ນາຍົກລັດຖະມົນຕີ ຟິນແລນ Sanna Marin ຍື່ນຂໍຢ່າຮ້າງກັບຜົວທ່ານ Markus Raikkonen ຫຼັງຈາກແຕ່ງງານກັນສາມປີ ເຊິ່ງໄດ້ປະກາດການສິ້ນສຸດຄວາມ ສຳພັນຂອງພວກເຂົາຜ່ານ Instagram ໃນວັນພຸດທີ່ຜ່ານມານີ້

ຄູ່​ຜົວ​ເມຍ​ສອງ​ຄົນ​ນີ້​ໄດ້​ໂພດລົງ​ໃນ Instagram ໂດຍ​ກ່າວ​ວ່າ, “ພວກ​ເຮົາ​ມີ​ຄວາມ​ຂອບ​ໃຈ​ຫຼາຍ​ທີ່​ສຸດ​ສໍາ​ລັບ 19 ປີ​ຂອງ​ພວກ​ເຮົາ​ຮ່ວມ​ກັນ​ແລະ​ລູກ​ສາວ​ທີ່​ຮັກ​ຂອງ​ພວກ​ເຮົາ ພວກເຮົາຈະສືບຕໍ່ເປັນເພື່ອນທີ່ດີຕໍ່ກັນ”

Marin ແລະ Raikkonen ມີລູກສາວນຳກັນ ມີອາຍຸ 5 ປີ ແລະ ໄດ້ແຕ່ງງານກັນໃນປີ 2020. ໃນຂະນະທີ່ Marin ເປັນນາຍົກລັດຖະມົນຕີຂອງປະເທດ ຟິນແລນ ເຊິ່ງໄດ້ຮັບມືກັບວິກິດການອັນໃຫຍ່ຫຼວງທີ່ເກີດຈາກໂລກລະບາດ COVID-19.

“ພວກເຮົາໄດ້ໃຊ້ເວລາໃນໄວຫນຸ່ມຂອງພວກເຮົາຮ່ວມກັນມາ ເຊິ່ງໄດ້ກ້າວເຂົ້າມາສູ່ການເປັນຜູ້ໃຫຍ່ນຳກັນ ພວກເຮົາເຕີບໃຫຍ່ຂຶ້ນຮ່ວມແລະໄດ້ການເປັນພໍ່ແມ່ ໃຫ້ກັບລູກສາວຂອງພວກເຮົາ,” Marin ຂຽນໃນ Instagram ຫຼັງຈາກແຕ່ງງານກັບ Raikkonen ໃນເດືອນສິງຫາ 2020.

ແນວໃດກໍ່ຕາມ, ທ່ານ Marin ແລະພັກສັງຄົມປະຊາທິປະໄຕຂອງລາວ ໄດ້ສູນເສຍການເລືອກຕັ້ງລັດຖະສະພາ ຟິນແລນ ໃນເດືອນແລ້ວນີ້ ເຊິ່ງ ນາງ Sanna Marin, ອາຍຸ 37 ປີ, ເປັນນາຍົກລັດຖະມົນຕີທີ່ໜຸ່ມທີ່ສຸດໃນໂລກ ເຊິ່ງໄດ້ເຂົ້າຮັບຕຳແໜ່ງໃນປີ 2019 ແລະໄດ້ຮັບການຍ້ອງຍໍຈາກແຟນໆໃນ​ທົ່ວ​ໂລກ​ເພື່ອ​ເປັນ​ແບບ​ຢ່າງ​ໃຫ້​ແກ່​ຜູ້​ນຳ​ທີ່​ມີ​ແນວ​ຄິດ​ກ້າວ​ໜ້າ​ແບບ​ໃໝ່.

ສະແດງຄຳຄິດເຫັນ