ຂອງພັກ-ລັດ, ກອງປະຊຸມໃຫຍ່ ຄັ້ງທີ IX ອົງຄະນະພັກນະຄອນຫຼວງວຽງຈັນ ແລະ ຂໍ່ານັບຮັບຕ້ອນການສະເຫຼີມສະຫຼອງ ວັນສ້າງຕັ້ງແນວລາວສ້າງຊາດ ໃຫ້ມີບັນຍາກາດຟົດຟື້ນ; ສູນກາງແນວລາວສ້າງຊາດ (ສນຊ) ຮ່ວມກັບ ຄະນະນໍາ ນະຄອນຫຼວງວຽງຈັນ (ນວ), ຄະນະນຳ 5 ເມືອງ, ພະນັກງານ-ລັດຖະກອນ ພ້ອມດ້ວຍປະຊາຊົນ ຮ່ວມກັນ ຈັດຕັ້ງຂະບວນການອອກແຮງງານວັນເສົາແດງ ຢູ່ 5 ຈຸດຄື: ເມືອງໄຊເສດຖາ, ເມືອງສີໂຄດຕະບອງ, ເມືອງສີສັດຕະນາກ, ເມືອງຈັນທະບູລີ ແລະ ເມືອງໄຊທານີ ໃນວັນທີ 26 ກໍລະກົດ 2025.

ຈຸດເມືອງໄຊເສດຖາ ເຂົ້າຮ່ວມນຳພາໂດຍ ທ່ານ ຄໍາໄຫຼ ສີປະເສີດ ກໍາມະການສູນກາງພັກ ຮອງປະທານສູນກາງແນວລາວສ້າງຊາດ ຜູ້ປະຈໍາການ ພ້ອມດ້ວຍພະນັກງານຫ້ອງການ ແລະ ກົມຈັດຕັ້ງ-ພະນັກງານ ໄດ້ນໍາພາພະນັກງານ-ລັດຖະກອນ ແລະ ປະຊາຊົນ ອະນາໄມທາງເຂົ້າຫ້ອງວ່າການສູນກາງພັກ, ລວງຮອງລະບ່າຍນ້ຳ ແລະ ອະນາໄມເສັ້ນທາງສອງຝາກອ້ອມຫໍປະຊຸມແຫ່ງຊາດ; ເມືອງສີໂຄດຕະບອງ ເຂົ້າຮ່ວມນຳພາໂດຍທ່ານ ນາງ ອິນລາວັນ ແກ້ວບຸນພັນ ກຳມະການສູນກາງພັກ ຮອງປະທານ ສນຊ, ມີທ່ານ ຖະໜອມ ທຳທອງ ກຳມະການປະຈຳພັກ ນວ ປະທານແນວລາວສ້າງຊາດ ນະຄອນຫຼວງວຽງຈັນ ພ້ອມດ້ວຍຄະນະກົມໂຄສະນາ ແລະ ພະນັກງານ ເຂົ້າຮ່ວມ; ເມືອງສີສັດຕະນາກ ອະນາໄມເສັ້ນທາງຕັດໃໝ່ດອນນົກຂຸ້ມ ຫາ 4 ແຍກໄຟແດງດອນກອຍ ເຂົ້າຮ່ວມນຳພາໂດຍ ທ່ານ ນາງ ສີພະຈັນ ນັນທະວົງສາ ຮອງປະທານ ສນຊ ພ້ອມດ້ວຍພະນັກງານກົມກວດກາ; ເມືອງຈັນທະບູລີ ເຂົ້າຮ່ວມນຳພາໂດຍ ທ່ານ ຈັນເພັງ ສຸດທິວົງ ຮອງປະທານ ສນຊ ພ້ອມດ້ວຍພະນັກງານສູນຄົ້ນຄວ້າ ແລະ ຝຶກອົບຮົມ ເຂົ້າຮ່ວມ ອະນາໄມເສັ້ນທາງທົ່ງສາງນາງ ຫາ ເສັ້ນທາງຮ່ອງໄກແກ້ວ ແລະ ເມືອງໄຊທານີ ອະນາໄມເສັ້ນທາງໄຟແດງດອນໜູນ ຫາໄຟແດງດົງໂດກ ໂດຍມີຄະນະກົມ, ພະນັກງານກົມຊົນເຜົ່າ ແລະ ກົມຊັ້ນຄົນ-ການຈັດຕັ້ງສັງຄົມ ເຂົ້າຮ່ວມ.

ໃນໂອກາດນີ້, ທ່ານ ຄໍາໄຫຼ ສີປະເສີດ ໄດ້ກ່າວຈຸດປະສົງໃນການສ້າງຂະບວນການອອກແຮງ ວັນເສົາແດງຄັ້ງນີ້ວ່າ: ເປັນກິດຈະກໍາໜຶ່ງໃນການສະ ເຫຼີມສະຫຼອງວັນສ້າງຕັ້ງແນວລາວສ້າງຊາດ ຄົບຮອບ 75 ປີ ຕິດພັນກັບ 3 ວັນປະຫວັດສາດຂອງພັກ – ຂອງຊາດ ໃນການເສີມຂະຫຍາຍທັດສະນະການ ອອກແຮງງານອະນາໄມສະຖານທີ່ຕ່າງໆ ໃຫ້ມີຄວາມສະອາດຈົບງາມ ໂດຍສະເພາະແມ່ນເສັ້ນທາງ, ສາທາລະນະ, ຕຶກສໍານັກງານ, ອາຄານຕ່າງໆ; ເປັນການເຕົ້າໂຮມແຮງງານ, ນໍ້າໃຈຮັກສາມສະອາດ ແລະ ນ້ຳໃຈສາມັກຄີ ໃນການປະກອບສ່ວນສ້າງສາພັດທະນາບ້ານ, ເມືອງ ໃຫ້ເປັນຕາຢູ່ ເພື່ອດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດ; ເປັນການສ້າງໂອກາດໃຫ້ທຸກຄົນໄດ້ທັກທາຍ ພົບປະໂອ້ລົມ ແລກປ່ຽນຄໍາເຫັນ ຊຶ່ງກັນ ແລະ ກັນ ພ້ອມທັງເຮັດໃຫ້ຮ່າງກາຍ ແລະ ຈິດໃຈ ມີຄວາມແຂງແຮງ ປອດໂປ່ງ; ພ້ອມນີ້, ສູນກາງແນວລາວສ້າງຊາດ ໄດ້ມອບເງິນສອງລ້ານກີບ ໃຫ້ແນວລາວສ້າງຊາດຄອນຫຼວງວຽງຈັນ ແລະ ມອບໃຫ້ແຕ່ລະຈຸດອອກແຮງງານ ໜຶ່ງລ້ານກີບຕໍ່ເມືອງ ເພື່ອຊຸກຍູ້ຂະບວນການອອກແຮງງານໃນຄັ້ງນີ້.

ຂ່າວ-ພາບ: ສນຊ

ສະແດງຄຳຄິດເຫັນ