Anker ເອີ້ນຄືນ Powerbank ລຸ້ນ Powercore10000 (ລຸ້ນໂມເດວ A1263) ຊຶ່ງພົບປະມານ 1,158,000 ເຄື່ອງ ເນື່ອງຈາກພົບຄວາມສ່ຽງຈາກແບັດເຕີຣີລິທຽມໄອອອນທີ່ອາດເຮັດໃຫ້ເຄື່ອງຮ້ອນເກີນຈົນເກີດໄຟໄໝ້ຫຼືລະເບີດ ສົ່ງຜົນໃຫ້ມີບົດລາຍງານເຫດການ 19 ຄັ້ງ ຊຶ່ງລວມເຖິງໄຟໄໝ້ແລະການລະເບີດ ພ້ອມມີບົດລາຍງານການບາດເຈັບເລັກນ້ອຍ 2 ຄົນ ແລະຄວາມເສຍຫາຍຕໍ່ຊັບສິນກວ່າ 60,700 ໂດລາ

ລາຍລະອຽດລຸ້ນທີ່ເອີ້ນຄືນ

• ພາວເວີແບງ Powercore10000 ທຸກສີ (ດຳ, ຟ້າ, ແດງ, ຂາວ) ໃນລຸ້ນ A1263 ແມ່ນກຸ່ມທີ່ໄດ້ຮັບຜົນກະທົບ
• ຕ້ອງກວດສອບເລກຊີເຣຍວໃນເຄື່ອງກັບຂໍ້ມູນຈາກເວັບໄຊ Anker

ວິທີກວດສອບວ່າເຄື່ອງຂອງທ່ານໄດ້ຮັບຜົນກະທົບຫຼືບໍ່

1. ຢຸດການນຳໃຊ້ທັນທີ
2. ກວດສອບເລກໂມເດວ: A1263 ແລະເບິ່ງເລກຊີເຣຍວທີ່ດ້ານລຸ່ມເຄື່ອງ
3. ໄປທີ່ໜ້າ Product Recalls ຂອງ Anker ເພື່ອກວດສອບເລກຊີເຣຍວ

ວິທີດຳເນີນການຫາກພົບວ່າເຄື່ອງຂອງທ່ານຢູ່ໃນກຸ່ມເອີ້ນຄືນ

• ເລືອກຮັບພາວເວີແບງລຸ້ນໃໝ່ (A1388) ແທນເຄື່ອງເກົ່າ
• ຫຼືເລືອກຮັບບັດຂອງຂວັນມູນຄ່າ 30 ໂດລາ ສຳລັບໃຊ້ຊື້ສິນຄ້າໃນເວັບໄຊ Anker
• ສົ່ງຮູບຖ່າຍເຄື່ອງ ພ້ອມເລກຊີເຣຍວແລະຂຽນຄຳວ່າ “recalled” ເພື່ອຢືນຢັນ
• ເຄື່ອງເກົ່າຄວນຖືກນຳໄປຖິ້ງທີ່ສູນຮັບຣີໄຊເຄີນແບັດເຕີຣີລິທຽມໂດຍສະເພາະ

ສາເຫດການເອີ້ນຄືນ ແບັດເຕີຣີສຳຮອງ ຫາກເກັບໄວ້ນານຫຼາຍປີມີໂອກາດເສື່ອມຄຸນນະພາບແລະລັດວົງຈອນຈົນເກີດຄວາມຮ້ອນເກີນ ເຖິງແມ່ນວ່າເຫດການຈະບໍ່ຮ້າຍແຮງຫຼາຍ ແຕ່ Anker ຕັດສິນໃຈປ້ອງກັນໄວ້ກ່ອນເພື່ອຄວາມປອດໄພຂອງຜູ້ບໍລິໂພກ

ຂ່າວຈາກ: https://www.anker.com/a1263-recall

ສະແດງຄຳຄິດເຫັນ