pele (56)
ນະຄອນຫຼວງພະບາງຈະເອົາ ການພັດທະນາອັດສະລິຍະເປັນເປົ້າໝາຍຍຸດທະສາດໄລຍະຍາວ
ຮຽບຮຽງໂດຍ:Pele
ເຜີຍແຜ່: 18 June, 2025

ອົງການປົກຄອງນະຄອນຫຼວງພະບາງ ແຂວງຫຼວງພະບາງຈະເອົາການພັດທະນາອັດສະລິຍະ (Smart City) ເປັນເປົ້າໝາຍຍຸດທະສາດໄລຍະຍາວ ໃນການລິເລີ່ມສ້າງການຫັນປ່ຽນໃໝ່ ການພັດທະນາເສດຖະກິດ, ຄຸ້ມຄອງສັງຄົມ ແລະ ການພັດທະນາຄຸ້ມຄອງຕົວເມືອງ ເພື່ອກ້າວໄປສູ່ຄວາມທັນສະໄໝ, ສາມາດເຊື່ອມໂຍງກັບພາກພື້ນ ແລະ ສາກົນ ໃນອະນາຄົດ.

 

ການພັດທະນາແຜນຍຸດທະສາດສ້າງນະຄອນຫຼວງພະບາງ ເປັນນະຄອນອັດສະລິຍະ ແລະ ຮອບດ້ານພາຍໃຕ້ 3 ເສົາຄໍ້າວຽກງານ ຄື: ເສົາຄໍ້າທີ 1: ປະສົມປະສານການທ່ອງທ່ຽວ ແລະ ມໍລະດົກໂລກ; ເສົາຄໍ້າທີ 2: ສ້າງສະພາບແວດລ້ອມທີ່ສະອາດ ແລະ ປອດໄພ; ເສົາຄໍ້າທີ 3: ສ້າງບ້ານທີ່ຍືນຍົງ ແລະ ເດີນທາງຕາມຕົວເມືອງທີ່ໃຊ້ເວລາ 15 ນາທີ.

 

ທ່ານ ສະເຫວີຍ ສີລາວັນ ຮັກສາການເຈົ້ານະຄອນຫຼວງພະບາງ ໄດ້ໃຫ້ສຳພາດຕໍ່ສື່ມວນຊົນແຂວງຫຼວງພະບາງ ເມື່ອມໍ່ໆມານີ້ວ່າ: ຕາມແຜນຍຸດທະສາດການພັດທະນານະຄອນຫຼວງພະບາງ 5 ປີ 2025-2029 ແມ່ນຈະສ້າງທຸກເງື່ອນໄຂອໍານວຍຄວມສະດວກໃຫ້ແກ່ພາກເອກະຊົນພາຍໃນ ແລະ ຕ່າງປະເທດເຂົ້າມາລົງທຶນໃນການພັດທະນາໂຄງການນະຄອນອັດສະລິຍະ ພາຍໃຕ້ຮູບແບບການຮ່ວມມືພາກລັດ-ພາກເອກະຊົນໃຫ້ນັບມື້ຫຼາຍຂຶ້ນ ແລະ ມີປະສິດທິພາບສູງ, ສຸມໃສ່ການພັດທະນາພື້ນຖານໂຄງລ່າງໄອຊີທີ ແລະ ການຫັນເປັນດີຈີຕອນ ໃຫ້ນັບມື້ນັບຫຼາຍຂຶ້ນ.

 

ທ່ານ ສະເຫວີຍ ໄດ້ກ່າວຕື່ມວ່າ: ເພື່ອຍົກລະດັບລະບົບການຄຸ້ມຄອງບໍລິຫານລັດ-ບໍລິການປະຊາຊົນ ແລະ ການຄຸ້ມຄອງຕົວເມືອງໃຫ້ມີຄວາມທັນສະໄໝຂຶ້ນເທື່ອລະກ້າວ, ພັດທະນານະຄອນຫຼວງພະບາງ ໄປຕາມຍຸດທະສາດການແບ່ງ 4 ພື້ນທີ່ຕົວເມືອງ ແລະ ການປະສົມປະສານ 7 ອົງປະກອບໜ້າວຽກ ຂອງແຜນແມ່ບົດການພັດທະນານະຄອນອັດສະລິຍະຄື: ເຂດທີ 1: ເຂດມໍລະດົກ ແລະ ເຂດຕົວເມືອງທີ່ມີຢູ່ແລ້ວແມ່ນຈະສຸມໃສ່ປົກປັກຮັກສາຄຸນຄ່າຂອງມໍລະດົກ; ສ້າງຄວາມດຶງດູດຂອງເຂດມໍລະດົກ; ຄວບຄຸມການພັດທະນາໃໝ່ໃຫ້ຖືກຕ້ອງ; ປັບປຸງພື້ນຖານໂຄງລ່າງສົ່ງເສີມການບໍລິການທ່ອງທ່ຽວ ແລະ ສ້າງສະພາບແວດລ້ອມຕົວເມືອງໃຫ້ມີສະເໜ່ຍິ່ງຂຶ້ນ.

 

ເຂດທີ 2: ເຂດສະຖານີລົດໄຟ ແລະ ເຂດພັດທະນາຕົວເມືອງໃໝ່ທາງທິດຕາເວັນອອກຈະພັດທະນາເປັນເຂດຕົວເມືອງໃໝ່, ເຂດບໍລິການການຂົນສົ່ງ-ການຄ້າ, ຕຶກອາຄານທີ່ພັກ ແລະ ອື່ນໆ. ເພື່ອຕອບສະໜອງຄວາມຕ້ອງການຂອງການເພີ່ມຂຶ້ນຂອງນັກທ່ອງທ່ຽວ ແລະ ປະຊາກອນ; ປັບປຸງເສັ້ນທາງ ລະຫວ່າງໃຈກາງເມືອງ ໄປຫາເຂດສະຖານີລົດໄຟ.

 

ເຂດທີ 3: ເຂດທ່ອງທ່ຽວຕາດກວາງຊີ ແລະ ເຂດທ່ອງທ່ຽວກະສິກໍາ-ວັດທະນະທໍາທາງທິດໃຕ້ຈະປັບປຸງການທ່ອງທ່ຽວທໍາມະຊາດ, ກະສິກໍາ ແລະ ວັດທະນະທໍາ; ປັບປຸງເສັ້ນທາງ ລະຫວ່າງ ໃຈກາງເມືອງໄປຫາ ເຂດທ່ອງທ່ຽວ.

 

ເຂດທີ 4: ເຂດອຸດສາຫະກຳທາງທິດເໜືອ ແລະ ບັນດາກຸ່ມບ້ານເຂດນອກຕົວເມືອງຈະປັບປຸງອຸດສາຫະກໍາທີ່ມີຢູ່ແລ້ວຢ່າງຖືກຕ້ອງເປັນມິດກັບສິ່ງແວດລ້ອມ ແລະ ເຂົ້າເຖິງຕົວເມືອງສະດວກ; ວາງແຜນຜັງພັດທະນາບັນດາກຸ່ມບ້ານເຂດນອກ; ສົ່ງເສີມການຜະລິດກະສິກໍາ, ສະບຽງອາຫານ ແລະ ຫັດຖະກຳຂອງທ້ອງຖິ່ນໃນແຕ່ລະບ້ານໃຫ້ເປັນຈຸດທ່ອງທ່ຽວຊຸມຊົນ; ສົ່ງເສີມການທ່ອງທ່ຽວທໍາມະຊາດທີ່ເໝາະສົມ.

 

ການພັດທະນາແຜນຍຸດທະສາດສ້າງນະຄອນຫຼວງພະບາງ ເປັນນະຄອນອັດສະລິຍະ ແລະ ຮອບດ້ານພາຍໃຕ້ 3 ເສົາຄໍ້າວຽກງານ ຄື:

 

– ເສົາຄໍ້າທີ 1: ປະສົມປະສານການທ່ອງທ່ຽວ ແລະ ມໍລະດົກໂລກ

– ເສົາຄໍ້າທີ 2: ສ້າງສະພາບແວດລ້ອມທີ່ສະອາດ ແລະ ປອດໄພ

– ເສົາຄໍ້າທີ 3: ສ້າງບ້ານທີ່ຍືນຍົງ ແລະ ເດີນທາງຕາມຕົວເມືອງທີ່ໃຊ້ເວລາ 15 ນາທີ.

ສະແດງຄຳຄິດເຫັນ

ອັດຕາແລກປ່ຽນ 
ປະຈຳວັນທີ Friday, 26 September, 2025
ສະກຸນເງິນ
ຊື້
ຂາຍ
united-states
USD
21,505
21,782
thailand (1)
THB
666.48
677.14
european-union
EUR
2,939
2,997
china
CNY
24,187
24,671
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ 
ປະຈຳວັນທີ Thursday, 27 March, 2025
ຊະນິດນ້ຳມັນ
ລາຄາ
28,230
22,560
18,370
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ 
ປະຈຳວັນທີ Wednesday, 11 June, 2025
ປະເພດ
ລາຄາຊື້
ລາຄາຂາຍ
34,990,000
35,520,000
34,640,000
35,629,000
ຂໍ້ມູນຈາກ: ຮ້ານຄຳພູວົງ
ຂ່າວມາໃໝ່ 
jane (97)
ນ້ຳຖ້ວມໜັກໄດ້ຮັບຜົນກະທົບຈາກພາຍຸ ຝົນຕົກໜັກ ເຊິ່ງເກີດທີ່ປະເທດກຳປູເຈຍ
pele - 2025-09-26T163110.401
ສືບຕໍ່ໂຄງການ ການຮ່ວມມືດ້ານການແພດ-ຜ່າຕັດ ແລະ ດ້ານວິຊາຊີບແພດ ໄລຍະ 5
jane (96)
ຈັບໄດ້ໝົດ 2 ຄົນແລ້ວຈາກເຫດການໂຈນປຸ້ນຮ້ານຄຳ ຢູ່ເມືອງນານ ແຂວງຫຼວງພະບາງ!
jane (95)
ບັນຍາກາດຄຶກຄຶ້ນແຮງ ໃນວັນທີ 26/09/2025 ນີ້ ປະຊາຊົນນະຄອນ ຫຼວງພະບາງ ຮ່ວມສະເຫຼີມສະຫຼອງວັນຕ້ານພະຍາດວໍ້ໂລກ
pele - 2025-09-26T151116.937
ກຸ່ມແກ້ງດັດແປງເຕັກນິກ ແລະ ຂີ່ລົດໄວໃຊ້ສຽງດັງ ຖືກເຈົ້າໜ້າທີ່ ປກສ ເມືອງໝື່ນ ສຶກສາອົບຮົມ
jane (94)
ເຫດບໍ່ຄາດຄິດເກີດໄດ້ທຸກເມື່ອ ເຫດຄົນຈົມນໍ້າ ເສຍຊີວິດ 1 ຄົນ ເພດຊາຍ ບ.ໂພນສົມບູນ ມ.ສີໂຄດຕະບອງ ນວ
pele - 2025-09-26T135833.393
ຫຼາຍພາກສ່ວນມອບເງິນ ຊຸກຍູ້ກອງປະຊຸມໃຫຍ່ ຜູ້ແທນອົງຄະນະພັກແຂວງຄໍາມ່ວນ ຄັ້ງທີ XI
jane (93)
5 ປີ (2021-2025) ເສດຖະກິດ ນວ ຂະຫຍາຍຕົວສະເລ່ຍ 5.34% ຕໍ່ປີ
jane (92)
ເຫດສະຫຼົດໃຈລົດໃຫຍ່ຕຳຄົນແປງທາງ ຈຸດເກີດເຫດແມ່ນເສັ້ນທາງບ້ານຍວນ ເມືອງ ແປກ ແຂວງຊຽງຂວາງ.
pele - 2025-09-25T140931.161
ແຈ້ງການມອດໄຟ 27-28/09/2025
ຢ່າລື່ມກົດຕິດຕາມ