ວິທີຄົ້ນຫາເພງຈາກສຽງຮຳດ້ວຍ Gemini ໃນມືຖື Android ໄດ້ແລ້ວ ຊ່ວຍໃຫ້ທ່ານສາມາດຄົ້ນຫາເພງທີ່ທ່ານຮຳ ຮ້ອງ ຫຼື ໄດ້ຍິນຈາກອ້ອມຂ້າງໄດ້ຢ່າງງ່າຍດາຍ ພຽງແຕ່ເວົ້າວ່າ “What song is this?” ຫຼື “ສຽງເພງນີ້ແມ່ນເພງຫຍັງ”

 

ຂັ້ນຕອນການໃຊ້ງານ:

 

 

1. ເປີດແອັບ Gemini ໃນ Android
2. ເວົ້າ ຫຼື ພິມວ່າ “What song is this?”
3. ລະບົບຈະເປີດໜ້າ Google Song Search ແບບເຕັມຈໍ
4. ຮຳ ຫຼື ຮ້ອງເພງ ຫຼື ໃຫ້ລະບົບຟັງສຽງຈາກອ້ອມຂ້າງ
5. ສະແດງຊື່ເພງ ແລະ ຂໍ້ມູນຕ່າງໆ ຜ່ານ Google Search

 

ຈຸດເດັ່ນຂອງຟີເຈີນີ້:

 

• ໃຊ້ຖານຂໍ້ມູນເພງດຽວກັນກັບ Google Assistant
• ຮອງຮັບການຮຳ ຮ້ອງ ຫຼື ເປີດເພງຈິງໄດ້
• ໃຊ້ງານສະດວກໃນແອັບ Gemini ໂດຍບໍ່ຕ້ອງເປີດແອັບອື່ນ

 

ຈຸດທີ່ຍັງຕ້ອງພັດທະນາປັບປຸງ:

 

• ຍັງບໍ່ສະແດງຜົນລັບພາຍໃນ Gemini ໂດຍກົງ ແຕ່ປ່ຽນໄປສະແດງໃນແອັບ Google
• ຕ້ອງເປີດໃໝ່ທຸກຄັ້ງເມື່ອຕ້ອງການຄົ້ນເພງໃໝ່
• ຍັງຮອງຮັບເພີ່ມ Android ເທົ່ານັ້ນ (iOS ຍັງບໍ່ຮອງຮັບ)

 

ຖ້າປຽບທຽບກັບ Google Assistant:

 

ເຖິງແມ່ນວ່າ Gemini AI ຈະໃຊ້ຖານຂໍ້ມູນດຽວກັນກັບ Google Assistant ແຕ່ປະສົບການໃຊ້ງານຍັງແຕກຕ່າງກັນນ້ອຍໜຶ່ງ — Assistant ສະແດງຜົນທັນທີໃນໜ້າລັອກ ຫຼື ໜ້າຈໍຫຼັກ ສ່ວນ Gemini ຈະສະຫຼັບໄປຍັງແອັບ Google ກ່ອນສະແດງຜົນ

 

 

ຟີວເຈີນີ້ຖືເປັນອີກໜຶ່ງກ້າວສຳຄັນຂອງ Gemini ໃນການເຂົ້າມາແທນ Google Assistant ແລະ ເຮັດໃຫ້ຜູ້ໃຊ້ງານສາມາດຄົ້ນຫາເພງທີ່ຕິດຫູໄດ້ງ່າຍຍິ່ງຂຶ້ນ ໂດຍສະເພາະສຳລັບຜູ້ໃຊ້ Android

ສະແດງຄຳຄິດເຫັນ