ກອງປະຊຸມສະຫຼຸບ 06 ເດືອນຕົ້ນປີ 2025 ແລະ ວາງທິດທາງແຜນການ 06 ເດືອນ ທ້າຍປີ 2025 ຂອງ ສາຂານະຄອນຫຼວງ1 ລັດວິສາຫະກິດໄຟຟ້າລາວ ຈັດຂຶ້ນໃນຕອນເຊົ້າ ຂອງວັນທີ 15 ກໍລະກົດ 2025 ທີ່ ສຳນັກງານໄຟຟ້າ ບ້ານ ຫນອງບຶກ ນະຄອນຫລວງວຽງຈັນ ໂດຍການເປັນປະທານຂອງທ່ານ ໂພໄຊ ພົມມະທຳ ຫົວຫນ້າຝ່າຍຄຸ້ມຄອງລະບົບໄຟຟ້າພາກກາງ ລັດວິສາຫະກິດໄຟຟ້າລາວ, ທ່ານ ອຳນວຍ ແປງແສງແກ້ວ ຮອງຫົວໜ້າສາຂານະຄອນຫຼວງ1, ລັດວິສາຫະກິດໄຟຟ້າລາວ ພ້ອມດ້ວຍຄະນະສາຂາ, ຄະນະ 09 ຫ້ອງການ, 02 ສູນບັນຊາ ແລະ 04 ຫ້ອງການໄຟຟ້າເມືອງ ແລະ ຄະນະໜ່ວຍງານອ້ອມຂ້າງສາຂາໄຟຟ້ານະຄອນ ຫຼວງ1 ເຂົ້າຮ່ວມ.

ກອງປະຊຸມໄດ້ຮັບຟັງການລາຍງານ ການຈັດຕັ້ງ ປະຕິບັດວຽກງານ ໄລຍະ 06 ເດືອນ ຜ່ານມາ ແລະ ແຜນສູ້ຊົນ 06 ເດືອນທ້າຍປີ 2025 ຂອງສາຂານະຄອນຫຼວງ1, ກ່ຽວກັບຄວາມຄືບໜ້າຂອງແຜນວຽກ 07 ຕົວຊີ້ວັດ ໄດ້ຍົກໃຫ້ເຫັນຜົນສໍາເລັດ, ຂໍ້ຄົງຄ້າງ, ບັນຫາອື່ນໆກ່ຽວກັບວຽກງານໄຟຟ້າ ພ້ອມດຽວກັນນັ້ນ, ກອງປະຊຸມຍັງໄດ້ເປີດໂອກາດໃຫ້ທຸກພາກສ່ວນ ປະກອບຄໍາຄິດຄຳເຫັນຢ່າງກົງໄປກົງມາ, ຍົກໃຫ້ເຫັນເຖິງສະພາບບັນຫາ, ຂໍ້ສະດວກ – ຂໍ້ຄົງຄ້າງ ທີ່ຍັງບໍ່ທັນສາມາດຈັດຕັ້ງປະຕິບັດໄດ້ຕາມແຜນສູ້ຊົນດັ່ງກ່າວນັ້ນ, ພ້ອມກັນວາງທິດທາງ ແຜນສູ້ຊົນໃນ 06 ເດືອນທ້າຍປີ 2025 ແລະ ຄົ້ນຄວ້າຊອກຫາວິທີທາງແກ້ໄຂຂໍ້ຄົງຄ້າງຕ່າງໆ.

ຕອນທ້າຍກອງປະຊຸມ ທ່ານປະທານ ໄດ້ເນັ້ນໜັກໃຫ້ທຸກພາກສ່ວນ ເອົາໃຈໃສ່ພ້ອມກັນສືບຕໍ່ປະຕິບັດວຽກງານທາງດ້ານວິຊາສະເພາະ ທີ່ຍັງຄົງຄ້າງ ແລະ ໃຫ້ປະຕິບັດຕາມແຜນສູ້ຊົນ 06 ເດືອນ ທ້າຍປີ 2025 ທີ່ວາງໄວ້ໃຫ້ບັນລຸຜົນສຳເລັດຕາມລະດັບຄາດໝາຍ, ກອງປະຊຸມໄດ້ຮັບຜົນສໍາເລັດ ແລະ ປິດລົງໃນເວລາ 12:00 ໂມງ ຂອງວັນດຽວກັນ.

☎ສາຍດ່ວນລັດວິສາຫະກິດໄຟຟ້າລາວ Call Center 1199

ຂ່າວ-ພາບ: ລັດວິສາຫະກິດໄຟຟ້າລາວສາຂານະຄອນຫຼວງ1

ສະແດງຄຳຄິດເຫັນ