ໃນວັນທີ 28 ກໍລະກົດ 2025 ນີ້, ຫ້ອງການເມືອງກອງພົນທີ 4 ໄດ້ສຳເລັດການປັກດຳເຂົ້ານາປີ ປະຈຳປີ 2025 ໂດຍການນຳພາຊີ້ນຳ ຂອງ ຄະນະພັກ – ຄະນະຫ້ອງການເມືອງ ກອງພົນທີ 4, ເຊິ່ງມີພະນັກງານ – ນັກຮົບ ພາຍໃນກົມກອງຂອງຕົນ ເຂົ້າຮ່ວມໃນການປັກດຳເຂົ້ານາປີ ຢ່າງເປັນຂະບວນການຟົດຟື້ນ .

ສະຫາຍ ພັນໂທ ສົມໃຈ ແກ້ວມະນີວົງ ຫົວໜ້າພະແນກ ບໍລິຫານຫ້ອງການເມືອງ ໃຫ້ຮູ້ວ່າ; ພາຍຫຼັງທີ່ພວກເຮົາໄດ້ຈັດຕັ້ງພະນັກງານ – ນັກຮົບສຸມໃສ່ການປັກດຳເຂົ້່ານາປີມາແຕ່ຕົ້ນເດືອນ ກໍລະກົດ ເປັນຕົ້ນມາ, ຈົນມາຮອດວັນທີ 28 ກໍລະກົດ 2025 ແມ່ນໄດ້ສຳເລັດລົງຢ່າງເປັນທາງການດ້ວຍບັນຍາກາດຟົດຟື້ນມ່ວນຊື່ນ ເນື້ອທີ່ປັກດຳຕົວຈິງທັງໝົດແມ່ນ 8 ເຮັກຕາ, ຈຳນວນເຂົ້າປູກ 755 ກິໂລ, ໃຊ້ແນວເຂົ້າທ່າຊະນູ 8 ເຊິ່ງນຳໃຊ້ກຳລັງແຮງງານອ້າຍນ້ອງທັງໝົດ 70 ສະຫາຍ, ມາຮອດປັດຈຸບັນແມ່ນສຳເລັດ 100% ຈຸດປະສົງກໍ່ເພື່ອ ປະຕິບັດຕາມຄຳຂວັນ ຂອງກົມໃຫຍ່ພະລາທິການກອງທັບໄດ້ວາງອອກ ຕາມເນື້ອໃນ 4 ປູກ 4 ລ້ຽງ, ຍົກສູງນ້ຳໃຈ ເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມເເຂງດ້ວຍຕົນເອງ ຕາມທ່າແຮງບົ່ມຊ້ອນຂອງກົມກອງ ສາມາດຮັບປະກັນໃຫ້ແກ່ການຄຸ້ມຄອງທັບ, ລ້ຽງດູກຳລັງ ພາຍໃນກົມກອງໃນໄລຍະໜຶ່ງ ເຮັດໃຫ້ພະນັກງານ – ນັກຮົບ ອຸ່ນອ່ຽນທຸ່ນທ່ຽງ ສືບຕໍ່ເຮັດສຳເລັດໜ້າທີ່ການເມືອງຂອງຕົນ.

ຂ່າວ: ຮທ ໂພຄຳ ພອນປະເສີດ ກອງພົນທີ 4
ພາບ: ຮທ ສາຍຄຳ ວິໄລພອນ ກອງພົນທີ 4

ສະແດງຄຳຄິດເຫັນ