ວັນທີ 18 ພຶດສະພາ 2023 ຜ່ານມານີ້ ສະມາຄົມນໍ້າດື່ມ ນະຄອນຫລວງວຽງຈັນ ອອກແຈ້ງການ ປັບຂຶ້ນລາຄານໍ້າດື່ມບໍລິສຸດຕຸກໃຫຍ ຂະຫນາດ 18 ລິດ ໂດຍອີງໃສ່ສະພາບການປັບຂຶ້ນລາຄາຂອງອັດຕາແລກປ່ຽນສະກຸນເງິນຕາຕ່າງປະເທດ ແລະ ການອ່ອນຄ່າລົງຂອງສະກຸນເງິນກີບປະຈຸບັນ ພ້ອມທັງຂາດເຂີນແຮງງານທໍາການຜະລິດ ເຮັດໃຫ້ການດໍາເນີນທຸລະກິດມີຄວາມສຽງເພີ່ມສູງຂຶ້ນໃນແຕ່ລະ

ວັນ, ອີງໃສ່ສະພາບການນັບເພີ່ມຂຶ້ນເກີນເທົ່າຕົວ ຂອງລາຄາຄ່າຄອງຊີບ, ເຄື່ອງໃຊ້ສອຍ, ອຸປະກອນຮັບໃຊ້ການຜະລິດນໍ້າຕ່າງໆ. ອີງໃສ່ ກອງປະຊຸມຄົບຄະນະຂອງສະມາຄົມນໍ້າດື່ມບໍລິສຸດ ນະຄອນຫລວງວຽງຈັນ ຄັ້ງວັນທີ 17/05/2023 ວ່າດ້ວຍເຫດຜົນ, ຄວາມຈໍາເປັນໃນການປັບຂຶ້ນລາຄານໍ້າດື່ມຕຸກໃຫ່ຍ ຂະຫນາດ 18 ລິດ, ເພື່ອຊວ່ຍໃຫ້ຜູ້ປະກອບການໂຮງງານຜະລິດນໍ້າດື່ມ

ສາມາດປະຄອງຕົວຢູ່ໃດ໋.ປະທານ ສະມາຄົມນໍ້າດື່ມບໍລິສຸດ ນະຄອນຫລວງວຽງຈັນ ຈຶ່ງຂໍຖືເປັນກຽດແຈ້ງ ບັນດາທ່ານ ເພື່ອໃຫ້ກະກຽມ ປັບຂຶ້ນລາຄານໍ້າດື່ມບໍລິສຸດຕຸກໃຫຍ່ ຂະໜາດ 18 ລິດ ຈາກລາຄາເດີມທີ່ຜ່ານມາຕຸກລະ 6.000 ກີບມາເປັນ 8.000 ກີບ, ໃນຂອບເຂດນະຄອນຫລວງວຽງຈັນ (9 ຕົວເມືອງ ) ຢ່າງພ້ອມພຽງ ແລະ ເປັນເອກະພາບ ກັນ. ທັງນີ້ກໍເພື່ອເປັນການປະຄອງທຸລະກິດໂຮງງານນໍ້າດື່ມ ໃຫ້ສາມາດຜ່ານຜ່າອຸບປະສັກອັນໜັກໜ່ວງນີ້ໄປໃຫ້ໃດ້.

ລາຄາໃໝ່ນີ້ໃຫ້ເລີ່ມປະຕິບັດນັບແຕ່ ວັນທີ 1/06/2023 ເປັນຕົ້ນໄປ.

ເພື່ອເຮັດໃຫ້ການປັບຂຶ້ນລາຄານີ້ ໃດ້ຮັບການຈັດຕັ້ງປະຕິບັດ ຢ່າງມີປະສິດທິຜົນສູງ ແລະ ມີຄວາມເປັນເອກະພາບກັນຢ່າງທົ່ວເຖິງ. ຫລີກລ່ຽງ ການສວຍໃຊ້ໂອກາດເພື່ອແກ່ງແຍ່ງຕະຫລາດ ກໍ່ຄືລູກຄ້າຂອງກັນແລະກັນ, ມອບໃຫ້ຄະນະສະມາຄົມເມືອງເປັນຜູ້ນໍາພາກວດກາ, ຈັດຕັ້ງປະຕິບັດໃຫ້ໃດ້ຜົນສໍາເລັດເປັນຢ່າງດີ.

ສະແດງຄຳຄິດເຫັນ