Tesla Robotaxi ເລີ່ມໃຫ້ບໍລິການແລ້ວໃນເມືອງອອສຕິນ ລັດເທັກຊັດ ໂດຍຈຳກັດພຽງແຕ່ກຸ່ມຜູ້ທີ່ໄດ້ຮັບການເຊີນ ແລະ ໃຊ້ລົດຍົນຮຸ່ນ Model Y ປີ 2025 ທີ່ຕິດຕັ້ງລະບົບຂັບເຄື່ອນອັດຕະໂນມັດແບບໃໝ່ຂອງ Tesla ເຊິ່ງຍັງຄົງຢູ່ໃນໄລຍະທົດລອງ

Robotaxi ເລີ່ມຕົ້ນທີ່ອອສຕິນ ທົດລອງໃນວົງຈຳກັດ

ບໍລິການນີ້ມີໃຫ້ໃນບາງພື້ນທີ່ຂອງເມືອງອອສຕິນທາງຕອນໃຕ້ ໃຫ້ບໍລິການຕັ້ງແຕ່ເວລາ 06.00–00.00 ໂດຍເອີ້ນຜ່ານແອັບສະເພາະ ແລະ ມີຄ່າໂດຍສານ 4.20 ໂດລາສະຫະລັດ (ປະມານ 85,664 ກີບ) ຕໍ່ເທື່ອ Tesla ເປີດເຜີຍວ່າບໍລິການຈະຢຸດຊົ່ວຄາວເມື່ອມີຝົນຕົກ ຫຼື ສະພາບຖະໜົນບໍ່ເໝາະສົມ

ມີພະນັກງານຮ່ວມເດີນທາງເພື່ອຄວາມປອດໄພ

ເຖິງແມ່ນວ່າຈະເປັນລົດໄຮ້ຄົນຂັບ ແຕ່ Tesla ຍັງມີເຈົ້າໜ້າທີ່ “safety driver” ຫຼື ນັ່ງຄຸ້ມລະບົບຢູ່ເບາະໜ້າຂ້າງຄົນຂັບ ເພື່ອຄອຍຢຸດລົດຫາກລະບົບຜິດພາດ ນອກຈາກນີ້ຍັງມີລາຍງານວ່າ ອາດມີການຄວບຄຸມຈາກລະຍະໄກ (tele-operation) ໃນກໍລະນີທີ່ລະບົບຂັບເຄື່ອນ AI ຕັດສິນໃຈບໍ່ໄດ້

ໃຊ້ເທັກໂນໂລຊີກ້ອງລ້ວນ

ຕ່າງຈາກບໍລິສັດອື່ນອີທາງ Waymo ຫຼື Cruise ທີ່ໃຊ້ເຊັນເຊີຫຼາຍປະເພດ (Lidar, Radar) Tesla ຍັງຄົງຍືດໝັ້ນກັບແນວທາງໃຊ້ພຽງແຕ່ ກ້ອງແລະ AI ໃນການວິເຄາະພາບ ແລະ ຕັດສິນໃຈຂັບຂີ່ ພາຍໃຕ້ລະບົບທີ່ Tesla ເອີ້ນວ່າ “Full Self-Driving (FSD)” ເຊິ່ງຍັງບໍ່ຜ່ານມາດຕະຖານຮັບຮອງວ່າເປັນລະບົບໄຮ້ຄົນຂັບລະດັບ 4 ຫຼື 5

ຄຳຖາມເລື່ອງຄວາມໂປ່ງໃສ ຄວາມກັງວົນຂອງຜູ້ໂດຍສານຍັງຄົງຢູ່

ມີສຽງວິຈານວ່າ Tesla ບໍ່ໂປ່ງໃສໃນການໃຫ້ຂໍ້ມູນ ເຊັ່ນ ເຄີຍປະຕິເສດບໍ່ໃຫ້ຂໍ້ມູນແກ່ໜ່ວຍງານຄົມນາຄົມຂອງລັດເທັກຊັດ ແລະ ບໍ່ມີການເປີດເຜີຍຂໍ້ມູນລາຍລະອຽດລະບົບຄວບຄຸມຄວາມປອດໄພໃນລົດ ຜູ້ທົດສອບບາງຄົນລະບຸວ່າ ເມື່ອລົດຕຳຫຼວດເຫັນລົດຕໍາຫຼວດໃນກ້ອງ ລະບົບຈະຢຸດແບບປັບພຽນໂດຍບໍ່ມີສັນຍານເຕືອນ ເຮັດໃຫ້ເກີດຄວາມບໍ່ໝັ້ນໃຈໃນລະບົບຂັບເຄື່ອນອັດຕະໂນມັດ

ອະນາຄົດຂອງ Robotaxi ຍັງຕ້ອງຈັບຕາ

ເຖິງແມ່ນ Elon Musk ເຄີຍສັນຍາວ່າ Robotaxi ຈະເປີດໃຊ້ງານໃນປີ 2018 ແຕ່ຫາກໍ່ເປີດໃຫ້ບໍລິການຈິງໃນປີ 2025 ນີ້ເທົ່ານັ້ນ ໂດຍຍັງບໍ່ມີແຜນຂະຫຍາຍບໍລິການໃນພື້ນທີ່ອື່ນ ຫຼື ເປີດໃຫ້ເຈົ້າຂອງລົດທົ່ວໄປເຂົ້າຮ່ວມ Tesla ວາງແຜນໃຫ້ບໍລິການ Robotaxi ຄ້າຍຄືກັບ Airbnb ຄື ເຈົ້າຂອງລົດສາມາດນຳລົດຂອງຕົນເອງເຂົ້າຮ່ວມລະບົບ ແລະ ແບ່ງລາຍໄດ້ ແຕ່ແນວຄິດນີ້ຍັງບໍ່ເປັນຮູບທຳ

ການເປີດຕົວ Robotaxi ຂອງ Tesla ໃນອອສຕິນຖືເປັນກ້າວສຳຄັນຂອງການຂັບເຄື່ອນອັດຕະໂນມັດ ແຕ່ຍັງເຜີຍໜ້າກັບຄຳຖາມຫຼາຍຫຼາຍເລື່ອງ ຄວາມປອດໄພ, ຄວາມໂປ່ງໃສ ແລະ ຄວາມໜ້າເຊື່ອຖືຂອງເທັກໂນໂລຊີ AI ທີ່ຈະຕ້ອງພິສູດໃນລະຍະຍາວ

ສະແດງຄຳຄິດເຫັນ