ກອງຕໍາຫຼວດຈະລາຈອນ ປກສ ເມືອງວຽງພູຄາ ແຂວງຫຼວງນໍ້າທາ ໄດ້ທໍາລາຍອາໄຫຼ່ລົດຈັກທີ່ບໍ່ຖືກຕ້ອງ ຫຼື ດັດແປງສະພາບເຕັກນິກ ໂດຍສະເພາະດັດແປງທໍ່ໄອເສຍ ເຮັດໃຫ້ສຽງດັງເກີນຂອບເຂດ ຈໍານວນ 30 ທໍ່, ຢາງ ແລະ ລໍ້ຕີນລົດຈັກ (ຕີນນ້ອຍ) ທີ່ບໍ່ໄດ້ມາດຕະຖານ ຈໍານວນ 6 ຄູ່, ປ້າຍທະບຽນລົດທີ່ບໍ່ຖືກຕ້ອງ ຈໍານວນ 15 ແຜ່ນ ແລະ ເບາະນັ່ງ 3 ອັນ

ອາໄຫຼ່ລົດຈັກດັ່ງກ່າວ, ເຈົ້າໜ້າທີ່ໄດ້ຢຶດ ຈາກພາກສ່ວນທີ່ດັດແປງສະພາບເຕັກນິກຂອງລົດ ນັບແຕ່ເດືອນເມສາ 2025 ມາເຖິງປັດຈຸບັນ, ສ່ວນໃຫຍ່ຢຶດຈາກລົດຈັກ ນັກຮຽນ, ໄວໜຸ່ມ

ສະເພາະເຈົ້າຂອງລົດທີ່ໄດ້ແປງສະພາບລົດ, ເຈົ້າໜ້າທີ່ໄດ້ສຶກສາອົບຮົມກ່າວເຕືອນ ແລະ ສ້າງບົດບັນທຶກ ພ້ອມທັງແນະນໍາໃຫ້ເຂົາເຈົ້ານຳເອົາເຄື່ອງອາໄຫຼ່ທີ່ຖືກຕ້ອງຕາມສະພາບເຕັກນິກຂອງໂຮງງານມາປ່ຽນໃສ່ລົດ ຈຶ່ງອະນຸຍາດນຳເອົາລົດອອກໄປຊົມໃຊ້ໄດ

ຂ່າວ-ພາບ: ປກສ ແຂວງຫຼວງນ້ຳທາ

ສະແດງຄຳຄິດເຫັນ