ວັນທີ 26 ພຶດສະພາ 2023 ຜ່ານມາ, ສານປະຊາຊົນ ແຂວງຫົວພັນ ໄດ້ປ່ອຍຕົວນັກໂທດກ່ອນກຳນົດໂດຍມີເງື່ອນໄຂ ຈໍານວນ 7 ຄົນ;  ໃນນີ້, ມີນັກໂທດຄະດີມີຢາເສບຕິດໄວ້ໃນຄອບຄອງ ເພື່ອເສບປະເພດຢາບ້າ  4 ຄົນ, ຄະດີມີວັດຖຸເຄມີເພື່ອຜະລິດຢາເສບຕິດໄວ້ໃນຄອບຄອງ 1 ຄົນ, ຄະດີລັກພາຕົວ 1 ຄົນ ແລະ ຄະດີຂູ່ຄາດຕະກຳ 1 ຄົນ.

ນັກໂທດຈໍານວນດັ່ງກ່າວ ພວກກ່ຽວໄດ້ຜ່ານການປະຕິບັດໂທດມາແລ້ວ 2 ສ່ວນ 3 ເຫັນວ່າພວກກ່ຽວເປັນຜູ້ທີມີຄວາມກ້າວໜ້າ ໃນການຝຶກຝົນຫຼໍ່ຫຼອມຕົນເອງ, ມີການປ່ຽນແປງທາງດ້ານທັດສະນະແນວຄິດ, ມີສະຕິຕື່ນຕົວປະຕິບັດຕາມລະບຽບກົດໝາຍຂອງຄ້າຍວາງອອກຢ່າງເຂັ້ມງວດ, ມີແນວຄິດກິນແໜ່ງແຄງໃຈຕໍ່ການກະທຳຜິດຂອງຕົນເອງໃນໄລຍະຜ່ານມາ, ມີຄວາມສາມັກຄີ ເປັນແບບ ຢ່າງໃຫ້ແກ່ນັກໂທດຮ່ວມກັນ, ມີຄວາມດຸໜັ່ນຫ້າວຫັ່ນໃນການອອກແຮງງານ ສະນັ້ນຈິງໄດ້ຮັບການປ່ອຍຕົວກ່ອນກຳນົດໂດຍມີເງື່ອນໄຂ ຕາມແນວທາງນະໂຍບາຍຂອງພັກ ລະບຽບກົດໝາຍຂອງລັດ.

ສະແດງຄຳຄິດເຫັນ