ວັນທີ 10 ກັນຍາ 2025 ເວລາປະມານ 6:30 ໂມງ ເຈົ້າ ໜ້າທີ່ ປະຈໍາຢູ່ຈຸດກວດກາສາມແຍກບ້ານຫາດງາມ ເມືອງຄອບ ແຂວງໄຊຍະບູລີ ພົບເຫັນລົດບັນທຸກ 12 ລໍ້ ສີນໍ້າ ຕານ ບໍ່ມີປ້າຍທະບຽນ,ຂັບຂີ່ມຸ້ງໜ້າມາແຕ່ເມືອງປາກທາ ແຂວງບໍ່ແກ້ວ,ຈຶ່ງໄດ້ສົ່ງສັນຍານໃຫ້ຈອດລົດ ເພື່ອທຳການກວດກາລົດ, ແຕ່ລົດຄັນດັ່ງກ່າວ ບໍ່ໃຫ້ຄວາມຮ່ວມມື ແລະ ໄດ້ຂັບຜ່ານເຂົ້າມາທາງເມືອງຄອບ.

ດັ່ງນັ້ນ, ເຈົ້າໜ້າທີ່ ໄດ້ຂັບຂີ່ລົດຈັກໄລ່ຕິດຕາມ ຈຶ່ງພົບເຫັນລົດຄັນດັ່ງກ່າວ ຈອດຢູ່ຈຸດສາມແຍກບ້ານມ່ວງດອນມູນ ເມືອງຄອບ ແຂວງໄຊຍະບູລີ. ພາຍຫຼັງເຈົ້າໜ້າທີ່ຕິດ ຕາມໄປຮອດ ຜູ້ຂັບຂີ່ໄດ້ໂດດລົງລົດ ລົບໜີເຂົ້າປ່າຊ້າ ຢູ່ເຂດບ້ານມ່ວງດອນມູນ.ຈາກນັ້ນ,ເຈົ້າໜ້າ ທີ່ ປກສ ເມືອງຄອບ ຈຶ່ງໄດ້ ໄລ່ຊອກຫາຈົນຮອດ ເວລາປະມານ 13:40 ໂມງ ກໍສາມາດຈັບຜູ້ກ່ຽວໄດ້ ຊື່ ທ້າວ ຄົວຢາງ ອາຍຸ 28 ປີ ຢູ່ບ້ານຫ້ວຍດິນຈີ່ ເມືອງປາກທາ ແຂວງບໍ່ແກ້ວພ້ອມຢາບ້າ ທີ່ຊຸກເຊື່ອງໄວ້ໃນລົດບັນທຸກ ຈໍານວນ 64 ເປົາ ລວມມີຢາບ້າ 12.742.000 ເມັດ ແລະ ໂທລະ ສັບມືຖື 2 ເຄື່ອງ.

ຜ່ານການສອບສວນເບື້ອງຕົ້ນ ຂອງເຈົ້າໜ້າທີ່ ເຫັນວ່າລົດບັນທຸກຄັນດັ່ງກ່າວ ແມ່ນຈະຂົນສົ່ງຢາບ້າ ແຕ່ແຂວງບໍ່ແກ້ວ ໄປສົ່ງຢູ່ນະຄອນຫຼວງວຽງຈັນ.

ທີ່ມາ: ຂ່າວສານລາວ

ສະແດງຄຳຄິດເຫັນ