Google ໄດ້ປ່ອຍຟີເຈີ Gemini AI ໃໝ່ສໍາລັບຜູ້ໃຊ້ Google Workspace ທີ່ເຮັດໃຫ້ການຄົ້ນຫາຂໍ້ມູນໃນໄຟລ໌ PDF ແລະ Google Forms ງ່າຍຂຶ້ນ

ຟີເຈີນີ້ມີຄວາມສາມາດໃນການສະຫຼຸບເນື້ອຫາໃນໄຟລ໌ PDF ແລະ Google Forms ທີ່ຢູ່ໃນ Google Drive ໂດຍເມື່ອຜູ້ໃຊ້ເປີດໄຟລ໌ PDF ທີ່ຢູ່ໃນ Google Drive, Gemini ຈະສ້າງບັດສະຫຼຸບເນື້ອຫາທີ່ມີປຸ່ມຕົວເລືອກຕ່າງໆໃຫ້ກົດ, ຂຶ້ນກັບເນື້ອຫາ ເຊັ່ນ “ຮ່າງຂໍ້ສະເໜີ” ຫຼື “ຍົກຕົວຢ່າງຄໍາຖາມສໍາພາດໂດຍອີງຕາມເລຊູເມ” ເມື່ອເລືອກແລ້ວ, Gemini ກໍ່ຈະສະແດງຜົນໃນແຖບດ້ານຂ້າງຂອງ Drive

ນອກຈາກສະຫຼຸບເນື້ອຫາ PDF ແລ້ວ, ຟີເຈີນີ້ຍັງຈະສະຫຼຸບເນື້ອຫາຈາກຄໍາຕອບໃນ Google Forms ດ້ວຍ ໂດຍຕົວເລືອກໃນການສະຫຼຸບຈະປາກົດໃນແຖບ Responses ເມື່ອແບບຟອມໄດ້ຮັບການຕອບຫຼາຍກວ່າ 3 ຄັ້ງຂຶ້ນໄປ

ສໍາລັບຟີເຈີນີ້ຈະມີເພາະໃນພາສາອັງກິດ, ແລະເລີ່ມປ່ອຍໃຫ້ຜູ້ໃຊ້ Workspace ໄດ້ໃຊ້ໃນວັນທີ 7 ກໍລະກົດເປັນຕົ້ນໄປ

ຂ່າວຈາກ:

ສະແດງຄຳຄິດເຫັນ