TikTok ໄດ້ເປີດໃຊ້ AI Avatars ເປັນນັກສະເຫນີແທນມະນຸດໄດ້ແລ້ວ ໂດຍ TikTok ໄດ້ປະກາດເປີດຕົວຊຸດເຄື່ອງມື AI ໃໝ່ທີ່ຊື່ວ່າ Symphony ທີ່ຈະຊ່ວຍໃຫ້ນັກໂຄສະນາສ້າງວິດີໂອໄດ້ງ່າຍຂຶ້ນກວ່າເກົ່າ ບໍ່ຕ້ອງໃຊ້ກ້ອງ ບໍ່ຕ້ອງມີນັກສະແດງ ກໍສາມາດສ້າງຄລິບໂຄສະນາໄດ້ພາຍໃນບໍ່ກີ່ນາທີ!

ຄຸນສົມບັດໃໝ່ຂອງຊຸດເຄື່ອງມື Symphony ໃນ TikTok ມີຫຍັງໜ້າສົນໃຈແດ່?

1. ສ້າງວິດີໂອຈາກຂໍ້ຄວາມຫຼືຮູບພາບນິ່ງ ພຽງແຕ່ພິມຂໍ້ຄວາມ ຫຼືອັບໂຫລດຮູບພາບສິນຄ້າ AI ຈະຊ່ວຍສ້າງວິດີໂອທີ່ມີຄວາມຍາວປະມານ 5 ວິນາທີໃຫ້ໂດຍອັດຕະໂນມັດ ເໝາະສົມສໍາລັບການໂຄສະນາສິນຄ້າໃນຮູບແບບທີ່ເບິ່ງທັນສະໄໝ ແລະເຂົ້າເຖິງກຸ່ມເປົ້າໝາຍໃນ TikTok ໄດ້ງ່າຍ

2. ໃຊ້ AI Avatars ແທນນັກສະເຫນີຕົວຈິງ

TikTok ໄດ້ເປີດຕົວອະວະຕາເສມືອນ (AI Avatars) ທີ່ສາມາດເວົ້າ, ສະແດງທ່າທາງ ແລະນໍາສະເໜີສິນຄ້າໃຫ້ກັບຜູ້ຊົມໄດ້ຄືກັບມະນຸດຕົວຈິງ ໂດຍສາມາດເລືອກໄດ້ວ່າຈະໃຊ້ອະວະຕາທີ່ມີຢູ່ແລ້ວ ຫຼືຈະສ້າງໃໝ່ຈາກຄົນຕົວຈິງ (ທີ່ໃຫ້ສິດອະນຸຍາດໃຊ້) ກໍໄດ້

3. ຄຸນສົມບັດເສີມສໍາລັບນັກໂຄສະນາ

• Insight Spotlight: ວິເຄາະພຶດຕິກໍາຜູ້ໃຊ້ໃນ TikTok ແລະແນະນໍາແນວທາງເຮັດໂຄສະນາແບບເຈາະຈົງກຸ່ມ
• Content Suite: ຊ່ວຍລວບລວມວິດີໂອຂອງຜູ້ໃຊ້ທີ່ເວົ້າເຖິງແບຣນ ເພື່ອໃຫ້ສາມາດນໍາມາໃຊ້ໃນແຄມເປນໂຄສະນາຢ່າງຖືກຕ້ອງຕາມລິຂະສິດ

ຂໍ້ດີ:

• ຊ່ວຍປະຢັດເວລາແລະງົບປະມານໃນການຜະລິດວິດີໂອ
• ສ້າງເນື້ອຫາໄດ້ໄວ ເຂົ້າເຖິງກຸ່ມເປົ້າໝາຍໄດ້ຫຼາຍຂຶ້ນ
• ມີປ້າຍແຈ້ງຊັດເຈນເມື່ອວິດີໂອສ້າງດ້ວຍ AI ເພື່ອຄວາມໂປ່ງໃສ

ຂໍ້ສັງເກດ:

• ອາດກະທົບກັບຜູ້ສ້າງເນື້ອຫາຕົວຈິງ ເຊັ່ນ ອິນຟລູເອນເຊີຫຼືນັກສະແດງ
• ຜູ້ບໍລິໂພກບາງຄົນອາດຮູ້ສຶກວ່າ “Avatars” ຂາດຄວາມໜ້າເຊື່ອຖືເມື່ອທຽບກັບການໃຊ້ມະນຸດຕົວຈິງ ຫຼືດາລານັກສະແດງຕົວຈິງ

ການທີ່ TikTok ຫັນມາໃຊ້ AI ຫຼາຍຂຶ້ນ ສະແດງໃຫ້ເຫັນວ່າອະນາຄົດຂອງການໂຄສະນາອອນລາຍຈະເນັ້ນໄປທີ່ຄວາມໄວ, ຄວາມແມ່ນຍໍາ ແລະຕົ້ນທຶນຕໍ່າຫຼາຍຂຶ້ນ. ບໍລິສັດອື່ນຄື Meta ຫຼື Google ເອງກໍເລີ່ມເຮັດສິ່ງຄ້າຍກັນ. ຈຸດປ່ຽນນີ້ອາດສົ່ງຜົນໃຫຍ່ຕໍ່ວົງການເນື້ອຫາໃນອະນາຄົດ ເພາະວ່າແບຣນສາມາດເຮັດໂຄສະນາໄດ້ໂດຍບໍ່ຕ້ອງຈ້າງຄົນອີກຕໍ່ໄປ!
ຂ່າວຈາກ: TikTok

ສະແດງຄຳຄິດເຫັນ