ອິນໂດເນເຊຍໄດ້ຈັດພິທີລັດສະເຫລີມສອງການປະກາດເອກະລາດໃນມື້ນີ້ເມື່ອ 80 ປີກ່ອນ ຂະນະທີ່ປະຊາຊົນບາງສ່ວນໃຊ້ທຸງໂຈນສະຫລັດຈາກການ່ຕູນຍີ່ປຸ່ນເລື່ອງວັນພີສເປັນສັນຍາລັກໃນການສະແດງຄວາມບໍ່ພໍໃຈຕໍ່ລັດຖະບານ ແລະ ມີຜູ້ໄດ້ຮັບບາດເຈັບຈຳນວນໜຶ່ງຈາກແຜ່ນດິນໄຫວທີ່ເກີດຂຶ້ນໃນມື້ນີ້

ພິທີລັດເລີ່ມຕົ້ນດ້ວຍກອງທະຫານກຽດຕິຍົດເຊີນທຸງຊາດ ແລະ ເອກະສານຕົ້ນສະບັບຄຳປະກາດເອກະລາດອິນໂດເນເຊຍຈາກອະນຸສາວະລີແຫ່ງຊາດຫຼືໂມນາສ (Monas) ໃຈກາງຈະຕຸລັດເມີດີກາ ໃນນະຄອນຫຼວງຈາກາກ່າ ໄປຍັງພະລາຊະວັງປະທານາທິບໍດີ ຈາກນັ້ນຂະບວນເຈົ້າໜ້າທີ່ເຊີນທຸງໄດ້ຮັບທຸງຊາດຈາກປະທານາທິບໍດີປຣາໂບໂວ ຊູເບຍນໂຕ ໄປທຳພິທີເຊີນທຸງຂຶ້ນສູ່ຍອດເສົາ ຕາມດ້ວຍການສະແດງການບິນອາກາດຍານຂອງກອງທັບ ແລະ ການສະແດງເຕັ້ນລຳແບບພື້ນເມືອງຢ່າງສວຍງາມ ຂະນະທີ່ຜູ້ຮ່ວມງານພາກັນຮ່ວມເຕັ້ນລຳກັນຢ່າງມ່ວນຊື່ນ

ການປະກາດເອກະລາດຂອງອິນໂດເນເຊຍມີຂຶ້ນເມື່ອວັນທີ່ 17 ສິງຫາ 2025 ຢູ່ບ້ານພັກຂອງທ່ານຊູການໂນ ຜູ້ນຳຂະບວນການຊາດນິຍົມອິນໂດເນເຊຍ ໃນນະຄອນຫຼວງຈາກາກ່າ ສອງມື້ຫຼັງຈາກຍີ່ປຸ່ນທີ່ຂະນະນັ້ນຍຶດຄອງອິນໂດເນເຊຍຢູ່ ໄດ້ປະກາດຍອມແພ້ສົງຄາມໂລກຄັ້ງທີ່ 2 ຖືເປັນຈຸດເລີ່ມຕົ້ນຂອງຂະບວນການປະຕິວັດແຫ່ງຊາດອິນໂດເນເຊຍທີ່ໃຊ້ການຕໍ່ສູ້ທັງທາງການທູດ ແລະ ການທະຫານນານກວ່າ 4 ປີກັບເນເທີແລນ ຊຶ່ງເປັນເຈົ້າອານານິຄົມອິນໂດເນເຊຍມາຍາວນານ
ຊາວອິນໂດເນເຊຍບາງສ່ວນໃຊ້ເດືອນນີ້ເປັນໂອກາດໃນການສະແດງຄວາມບໍ່ພໍໃຈຕໍ່ລັດຖະບານປຣາໂບໂວທີ່ຊະນະເລືອກຕັ້ງສາບານຕົນຮັບຕຳແໜ່ງເມື່ອເດືອນຕຸລາ ປີກ່ອນ ເນື່ອງຈາກບໍ່ສາມາດແກ້ໄຂບັນຫາເສດຖະກິດ ແລະ ສັງຄົມຕາມທີ່ຮັບປາກໄວ້ໃນການຫາສຽງ ກະແສການຕິດທຸງຂອງກຸ່ມໂຈນສະຫລັດໝວກຟາງ ຊຶ່ງເປັນຕົວລະຄອນເອກໃນການ່ຕູນຍີ່ປຸ່ນຫຼືມັງງະ ແລະ ພາບຍົນການ່ຕູນຍີ່ປຸ່ນຫຼືອານິເມ້ ເລື່ອງວັນພີສ (One Piece) ປະກົດຂຶ້ນໃນຫຼາຍພື້ນທີ່ຕັ້ງແຕ່ຕົ້ນເດືອນ ເນື່ອງຈາກຖືກມອງວ່າເປັນສັນຍາລັກຂອງຄວາມຫວັງ ເສລີພາບ ແລະ ການຕໍ່ຕ້ານລະບອບຜະເດັດການ

ຂະນະດຽວກັນ ສຳນັກງານຮັບມືໄພພິບັດແຫ່ງຊາດຫຼືບີເອັນພີບີ (BNPB) ອອກແຖງການວ່າ ເກີດແຜ່ນດິນໄຫວຂະໜາດ 6 ຈຸດໃຈກາງເລິກລົງໄປພຽງ 10 ກິໂລແມັດທີ່ເມືອງໂປໂຊ ແຂວງສຸລາເວສີກາງ ແຮງສັ່ນສະເທືອນຮູ້ສຶກໄດ້ໃນພື້ນທີ່ໃກ້ຄຽງ ແຜ່ນດິນໄຫວເຮັດໃຫ້ມີຜູ້ໄດ້ຮັບບາດເຈັບ 29 ຄົນ ໃນຈຳນວນນີ້ 2 ຄົນອາການຮ້າຍແຮງ.

ສະແດງຄຳຄິດເຫັນ