ໃນວັນທີ 1 ກັນຍາ 2025 ທ່ານ ລິນຄຳ ດວງສະຫວັນ ລັດຖະ ມົນຕີກະຊວງກະສິກຳ ແລະ ສິ່ງແວດລ້ອມ ໃນນາມ ປະທານຄະ ນະກຳມະການແມ່ນ້ຳຂອງແຫ່ງຊາດລາວ ສະມາຊິກສະພາມົນຕີ ຄະນະກຳມາທິການແມ່ນ້ຳຂອງສາກົນ ສຳລັບ ສປປ ລາວ ພ້ອມ ດ້ວຍຄະນະ ປະກອບດ້ວຍ ເອກອັກຄະລັດຖະທູດ ສປປ ລາວ ປະຈຳປະເທດໄທ ບັນດາຫົວໜ້າ ຮອງຫົວໜ້າກົມກ່ຽວຂ້ອງຂອງກະຊວງກະສິກຳ ແລະ ສິ່ງແວດລ້ອມ ເຂົ້າພົບປະ ທ່ານ ປະ ເສີດ ຈັນທະຣະຣວງທອງ ຮອງນາຍົກລັດຖະມົນຕີ ລາຊະອານາ ຈັກໄທ ປະທານຄະນະກຳມະການແມ່ນ້ຳຂອງແຫ່ງຊາດໄທ ສະມາ ຊິກສະພາມົນຕີ ຄະນະກຳມາທິການແມ່ນ້ຳຂອງສາກົນ ສຳລັບລາ ຊະອານາຈັກໄທ ແລະ ປະທານສະພາມົນຕີ ຄະນະກຳມາທິການແມ່ນ້ຳຂອງສາກົນ ປີ 2025 ພ້ອມດ້ວຍຄະນະ ເພື່ອປຶກສາຫາ ລື ກ່ຽວກັບ ການຮ່ວມມືດ້ານການປົກປັກຮັກສາ ແລະ ພັດທະ ນາອ່າງແມ່ນ້ຳຂອງໃຫ້ມີຄວາມຍືນຍົງ ແລະ ຈັດການຊັບພະຍາ ກອນນ້ຳ ພ້ອມທັງ ປຶກສາຫາລື ວຽກງານການຮ່ວມມື ພາຍໃຕ້ ບົດບັນທຶກຄວາມເຂົ້າໃຈ ລະຫວ່າງ 2 ຝ່າຍ ທີ່ໄດ້ລົງນາມຮ່ວມ ກັນ ໃນປີທີ່ຜ່ານມາ ໃນນີ້ ໄດ້ເນັ້ນໃສ່ການປະສານງານດ້ານການຕ້ານ ແລະ ຮັບມືກັບຜົນກະທົບຈາກໄພທຳມະຊາດ ໂດຍສະ ເພາະ ອຸທົກກະໄພ ແລະ ການຈັດການການລະບາຍນ້ຳຂອງບັນດາເຂື່ອນໄຟຟ້າພະລັງນ້ຳ.

ນອກຈາກນີ້ ຄະນະຜູ້ແທນຝ່າຍລາວ ຍັງໄດ້ໄປຢ້ຽມຢາມ ສະຖາ ບັນວິໄຈວິທະຍາສາດ ແລະ ເຕັກໂນໂລຊີ ລາຊະອານາຈັກໄທ ເພື່ອປຶກສາຫາລື ແລະ ແລກປ່ຽນບົດຮຽນ ແລະ ປະສົບການດ້ານການບໍລິຫານການຈັດການຊັບພະຍາກອນນ້ຳ ແລະ ການພັດທະນາດ້ານເຕັກໂນໂລຊີ ແລະ ນະວັດຕະກຳຕ່າງໆໃນການພັດທະນາຜະລິດຕະພັນ ແລະ ສິນຄ້າກະສິກຳ ເພື່ອເປັນສິນຄ້າ ແລະ ການຮ່ວມມືສຶກສາຄົ້ນຄວ້າ ພັດທະນາຜະລິດຕະພັນກະ ສິກຳຂອງລາວ ໃຫ້ເປັນສິນຄ້າໂດຍສະເພາະແມ່ນການເພາະພັນ ແລະ ຜະລິດຕະພັນແປຮູບ ໄຄແຜ່ນ (ຫຼວງພະບາງ) ຂອງ ສປປ ລາວ.

ຂ່າວ: ວສລ

ສະແດງຄຳຄິດເຫັນ