ມນັກເດີນທາງລຸ້ນໃໝ່ ທີ່ຫັນມາຈ້າງໝູ່ທ່ຽວ ຫຼື ໃກ້ທ້ອງຖິ່ນ ເພື່ອພາທ່ຽວຊ່ວຍຖ່າຍຮູບ ແລະ ໃຊ້ເວລາຮ່ວມກັນຄືກັບເປັນໝູ່ສະນິດ ບໍລິການນີ້ແຕກຕ່າງຈາກໃກ້ທົວແບບເກົ່າ ເພາະມຸ່ງເນັ້ນສ້າງຄວາມຮູ້ສຶກເປັນໝູ່ແທ້ໆ ໃຫ້ກັບລູກຄ້າ ບໍ່ແມ່ນແຕ່ການບັນຍາຍເລື່ອງສະຖານທີ່ທ່ອງທ່ຽວ

ເຊິນ ຈືຜິງ ນັກສຶກສາມະຫາວິທະຍາໄລອາຍຸ 21 ປີແມ່ນໜຶ່ງໃນໃກ້ຍອດນິຍົມທີ່ໃຫ້ບໍລິການໃນສວນສະໜຸກແຫ່ງໜຶ່ງມາດົນກວ່າ 4 ປີ ໂດຍຄິດຄ່າບໍລິການເລີ່ມຕົ້ນທີ່ 1,000 ຫຍວນຕໍ່ມື້ ຫຼື ປະມານ 2,988,000 ກີບ ໂດຍນາຍເຊີນລະບຸວ່າສວນສະໜຸກແບບນີ້ ຄົນສ່ວນໃຫຍ່ມັກມາເປັນຄູ່ ຫຼື ເປັນກຸ່ມ ແຕ່ຫາກໃຜຕ້ອງມາຄົນດຽວ ໝູ່ທ່ຽວຈະຊ່ວຍໃຫ້ຄົນທີ່ມາຄົນດຽວບໍ່ຮູ້ສຶກເຫງົາ ແລະ ສາມາດມ່ວນກັບເຄື່ອງຫຼິ້ນໄດ້ເຕັມທີ່

ຂະໜາດຕະຫຼາດທີ່ມີແນວໂນ້ມເຕີບໂຕ

ຈາກລາຍງານໂດຍບໍລິສັດຫຼັກສັບ Sinolink ເຫັນວ່າມູນຄ່າຕະຫຼາດຂອງເສດຖະກິດໝູ່ທ່ຽວໃນຈີນອາດມີມູນຄ່າສູງເຖິງ 50,000 ລ້ານຫຍວນ ພາຍໃນສິ້ນປີ 2025

ໂອກາດການຈ້າງວຽກ

ເທຣນນີ້ຍັງສ້າງໂອກາດວຽກໃໝ່ໃຫ້ກັບຄົນໜຸ່ມສາວ ຊຶ່ງອາດຈະເຮັດໃຫ້ກຸ່ມໄວລຸ້ນອາຍຸ 16-24 ປີທີ່ວ່າງວຽກຢູ່ປະມານ 15.8 ເປີເຊັນໃນຕອນນີ້ ຫັນມາເຮັດອາຊີບນີ້ກັນຫຼາຍຂຶ້ນອີກ

ເທຣນ “ເຊົ່າໝູ່” ຮູບແບບອື່ນ

ນອກຈາກໝູ່ທ່ຽວແລ້ວ ຍັງມີບໍລິການ “ເຊົ່າໝູ່ສະນິດ” ເປັນຄົນລົມ-ລະບາຍຄວາມຄຽດ ແລະ ການເຊົ່າເປັນ “ແຟນ” ເພື່ອກັບບ້ານໃນຊ່ວງມື້ພັກຕາມເທດການກຸດຈີນ ຊຶ່ງເປັນການຫຼຸດແຮງກົດດັນທາງສັງຄົມ ສຳລັບຄ່າຈ້າງຈະຢູ່ທີ່ລະຫວ່າງ 500-1,000 ຫຍວນ (ປະມານ 1,500,000-2,988,000 ກີບ)

ເທຣນນີ້ສະທ້ອນເຖິງພຶດຕິກຳຜູ້ບໍລິໂພກຍຸກໃໝ່ທີ່ຕ້ອງການປະສົບການສ່ວນຕົວ ແລະ ຄວາມເຊື່ອມໂຍງທາງອາລົມຫຼາຍກວ່າແຕ່ການບໍລິໂພກສິນຄ້າ ຫຼື ບໍລິການແບບດັ້ງເດີມ ໂດຍສະເພາະໃນສັງຄົມທີ່ມີການແຂ່ງຂັນສູງ ແລະ ຄົນເລີ່ມຮູ້ສຶກໂດດດ່ຽວຫຼາຍຂຶ້ນ

ສະແດງຄຳຄິດເຫັນ