ໃນຍຸກທີ່ Google ມີ Gemini summarize ໃນໜ້າບຣາວເຊີ, Microsoft Edge ເອງກໍ່ມີ Copilot Mode ໃນການຊ່ວຍຄົ້ນຄວ້າຂໍ້ມູນເຊັ່ນກັນ. ແຕ່ທີ່ດີກວ່າແມ່ນ Copilot Mode ອາດຈະຊ່ວຍໄດ້ຫຼາຍກວ່າແຄ່ສະຫຼຸບຂໍ້ມູນ ເພາະສາມາດຊ່ວຍຕັດສິນໃຈແທນໄດ້ດ້ວຍ.

Copilot Mode ເຮັດຫຍັງໄດ້ແດ່?

ສະຫຼຸບເນື້ອຫາ: Copilot ສາມາດສະຫຼຸບເນື້ອຫາຈາກໜ້າເວັບທີ່ທ່ານກຳລັງເຂົ້າຊົມໄດ້ຢ່າງວ່ອງໄວ, ຊ່ວຍໃຫ້ທ່ານເຂົ້າໃຈເນື້ອໃນສຳຄັນໄດ້ໂດຍບໍ່ຕ້ອງອ່ານທັງໝົດ.

ປຽບທຽບລາຄາຈາກເວັບອື່ນທີ່ເປີດໄວ້: ຟີເຈີນີ້ຊ່ວຍໃຫ້ທ່ານປຽບທຽບລາຄາສິນຄ້າຈາກຫຼາຍແທັບພ້ອມກັນ, ຕິດຕາມຂໍ້ສະເໜີພິເສດ, ແລະ ວິເຄາະແນວໂນ້ມຂອງລາຄາ ເພື່ອໃຫ້ທ່ານຕັດສິນໃຈຊື້ໄດ້.

ການໂຕ້ຕອບທີ່ຫຼາກຫຼາຍ: ທ່ານສາມາດໂຕ້ຕອບກັບ Copilot ໄດ້ທັງຜ່ານຄຳສັ່ງສຽງຫຼືຂໍ້ຄວາມ, ເຮັດໃຫ້ການໃຊ້ງານມີຄວາມຍືດຫຍຸ່ນແລະສະດວກສະບາຍ.

ການຄາດເດົາ: ດ້ວຍຄວາມສາມາດຂອງ AI, Copilot ສາມາດຄາດການຕັດສິນໃຈຕໍ່ໄປຂອງທ່ານໃນການທ່ອງເວັບ ແລະ ສະເຫນີຄວາມຊ່ວຍເຫຼືອທີ່ກ່ຽວຂ້ອງລ່ວງໜ້າ ເຊັ່ນ ແນະນຳລິ້ງທີ່ທ່ານອາດສົນໃຈ.

ເປັນສູນກາງການເຮັດວຽກ: Copilot ລວມຟັງຊັນການແຊັດ, ການຄົ້ນຫາ, ແລະ ການນຳທາງເວັບເຂົ້າໄວ້ໃນຊ່ອງປ້ອນຂໍ້ມູນດຽວ, ເຮັດໃຫ້ທ່ານສາມາດເຮັດກິດຈະກຳຕ່າງໆ ໄດ້ໃນທີ່ດຽວໂດຍບໍ່ຕ້ອງປ່ຽນໄປມາລະຫວ່າງຫຼາຍໜ້າຕ່າງ.

ຊ່ວຍເຫຼືອຮອບດ້ານ: ບໍ່ວ່າຈະເປັນການຄົ້ນຄວ້າຂໍ້ມູນ, ການຊອບປິງ, ຫຼື ການເພີ່ມປະສິດທິພາບການເຮັດວຽກ, Copilot ກໍ່ພ້ອມໃຫ້ຄວາມຊ່ວຍເຫຼືອຢ່າງຄົບຖ້ວນ.

ໃຫ້ຂໍ້ມູນເຊິງເລິກ: ສາມາດໃຫ້ຂໍ້ມູນເຊິງເລິກທີ່ກ່ຽວຂ້ອງກັບເນື້ອຫາທີ່ທ່ານກຳລັງເບິ່ງຢູ່, ແລະ ຍັງມີຄວາມສາມາດໃນການດັດແປງຂໍ້ມູນໃຫ້ຕອບສະໜອງ ເຊັ່ນ ປ່ຽນເມນູກະເພາເນື້ອເປັນເມນູກະເພາເຈ.

ຟີເຈີ Copilot Mode ນີ້ເປັນຟັງຊັນທົດລອງທີ່ເປີດໃຫ້ໃຊ້ງານຟຣີສຳລັບທັງຜູ້ໃຊ້ Mac ແລະ PC. ເມື່ອເປີດໃຊ້ງານແລ້ວ, ໜ້າຫຼັກຂອງບຣາວເຊີ Edge ຈະມີຟັງຊັນການຄົ້ນຫາທີ່ຂັບເຄື່ອນດ້ວຍ AI, ຄຳແນະນຳການຄົ້ນຫາ, ແລະ ຊ່ອງປ້ອນຂໍ້ມູນສຳລັບ Copilot chat. ຜູ້ໃຊ້ສາມາດອະນຸຍາດໃຫ້ Copilot ເຂົ້າເຖິງແລະອ້າງອີງເນື້ອຫາຈາກໜ້າເວັບເພື່ອເຮັດການສະຫຼຸບຂໍ້ມູນໄດ້.

ຈາກການທົດລອງໃຊ້ຄ່າງໆ, ຫຼັກການເຮັດວຽກຈະຄ້າຍກັບ Generative AI ທົ່ວໄປ. ແຕ່ເມື່ອລອງໃຫ້ Copilot ຊ່ວຍວາງແຜນການເດີນທາງ, ສິ່ງທີ່ໜ້າສົນໃຈແມ່ນຫຼັກການເຮັດວຽກຈະໄປໃນທິດທາງຊ່ວຍວາງແຜນໄດ້ດີພໍສົມຄວນ, ມີຕາຕະລາງແຍກມາໃຫ້ຊັດເຈນ, ແລະ ຈະແນບລິ້ງມາໃຫ້ຕະຫຼອດເປັນການກວດຄືນຂໍ້ມູນເພື່ອຄວາມໝັ້ນໃຈ.

ຈາກການເປີດຕົວ Copilot Mode ນີ້ ໜ້າຈະເຮັດໃຫ້ຮູ້ວ່າ Microsoft ກຳລັງກ້າວຫຼຸດໜ້າຢ່າງເຕັມທີ່ໃນການຜະສານ AI ເຂົ້າກັບ Edge, ນັບເປັນກ້າວສຳຄັນທີ່ເຮັດໃຫ້ກ້າວໜ້າກວ່າ Chrome ຂອງ Google.

ສະແດງຄຳຄິດເຫັນ