ສຳນັກຂ່າວ CNBC ລາຍງານວ່າ “Cambricon” ບໍລິສັດຜູ້ຜະລິດຊິບເຊັມິຄອນດັກເຕີຈາກ “ຈີນ” ໄດ້ລາຍງານຜົນການດຳເນີນງານທີ່ໜ້າປະທັບໃຈໃນຊ່ວງຄິດປີທຳອິດ ໂດຍມີກຳໄລສູງສຸດເປັນປະຫວັດສາດ ສະທ້ອນໃຫ້ເຫັນວ່າຄູ່ແຂ່ງໃນປະເທດຂອງ Nvidia ກຳລັງເຕີບໂຕຢ່າງໄວວາ ເນື່ອງຈາກລັດຖະບານຈີນກຳລັງຊຸກຍູ້ແລະສະໜັບສະໜູນອຸດສາຫະກຳໃນປະເທດ

Cambricon ແມ່ນຫນຶ່ງໃນບໍລິສັດຈີນຫຼາຍແຫ່ງທີ່ກຳລັງແຂ່ງຂັນກັນເພື່ອເປັນທາງເລືອກແທນ Nvidia ຊຶ່ງເປັນຜູ້ນຳດ້ານການຜະລິດຊິບສຳລັບ AI ທີ່ໃຊ້ໃນການຝຶກອົບຮົມແລະຮັນໂມເດວ AI ຕ່າງໆ

Cambricon ຫຼີກຄວາມສ່ຽງຖືກຕັດຂາດເທັກໂນໂລຍີຈາກສະຫະລັດ

Cambricon ລາຍງານຜົນການດຳເນີນງານຄິດປີທຳອິດມີລາຍໄດ້ພຸ່ງຂຶ້ນກວ່າ 4,000% ເມື່ອທຽບກັບປີກ່ອນໜ້າ ມາຢູ່ທີ່ 2.88 ຕື້ຫຼ້ານຫຍວນ ຫຼື ປະມານ 402.7 ລ້ານໂດລາ ແລະມີກຳໄລສຸດທິສູງສຸດເປັນປະຫວັດສາດທີ່ 1.04 ຕື້ຫຼ້ານຫຍວນ

ເຖິງແມ່ນວ່າຕົວເລກນີ້ຈະເບິ່ງໜ້າປະທັບໃຈ ແຕ່ກໍ່ຍັງຖືວ່າເຈົ້ານ້ອຍຫຼາຍເມື່ອທຽບກັບ Nvidia ທີ່ລາຍງານລາຍໄດ້ 44 ຕື້ລ້ານໂດລາໃນໄຕມາດຫຼ້າສຸດ

ການເຕີບໂຕຢ່າງກ້າວໂດດຂອງລາຍໄດ້ບໍລິສັດ Cambricon ຊີ້ໃຫ້ເຫັນວ່າບໍລິສັດເທັກໂນໂລຍີໃນຈີນກຳລັງເລັ່ງຫາທາງເລືອກອື່ນນອກເຫນືອຈາກຊິບຂອງ Nvidia ເນື່ອງຈາກຄວາມສ່ຽງທີ່ຈີນອາດຖືກຕັດຂາດຈາກເທັກໂນໂລຍີຂອງສະຫະລັດຢ່າງຕໍ່ເນື່ອງ

ມູນຄ່າຫຸ້ນທະຍານ ແພງສຸດໃນຕະຫຼາດຈີນ

ບໍລິສັດເທັກໂນໂລຍີຊັ້ນນຳຂອງຈີນຫຼາຍແຫ່ງຫັນມາໃຊ້ຊິບທີ່ຜະລິດໃນປະເທດ ເຮັດໃຫ້ບໍລິສັດໃນປະເທດເຊັ່ນ Cambricon ໄດ້ຮັບປະໂຫຍດແລະເຕີບໂຕຢ່າງໄວວາ ເຮັດໃຫ້ລາຄາຫຸ້ນຂອງ Cambricon ເພີ່ມຂຶ້ນກວ່າເທົ່າຕົວໃນປີນີ້ ແລະມີມູນຄ່າຕະຫຼາດສູງເຖິງ 80 ຕື້ລ້ານໂດລາ

ຕັ້ງແຕ່ຕົ້ນປີຈົນເຖິງປັດຈຸບັນ ຫຸ້ນ Cambricon ທີ່ຊື້ຂາຍໃນຕະຫຼາດເຊຍງໄຮ້ພຸ່ງຂຶ້ນກວ່າ 121.34% ແຕະລະດັບສູງສຸດເປັນປະຫວັດສາດ 1,429 ຫຍວນ ຂຶ້ນແທ່ນເປັນຫຸ້ນທີ່ມີລາຄາແພງທີ່ສຸດໃນຕະຫຼາດຈີນແຜ່ນດິນໃຫຍ່ ແຊງໜ້າບໍລິສັດເຫຼົ້າຊື່ດັງເຊັ່ນ Kweichow Moutai ສະທ້ອນຫຸ້ນຈີນກຳລັງໃຫ້ຄວາມສຳຄັນກັບເທັກໂນໂລຍີ AI ຫຼາຍຂຶ້ນ

Cambricon ຈະແຊງ Nvidia ບໍ່ງ່າຍ!

ເຖິງແມ່ນວ່າຈະມີການເຕີບໂຕທີ່ໜ້າປະທັບໃຈ ແຕ່ຄູ່ແຂ່ງຂອງ Nvidia ໃນຈີນກໍ່ຍັງມີຄວາມທ້າທາຍ ເພາະ Nvidia ບໍ່ໄດ້ແຂງແກ່ງພຽງແຮດແວ ແຕ່ຍັງມີຊຸດເຄື່ອງມືຊອບແວທີ່ນັກພັດທະນາຄຸ້ນເຄີຍ ຊຶ່ງເປັນຂໍ້ໄດ້ປຽບສຳຄັນທີ່ Cambricon ຕ້ອງກ້າວຜ່ານ

ນອກຈາກນີ້ ເທັກໂນໂລຍີຍັງລ້າຫຼັງ Nvidia ຫຼາຍ ແລະໃນໄລຍະຍາວ ແນວໂນ້ມຍິ່ງເບິ່ງໜ້າເປັນຫ່ວງ ເນື່ອງຈາກມາດຕະການຄວບຄຸມການສົ່ງອອກຂອງສະຫະລັດ ອາດເຮັດໃຫ້ຈີນບໍ່ສາມາດເຂົ້າເຖິງເທັກນິກການຜະລິດຊິບທີ່ທັນສະໄໝທີ່ສຸດ ຊຶ່ງເປັນອຸປະສັກສຳຄັນໃນການພັດທະນາຊິບ AI ຂອງຈີນໃຫ້ກ້າວທັນຄູ່ແຂ່ງລະດັບໂລກໄດ້
ຂ່າວຈາກ: CNBC

ສະແດງຄຳຄິດເຫັນ