ຕາມການລາຍງານຂອງ ທ່ານ ສຸວັນ ໄຊຍະມັງດາລາ ຫົວໜ້າຫ້ອງການກະສິກໍາ ແລະ ປ່າໄມ້ເມືອງໄຊພູທອງ ແຂວງສະຫວັນນະເຂດ ໃນຄັ້ງວັນທີ 1 ກໍລະກົດນີ້ວ່າ: ສໍາລັບແຜນການຜະລິດເຂົ້ານາປີນີ້ ມີເນື້ອທີ່ 14,351.35 ເຮັກຕາ ຄາດຂະເນສະມັດຕະພາບ 5 ໂຕນ/ເຮັກຕາ, ຄາດຄະເນຜົນຜະລິດ 71,756.75 ໂຕນ, ແຜ່ນການຈັດຕັ້ງປະຕິບັດ 1,590.4 ເຮັກຕາ, ໃນລະບົບຊົນລະປະທານ 200 ເຮັກຕາ. ການປູກເຂົ້າລະດູຝົນແຜນ 14,351.35 ເຮັກຕາ, ແນວປູກ 861.06 ໂຕນ, ປະຕິບັດໄດ້ແລ້ວ 819.54 ໂຕນ ເທົ່າກັບ 94.82%, ໄຖຮຸດສໍາເລັດ 94.82% ເທົ່າກັບ 13,607.95 ເຮັກຕາ, ຕົກກ້າແລ້ວ 450 ໂຕນ ເທົ່າກັບ 52.26% ຂອງແນວປູກທັງໝົດ, ນາວ່ານໄດ້ 5,760 ເຮັກຕາ, ແນວປູກ 345.6 ໂຕນ ເທົ່າກັບ 40.13% ຂອງແນວປູກທັງໝົດ, ນາຢອດໄດ້ 349 ເຮັກຕາ, ແນວປູກ 20.94 ໂຕນ ເທົ່າກັບ 2.43% ຂອງແນວປູກທັງໝົດ, ປັກດຳໄດ້ແລ້ວ 3,450 ເຮັກຕາ ເທົ່າກັບ 40%, ລວມປະຕິບັດໄດ້ທັງໝົດ 11,848.44 ເັກຮຕາ ເທົ່າກັບ 82.56%

ສ່ວນແຜນປູກພືດລະດູຝົນໃນລະບົບ ແລະ ນອກລະບົບໄດ້ 534.6 ເຮັກຕາ ເທົ່າກັບ 33.61% ຂອງແຜນປີ 1,590.4 ເຮັກຕາ (ເພີ້ມຂຶ້ນ 77 ເຮັກຕາ). ໃນນັ້ນ, ມີສາລີຫວານ 55 ເຮັກຕາ, ໝາກຖົ່ວດີນ 65 ເຮັກຕາ, ໝາກເຜັດ 26 ເຮັກຕາ, ໝາກເຂືອ 13 ເຮັກຕາ, ໝາກແຕງ 25 ເຮັກຕາ, ໝາກຖົ່ວຍາວ 14 ເຮັກຕາ, ມັນດ່າງ 1.2 ເຮັກຕາ, ກ້ວຍ 9.4 ເຮັກຕາ, ໝາກຮຸ່ງ 12 ເຮັກຕາ, ມັນຕົ້ນ 216 ເຮັກຕາ, ພືດຜັກ 85 ເຮັກຕາ, ອ້ອຍ 12 ເຮັກຕາ. ສ່ວນວຽກງານຄຸ້ມຄອງ ແລະ ພັດທະນາທີ່ດິນ ສາມາດ ປັບນາໄຫ່ນ້ອຍເປັນໄຫ່ໄຫ່ຍໃດ້ 470 ເຮັກຕາ ເທົ່າກັບ 156.66% ຂອງແຜນປີ 300 ເຮັກຕາ,ຊ່າວນາໃໝ່ໄດ້ 45.9 ຮຕ ເທົ່າກັບ 20,32.06%, ຂອງແຜນປີ 225.85 ເຮັກຕາ. ຂົນຝຸ່ນຄອກໃສ່ນາໄດ້ 14,248 ໂຕນ ເທົ່າກັບ 99.27% ຂອງແຜນປີ 14.351,35 ເຮັກຕາ.

(ພາບ-ຂ່າວ: ພັນທະມິດ ວົງສຸທິ)

ສະແດງຄຳຄິດເຫັນ