ເວັບໄຊ wheretogonext ນຳສະເໜີເລື່ອງລາວ ເມື່ອເວົ້າເຖິງການເດີນທາງທາງອາກາດ “ຄວາມປອດໄພ” ຄືສິ່ງທີ່ນັກເດີນທາງໃຫ້ຄວາມສຳຄັນເປັນອັນດັບຕົ້ນໆ

ເຖິງແມ່ນວ່າສາຍການບິນທົ່ວໂລກຈະຕ້ອງປະຕິບັດຕາມມາດຕະຖານຄວາມປອດໄພທີ່ເຂັ້ມງວດ ແຕ່ກໍມີບາງສາຍການບິນທີ່ໂດດເດັ່ນກວ່າ ດ້ວຍສະຖິຕິຄວາມປອດໄພທີ່ຍອດຍຽມ ເທັກໂນໂລຊີລ້ຳສະໄໝ ແລະ ມາດຕະການຝຶກອົບຮົມທີ່ເຂັ້ມຂົ້ນ

ນີ້ຄື 11 ສາຍການບິນທີ່ປອດໄພທີ່ສຸດໃນໂລກ ເຊິ່ງມອບຄວາມໝັ້ນໃຈໃຫ້ຜູ້ໂດຍສານທຸກຖ້ຽວບິນ

1. Qantas (ອອສເຕຣເລຍ)

ເຫດຜົນທີ່ປອດໄພ: Qantas ໄດ້ຊື່ວ່າເປັນສາຍການບິນທີ່ດຳເນີນງານຕໍ່ເນື່ອງມາຍາວນານທີ່ສຸດໃນໂລກ ມີປະຫວັດຄວາມປອດໄພທີ່ໄຮ້ທີ່ຕິ ແລະ ຍັງເປັນຜູ້ບຸກເບີກເທັກໂນໂລຊີ ແລະ ລະບົບຄວາມປອດໄພທາງການບິນມາຢ່າງຕໍ່ເນື່ອງ ປັດຈຸບັນ Qantas ບໍ່ເຄີຍມີອຸບັດຕິເຫດຮ້າຍແຮງເລີຍໃນຍຸກເຄື່ອງບິນເຈັດ

2. Air New Zealand (ນິວຊີແລນ)

ເຫດຜົນທີ່ປອດໄພ: ດ້ວຍຝູງບິນທີ່ທັນສະໄໝ ແລະ ການເບິ່ງແຍ່ງບຳລຸງຮັກສາທີ່ເຂັ້ມງວດ Air New Zealand ຈຶ່ງຕິດອັນດັບສາຍການບິນທີ່ປອດໄພທີ່ສຸດຢ່າງສະໝ່ຳສະເໝີ ຄວາມມຸ່ງໝັ້ນດ້ານນະວັດຕະກຳຄວາມປອດໄພ ແລະ ການບິນທີ່ເປັນມິດຕໍ່ສິ່ງແວດລ້ອມເຮັດໃຫ້ເປັນຜູ້ນຳໃນອຸດສາຫະກຳນີ້

3. Singapore Airlines (ສິງກະໂປ)

ເຫດຜົນທີ່ປອດໄພ: Singapore Airlines ມີຊື່ສຽງດ້ານການບໍລິການລະດັບໂລກ ແລະ ຍັງຍຶດໝັ້ນໃນມາດຕະຖານຄວາມປອດໄພທີ່ສູງຫຼາຍ ດ້ວຍມາດຕະຖານການບຳລຸງຮັກສາ ແລະ ການຝຶກອົບຮົມທີ່ເຂັ້ມງວດ ເຮັດໃຫ້ເປັນໜຶ່ງໃນສາຍການບິນທີ່ໜ້າເຊື່ອຖືທີ່ສຸດ

4. Emirates (ສະຫະລັດອາຣັບເອມິເຣັສ)

ເຫດຜົນທີ່ປອດໄພ: Emirates ດຳເນີນງານດ້ວຍຝູງບິນທີ່ມີອາຍຸສະເລ່ຍນ້ອຍທີ່ສຸດໃນໂລກ ແລະ ມີມາດຕະການຄວາມປອດໄພທີ່ເຂັ້ມງວດ ທັງໃນດ້ານການປະຕິບັດການ ແລະ ການເບິ່ງແຍ່ງຜູ້ໂດຍສານ ເຄື່ອງບິນໄດ້ຮັບການບຳລຸງຮັກສາຢ່າງສະໝ່ຳສະເໝີ

5. Cathay Pacific (ຮ່ອງກົງ)

ເຫດຜົນທີ່ປອດໄພ: Cathay Pacific ຜະສົມຜະສານລະຫວ່າງມາດຕະການຄວາມປອດໄພທີ່ພິຖີພິຖັນກັບຝູງບິນທີ່ທັນສະໄໝ ພ້ອມກັບການເນັ້ນຍ້ຳເລື່ອງການຝຶກອົບຮົມຂອງນັກບິນ ແລະ ການບຳລຸງຮັກສາເຄື່ອງບິນຢ່າງເຂັ້ມງວດ

6. Qatar Airways (ກາຕາຣ໌)

ເຫດຜົນທີ່ປອດໄພ: Qatar Airways ມີສະຖິຕິຄວາມປອດໄພທີ່ໂດດເດັ່ນ ດ້ວຍຝູງບິນທີ່ໃໝ່ ແລະ ການປະຕິບັດຕາມມາດຕະຖານຄວາມປອດໄພລະດັບສາກົນຢ່າງເຄັ່ງຄັດ ອີກທັງຍັງລົງທຶນໃນເທັກໂນໂລຊີ ແລະ ການຝຶກອົບຮົມຢ່າງຕໍ່ເນື່ອງ

7. Etihad Airways (ສະຫະລັດອາຣັບເອມິເຣັສ)

ເຫດຜົນທີ່ປອດໄພ: Etihad ມີຄວາມພາກພູມໃຈໃນຝູງບິນທີ່ທັນສະໃໝ່ ແລະ ປະຫວັດຄວາມປອດໄພທີ່ດີເຍີ່ຍມ ພ້ອມທັງເນັ້ນການໃຊ້ເທັກໂນໂລຊີເພື່ອເສີມສ້າງມາດຕະຖານຄວາມປອດໄພ

8. British Airways (ສະຫະລາຊະອານາຈັກ)

ເຫດຜົນທີ່ປອດໄພ: ດ້ວຍປະຫວັດສາດຍາວນານກວ່າ 100 ປີ British Airways ມີສະຖິຕິດ້ານຄວາມປອດໄພທີ່ຍອດຍຽມໃນບັນດາສາຍການບິນຮຸ່ນເກົ່າ ແລະ ຍັງຄົງພັດທະນາ ແລະ ປັບປຸງຝູງບິນ ແລະ ມາດຕະການຄວາມປອດໄພຢ່າງຕໍ່ເນື່ອງ

9. Lufthansa (ເຢຍລະມັນ)

ເຫດຜົນທີ່ປອດໄພ: Lufthansa ເປັນໜຶ່ງໃນສາຍການບິນຊັ້ນນຳຂອງຢູໂຣບທີ່ມີຊື່ສຽງດ້ານຄວາມໜ້າເຊື່ອຖື ແລະ ລະບົບຄວາມປອດໄພຂັ້ນສູງ ໂດຍມີການບຳລຸງຮັກສາ ແລະ ການຝຶກອົບຮົມທີ່ເປັນລະບົບ ແລະ ໄດ້ມາດຕະຖານສູງ

10. ANA – All Nippon Airways (ຍີ່ປຸ່ນ)

ເຫດຜົນທີ່ປອດໄພ: ANA ມີຊື່ສຽງດ້ານຄວາມປອດໄພ ແລະ ການບໍລິການເປັນເລີດ ໂດຍໃຊ້ງານຝູງບິນທີ່ທັນສະໄໝ ແລະ ໃຫ້ຄວາມສຳຄັນກັບການຝຶກອົບຮົມລູກເຮືອຢ່າງເຂັ້ມຂົ້ນ

11. EVA Air (ໄຕ້ຫວັນ)

ເຫດຜົນທີ່ປອດໄພ: EVA Air ຕິດອັນດັບສາຍການບິນທີ່ປອດໄພທີ່ສຸດເສມໍ ດ້ວຍຄວາມໃສ່ໃຈໃນການບຳລຸງຮັກສາ ການຝຶກອົບຮົມດ້ານຄວາມປອດໄພ ແລະ ການປັບປຸງຝູງບິນໃຫ້ທັນສະໄໝ ໂດຍບໍ່ມີອຸບັດຕິເຫດຮ້າຍແຮງໃນຍຸກເຄື່ອງບິນເຈັດເລີຍ

ເປັນຫຍັງຈຶ່ງໝັ້ນໃຈໄດ້?

ການເດີນທາງດ້ວຍເຄື່ອງບິນຖືເປັນໜຶ່ງໃນວິທີທີ່ປອດໄພທີ່ສຸດໃນໂລກ ແລະ ສາຍການບິນທັງ 11 ແຫ່ງນີ້ຕ່າງກໍທຸ່ມເທຢ່າງເຕັມທີ່ໃນການສ້າງຄວາມໝັ້ນໃຈໃຫ້ຜູ້ໂດຍສານ ບໍ່ວ່າຈະເດີນທາງເພື່ອທຸລະກິດ ຫຼື ພັກຜ່ອນ ສາຍການບິນເຫຼົ່ານີ້ພ້ອມເບິ່ງແຍ່ງໃຫ້ທ່ານຮອດຈຸດໝາຍຢ່າງປອດໄພ ສະບາຍໃຈ ແລະ ໜ້າປະທັບໃຈ

ສະແດງຄຳຄິດເຫັນ