MediaTek ຜູ້ຜະລິດຊິບເຊມິຄອນດັກເຕີລາຍໃຫຍ່ຈາກປະເທດໄຕ້ຫວັນ ກຽມເປີດຕົວຊິບເຊັດເຮືອທຸງລຸ້ນໃໝ່ ນັ້ນຄື Dimensity 9500 ສໍາລັບສະມາດໂຟນລຸ້ນຕໍ່ໄປ ໃນເດືອນກັນຍາ 2025 ນີ້ ຊຶ່ງໃກ້ຄຽງກັບທີ່ Qualcomm ຜູ້ຜະລິດຊິບເຊມິຄອນດັກເຕີລາຍໃຫຍ່ຈາກສະຫະລັດ ຈະເປີດຕົວ Snapdragon 8 Elite 2 ພາຍໃນເດືອນກັນຍາເຊັ່ນກັນ.

ລ່າສຸດ ຊິບເຊັດ Dimensity 9500 ໄດ້ຮັບການທົດສອບປະສິດທິພາບເທິງແພລັດຟອມຂອງ Geekbench ພາຍໃຕ້ໝາຍເລກລຸ້ນ MT6993 ຊຶ່ງເປີດເຜີຍລາຍລະອຽດສະເປັກໃຫ້ຮູ້ຈັດເຈນ.

ກົດເພື່ອອ່ານ

ທິບສເຕີຊື່ວ່າ Abhishek Yadav (@yabhishekhd) ໄດ້ໂພສໃສ່ແພລັດຟອມໂຊເຊຍລມີເດຍ X ລະບຸວ່າ Dimensity 9500 ໄດ້ຮັບການຕິດຕັ້ງແກນປະມວນຜົນຫຼັກ (CPU: Central Processing Unit) Travis ຈໍານວນ 1 ຄອ ສໍາລັບປະມວນຜົນວຽກໜັກດ້ວຍຄຸນພາບສູງ ທີ່ຄວາມໄວສູງສຸດ 3.23 GHz.

ເສີມດ້ວຍແກນ Alto ຈໍານວນ 3 ຄອ ສໍາລັບປະມວນຜົນເຕັມປະສິດທິພາບ ທີ່ຄວາມໄວສູງສຸດ 3.03 GHz ແລະແກນ Gelas ຈໍານວນ 4 ຄອ ສໍາລັບປະມວນຜົນແບບປະຫຍັດພະລັງງານ ທີ່ຄວາມໄວສູງສຸດ 2.23 GHz ເສີມດ້ວຍຊິບກຣາຟິກ (GPU: Graphics Processing Unit) Mali-G1-Ultra MC12 ຊຶ່ງສາມາດປະມວນຜົນກຣາຟິກສູງສຸດ 1,000 MHz.

ລາຍງານດັ່ງກົມອ້າງວ່າ ແກນ Travis ແລະ Alto ນັ້ນ ອາດໃຊ້ສະຖາປັດຕະຍະກໍາ ARM Cortex-X9 ຊຶ່ງຈະເປັນການອັບເກຣດຂຶ້ນຢ່າງຈັດເຈນຈາກ Dimensity 9400 ທີ່ໃຊ້ສະຖາປັດຕະຍະກໍາ Cortex-X4.

ທັງນີ້ ທິບສເຕີຈາກປະເທດຈີນ ຊື່ວ່າ Digital Chat Station ໄດ້ລາຍງານເພີ່ມເຕີມວ່າ Dimensity 9500 ນັ້ນ ເປັນຊິບເຊັດລຸ້ນທໍາອິດທີ່ໄດ້ຮັບການຈັດຮຽງແກນປະມວນຜົນແບບ Full-Core CPU ເທິງສະຖາປັດຕະຍະກໍາ X930 ແບບໃໝ່ ຊຶ່ງເປັນໂຄງສ້າງທີ່ຈະຊຸກຍູ້ໃຫ້ທຸກຄອເຮັດວຽກພ້ອມກັນຢ່າງເຕັມປະສິດທິພາບ.

ນອກຈາກນີ້ຍັງມີວ່າ Dimensity 9500 ຈະມາພ້ອມຫົວໜ່ວຍປະມວນຜົນແບບໂຄງຂ່າຍປະສາດ (NPU: Neural Processing Unit) ທີ່ທຣົງພະລັງຫຼາຍຂຶ້ນ ໂດຍຮອງຮັບການປະມວນຜົນດ້ວຍປັນຍາປະດິດ (AI: Artificial Intelligence) ໃນລະດັບສູງເຖິງ 100 TOPS (ປະມວນຜົນ 100 ລ້ານລ້ານຄໍາສັ່ງຕໍ່ວິນາທີ).

ລາຍງານຫົວທີ່ນີ້ສອດຄ້ອງກັບຂໍ້ມູນຈາກ Geekbench ເມື່ອເດືອນເມສາ 2025 ທີ່ຜ່ານມາ ແຕ່ສິ່ງທີ່ຕ່າງກັນແມ່ນໃນຕອນນັ້ນແຫຼ່ງຂ່າວອ້າງວ່າຈະມາພ້ອມຊິບກຣາຟິກ Immoralis-Drage.

ຂ່າວຈາກ: GSMArena   GizmoChina

ສະແດງຄຳຄິດເຫັນ