ຕອນບ່າຍ ຂອງວັນທີ 28 ສິງຫາ 2025ນີ້ ທ່ານ ອ່ຽມສັກ ສິດທິຍະວົງ ຮອງຫົວໜ້າພະແນກ ກະສິກຳ ແລະ ສິງແວດລ້ອມ ແຂວງບໍ່ແກ້ວ ພ້ອມດ້ວຍຄະນະ ໄດ້ນໍາເອົາອຸປະກອນຊ່ວຍເຫຼືອ ແກ້ໄຂສຸກເສີນສ້ອງແປງຄອງເໝືອງ ຊົນລະປະທານ ທີ່ໄດ້ຮັບຜົນເສຍຫາຍເປ່ເພຈາກພະຍຸວິພາ ໃນລະຫວ່າງ ວັນທີ 21 ຫາ 30 ກໍລະກົດຜ່ານມາ ມອບໃຫ້ ກຸ່ມຊາວນາ ເຂດຊົນລະປະທານ ຫ້ວຍລຽງ 2 ບ້ານວຽງຄຳໃຫ່ຍ ເມືອງຜາອຸດົມ ແຂວງບໍ່ແກ້ວ. ເຂົ້າຮ່ວມມີ ຄະນະກຳມະການຄຸ້ມຄອງໄພພິບັດຂັ້ນເມືອງ ພ້ອມດ້ວຍຫົວໜ້າກຸ່ມຊາວນາ ຕະຫຼອດຮອດປະຊາຊົນ ເຂົ້າຮ່ວມ.

ອຸປະກອນທີ່ນຳມາມອບຄັ້ງນີ້, ປະກອບມີ ທໍ່ PVC ຈໍານວນ 45 ທ່ອນ, ປູນຊີມັງ 4 ເປົາ ລວມມູນຄ່າທັງໝົດ 18 ລ້ານກວ່າກີບ ຊຶ່ງງົບປະມານທັງໝົດ ແມ່ນໄດ້ມາຈາກກອງທຶນໄພພິບັດຂັ້ນແຂວງ. ໂອກາດນີ້, ທ່ານ ອ່ຽມສັກ ສິດທິຍະວົງ ໄດ້ຮຽກຮ້ອງໃຫ້ປະຊາຊົນ ເຂດຊົນລະປະທານ ຫ້ວຍລຽງ 2 ບ້ານວຽງຄຳໃຫ່ຍ ຈົ່ງເປັນເຈົ້າການ ນໍາເອົາອຸປະກອນດັ່ງກ່າວໄປຕິດຕັ້ງໃສ່ບ່ອນທີ່ເປເພເສຍຫາຍ ພ້ອມນີ້ກໍຕ້ອງພ້ອມກັນປົກປັກຮັກສາ ໃຫ້ນຳໃຊ້ຍາວນນານ.

(ຂ່າວ-ພາບ: ພອນສະຫວັນ ມະນີສີ)

ສະແດງຄຳຄິດເຫັນ