ແມ່ຕົກໃຈ ປ່ອຍລູກສາວໄປຫຼິ້ນຢູ່ທາງນອກ ລູກກັບມາພ້ອມຂອງຫຼິ້ນອັນໃໝ່ ແມ່ເຫັນເກືອບເປັນລົມ
ເວັບໄຊຫວຽດນາມແຫ່ງໜຶ່ງໄດ້ເປີດເຜີຍຮູບທີ່ແມ່ຄົນໜຶ່ງໄດ້ແບ່ງປັນລົງໃນສື່ອອນໄລ. ໂດຍບອກວ່າໃນເວລານັ້ນນາງກຳລັງຢືນຢູ່ໜ້າປະຕູລໍຖ້າລູກສາວຂອງຕົນຍ່າງກັບມາ. ແຕ່ເບິ່ງໄກໆ ຕົກຕະລຶງທີ່ພົບວ່າເດັກນ້ອຍລາກບາງສິ່ງບາງຢ່າງກັບມານຳ. ມັນລັກສະນະທີ່ຍາວຄືກັບເຊືອກ. ແຕ່ເມື່ອລູກຍ່າງເຂົ້າມາໃກ້ຊ່ຳໃດ ແມ່ກໍ່ອົດບໍ່ໄດ້ທີ່ຈະຕົກໃຈ ຕື່ນຂຶ້ນ ແລະ ຢ້ານຂຶ້ນ ເມື່ອເຫັນສິ່ງທີ່ລູກລາກມາຢ່າງຊັດເຈນ ປະກົດວ່າສິ່ງທີ່ລູກສາວ ກຳລັງກຳຢູ່ໃນມື ແລະ ລາກກັບບ້ານນຳກໍ່ແມ່ນງູ ງູທີ່ຕາຍແລ້ວ ບາງທີ່ລູກອາດພົບຂອງຫຼິ້ນໃໝ່ນີ້ ບໍລິເວນອ້ອມຮອບເຮືອນ ຢ່າງໃດກໍ່ຕາມບໍ່ໄທັນຮູ້ເຖິງຄວາມອັນຕະລາຍຂອງສັດຮ້າຍ ເດັກນ້ອຍຈຶ່ງບໍ່ຢ້ານ ກົງກັນຂ້າມກັບຜູ້ທີ່ເປັນແມ່, ເມື່ອເຫັນງູໂຕໃຫຍ່, ກໍ່ອົດບໍ່ໄດ້ທີ່ຈະຂົນລຸກດ້ວຍຄວາມຢ້ານ ທັນທີທີ່ຮູບພາບຊຸດນີ້ປາກົດຢູ່ໃນໂລກອອນໄລ. ກໍ່ໄດ້ຮັບຄວາມສົນໃຈຈາກຊາວເນັດທັນທີ. ເຮັດໃຫ້ຫຼາຍຄົນອົດຫົວບໍ່ໄດ້ໃນຄວາມໄຮ້ດຽງສາຂອງເດັກນ້ອຍ ນອກຈາກນີ້ີ ພໍ່ແມ່ຫຼາຍຄົນຍັງເຫັນອົກເຫັນໃຈຜູ້ເປັນແມ່ໃນເລື່ອງນີ້. ເພາະການເກີດລູກສາວບໍ່ຈຳເປັນຕ້ອງອ່ອນໂຍນສະເໝີໄປ ແລະ ໄຮ້ດຽງສາສະເໝີໄປແມ່ພຽງເບິ່ງງູກໍ່ຈະເປັນລົມແລ້ວ ແຕ່ເດັກນ້ອຍຖືມັນຢ່າງກ້າຫານ.ເຮັດໄດ້ແນວໃດກໍ່ບໍ່ຮູ້ ໃນອະນາຄົດໃຫຍ່ຂຶ້ນເດັກນ້ອຍຄົນນີ້ຈະຢ້ານບໍ່, ແຕ່ຕອນນີ້ ແມ່ ປ້າ ນ້າ ອາ ຢ້ານຈົນໜ້າມືດ ສຳລັບຄົນຢ້ານງູ ເຫັນຊາກງູໂຕນີ້ຕ້ອງຕົກໃຈ.
ອັນຕະລາຍ ໝໍແລັບເຕືອນອາກາດຮ້ອນ ຢ່າວາງນ້ຳອັດລົມໄວ້ໃນລົດ ເຮັດໃຫ້ລະເບີດແຮງກະຈົກແຕກ
ໝໍແລັບ ເຕືອນໄພອັນຕະລາຍຢູ່ໃກ້ຕົວ ວາງນ້ຳອັດລົມໄວ້ໃນລົດ ເຮັດໃຫ້ລະເບີດແຮງກະຈົກແຕກໃນວັນທີ 25 ພຶດສະພາ 2023, ທ່ານ ໝໍ ພາກພູມ ເດດຫັດສະດິນ ນັກເທັກນິກວິຊາການແພດທີ່ມີຊື່ສຽງໂດ່ງດັງ ປະກາດໃນໜ້າເຟສບຸກ ໝໍແລັບແພນດ້າ ເຕືອນໄພອັນຕະລາຍໃກ້ຕົວຈາກອາກາດຮ້ອນແບບນີ້. ຫ້າມລືມວາງນ້ຳອັດລົມທີ່ປິດຝາ ບໍ່ວ່າຈະເປັນແບບຂວດຫຼືກະປ໋ອງ, ມັນຈະເຮັດໃຫ້ເກີດຄວາມຮ້ອນ. ແຟນເພສສົ່ງມາໃຫ້ຂ້ອຍເບິ່ງ. ເມື່ອພົບກັບຄວາມຮ້ອນ ອາຍແກັສຢູ່ໃນກະປ໋ອງຂະຫຍາຍອອກແລະເຮັດໃຫ້ເກີດການລະເບີດ. ຕ້ອງການລ້າງລົດກັນໃໝ່ ຫຼືຖ້າບັງເອີນເອົາໄວ້ໃນໜ໊າກະຈົກລົດ ແຮງລະເບີດສາມາດເຮັດໃຫ້ກະຈົກລົດແຕກໄດ້ເລີຍ.” ຫຼັງຈາກໂພສດັ່ງກ່າວຖືກເຜີຍແຜ່ ມີຊາວເນັດຫຼາຍຄົນເຂົ້າມາອ່ານ ແລະ ແຊຣ໌. ເພື່ອເຕືອນໄພອັນຕະລາຍທີ່ບາງຄັ້ງອາດຈະລືມ ແລະຫຼາຍຄົນຍັງມາເພື່ອແລກປ່ຽນປະສົບການໂດຍກົງວ່າ ເມື່ອມັນແຕກ, ມັນກໍ່ຈະໜຽວໄປທົ່ວລົດ.
ເຫດຍິງໄວກາງຄົນເສຍຊີວິດ ປິດສະໜາຄາຂຸມທີ່ຂຸດເອົາມັນປ່າ
ເກີດເຫດປະຊາຊົນຊື່ ນາງພັນ ອາຊີບຫາເຄື່ອງປ່າຂອງດົງຂາຍ ເສຍຊີວິດຄາຂຸມທີ່ຂຸດເອົາມັນປ່າຢູ່ໃນສວນຂອງເພຶ່ອນບ້ານ ເມື່ອວັນທີ 25 ພຶດສະພາ 2023 ທີ່ຜ່ານມານີ້ ເວລາປະມານ 16:00 ໂມງ ຢູ່ບ້ານດອນໄຊ ເມືອງໄຊ ແຂວງອຸດົມໄຊ. ນາງພັນໄດ້ຂຸດຂຸມ ຫຼື ຮູ ເພື່ອເອົາມັນປ່າ, ຜູ້ກ່ຽວໄດ້ໝົ້ນເຂົ້່າໄປໃນຂຸມ ເຫັນແຕ່ຕີນພົ້ນອອກຈາກປາກຂູມ ແລະ ໄດ້ມີເດັກນ້ອຍເຫັນແລ້ວໄປເອີ້ນຜູ້ໃຫຍ່ມາຊ່ວຍກັນເອົາອອກຈາກຂູມ ແຕ່ນາງພັນໄດ້ເສຍຊີວິດໄປແລ້ວໄປ.ເຈົ້່າໜ້າທີ່ສັນນິຖານເບື້ອງຕົ້ນວ່ານາງພັນອາດອອກມາຈາກຂຸມບໍ່ໄດ້ແລ້ວຂາດອາກາດຫາຍໃຈ ຈຶ່ງເຮັດໃຫ້ເສຍຊີວິດ. ແຫຼ່ງຂໍ້ມູນ-ພາບ:MM News
ລາວ ແລະ ມາເລເຊຍ ຮ່ວມລົງນາມຊື້-ຂາຍພະລັງງານໄຟຟ້າ
ພິທີລົງນາມບົດບັນທຶກຊ່ວຍຈໍາ ວ່າດ້ວຍການຊື້-ຂາຍພະລັງງານໄຟຟ້າ ລະຫວ່າງ ລາວ ແລະ ມາເລເຊຍ ຈັດຂຶ້ນໃນວັນທີ 25 ພຶດສະພາ 2023 ທີ່ນະຄອນຫລວງວຽງຈັນ, ຮ່ວມລົງນາມໂດຍ ທ່ານ ຈັນທະບູນ ສຸກອາລຸນ ຜູ້ອໍານວຍການໃຫຍ່ ລັດວິສາຫະກິດໄຟຟ້າລາວ ແລະ ທ່ານ ດາໂຕະ ອິນເດຣາ ອິລ ບາຮາຣິນ ດິນ ປະທານສະພາບໍລິຫານ ບໍລິສັດ ທີເອັນບີ ພາວເວີ ເຈນເນີເຣຊັນ ປະເທດມາເລເຊຍ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານ. ໃນພິທີ, ທ່ານ ຈັນທະບູນ ສຸກອາລຸນ ໄດ້ໃຫ້ຮູ້ວ່າ: ການຮ່ວມລົງນາມຊື້-ຂາຍໄຟຟ້າ ລະຫວ່າງລາວ ແລະ ມາເລເຊຍ ໃນຄັ້ງນີ້, ໄດ້ກາຍເປັນຄູ່ຮ່ວມຍຸດທະສາດທາງທຸລະກິດດ້ານພະລັງງານ ລະຫວ່າງສອງບໍລິສັດ ໂດຍນໍາໃຊ້ແຫລ່ງພະລັງງານໝູນວຽນທີ່ປະເທດລາວມີທ່າແຮງ, ນອກຈາກ ເປັນຜູ້ສະໜອງພະລັງງານໃຫ້ບັນດາປະເທດໃກ້ຄຽງແລ້ວ, ສປປ ລາວ ຍັງມີວິໄສທັດໃນການຈັດຕັ້ງປະຕິບັດໝໍ້ ໄຟຟ້າແຫ່ງອາຊຽນ ດ້ວຍການຊື້-ຂາຍ ແລະ ແລກ ປ່ຽນໄຟຟ້າພາຍໃນພາກພື້ນອາຊຽນ. ປັດຈຸບັນ, […]
ເອກອັກຄະລັດຖະທູດແຫ່ງ ສປປ ລາວ ຍື່ນສານຕາຕັ້ງຕໍ່ ປະທານາທິບໍດີ ແຫ່ງ ຈໍເຈຍ Gorgia
ວັນທີ 19 ພຶດສະພາ 2023 ຜ່ານມານີ້ ທ່ານ ຄອນເພັງ ທຳມະວົງ ໄດ້ຍື່ນສານຕາຕັ້ງຕໍ່ ທ່ານ ນ. ຊາລົມເມ ຊູຣາບິສວິລີ (H.E. Salome Zourabichvili), ປະທານາທິບໍດີ ແຫ່ງ ຈໍເຈຍ ເພື່ອດຳລົງຕຳແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ປະຊາ ທິປະໄຕ ປະຊາຊົນລາວ ຄົນໃໝ່ປະຈຳ ຈໍເຈຍ, ຊຶ່ງມີສຳນັກງານຕັ້ງຢູ່ ນະຄອນຫຼວງວຽນ, ປະເທດ ໂອຕຣິດ. ພາຍຫຼັງສຳເລັດພິທີ, ທ່ານເອກອັກຄະລັດຖະທູດລາວຄົນໃໝ່ໄດ້ພົບປະໂອ້ລົມ ກັບພະນະທ່ານປະທານາທິບໍດີ, ຊຶ່ງສອງຝ່າຍໄດ້ຕີລາຄາສູງຕໍ່ການພົວພັນທີ່ດີລະ ຫວ່າງ ສປປ ລາວ ແລະ ຈໍເຈຍ ທີ່ມີມາແຕ່ດົນນານນັບຕັ້ງແຕ່ສອງປະເທດ ໄດ້ສ້າງຕັ້ງສາຍພົວພັນການທູດນຳກັນ ໃນວັນທີ 6 ພະຈິກ 1998 ເປັນຕົ້ນມາ, ໂດຍຜ່ານມາ ແລະ ປະຈຸບັນສອງປະເທດ ໄດ້ມີຄວາມພະຍາຍາມ ເສີມຂະຫຍາຍສາຍພົວພັນ ແລະ ການຮ່ວມມື ຢູ່ໃນເວທີພາກພື້ນ […]
ດວງລາຍວັນປະຈໍາວັນສຸກ ທີ 26 ພຶດສະພາ 2023 ຕາມແຕ່ລະວັນເກີດ
ຄົນເກີດວັນອາທິດ:ການງານຈະເຮັດທຸລະກິດຫຍັງກໍໄດ້ຮັບຜົນກຳໄລທີ່ດີ ການເງິນໂຊກດີຈະມີຜູ້ອຸປະຖຳ ທາງດ້ານການເງິນ ຄວາມຮັກກຳລັງວາງແຜນທີ່ຈະໃຊ້ຊີວິດຄູ່ຮ່ວມກັນກັບຄົນຮັກ ເຄື່ອງມຸງຄຸນເງິນ ສີມຸງຄຸນສີແດງ ເລກນຳໂຊກ8 ຄົນເກີດວັນຈັນ:ການງານລະວັງຈະເຮັດວຽກເກີດຄວາມຜິດພາດ ການເງິນໂຊກດີຈະໄດ້ເງິນເຂົ້າມາແບບບໍ່ຄາດຝັນ ຄວາມຮັກເກີດຄວາມຫ່າງເຫີນເພາະບໍ່ມີເວລາໃຫ້ກັບຄົນຮັກ ເຄື່ອງມຸງຄຸນແຫວນຄໍາ ສີມຸງຄຸນສີແດງ ເລກນຳໂຊກ9 ຄົນເກີດວັນອັງຄານ:ການງານເຮັດທຸລະກິດດ້ານຊັບສິນຈະໄດ້ຜົນກຳໄລດີ ການເງິນມີໂຊກຈະໄດ້ເງິນແບບບໍ່ທັນຕັ້ງໂຕ ເຂົ້າມາໃນໄວໆນີ້ ຄວາມຮັກຍັງຮັກສາຄວາມສຳພັນແບບເປັນໝູ່ເພື່ອນກັນໄປກ່ອນ ເຄື່ອງມຸງຄຸນໄຂ່ມຸກ ສີມຸງຄຸນສີດໍາ ເລກນຳໂຊກ3 ຄົນເກີດວັນພຸດ:ການງານໄດ້ເງິນມາລົງທຶນເຮັດທຸລະກິດໃໝ່ຊຶ່ງເປັນສິ່ງທີ່ທ່ານມັກເປັນພິເສດ ການເງິນຈະພົບເລື່ອງເສຍຊັບໂດຍບໍ່ທັນຕັ້ງໂຕເຂົ້າມາໃຫ້ເຈັບຫົວ ຄວາມຮັກຈະພົບຄົົນທີ່ມີບຸກຄະລິກລັກສະນະທີ່ດີ ເຂົ້າກັບທ່ານໄດ້ ເຄື່ອງມຸງຄຸນເງິນ ສີມຸງຄຸນສີແດງ ເລກນຳໂຊກ6 ຄົນເກີດວັນພະຫັດ:ການງານພົບໂອກາດ ແລະ ຄວາມກ້າວຫນ້າທີ່ດີໃນດ້ານການງານ ການເງິນມີໂຊກຈະໄດ້ເງິນເພາະດວງຂອງທ່ານຢູ່ໃນເກນທີ່ດີ ຄວາມຮັກຄວາມສຳພັນຢູ່ໃນເກນທີ່ລົງຕົວ ເຄື່ອງມຸງຄຸນຄໍາຝຣັ່ງ ສີມຸງຄຸນສີດໍາ ເລກນຳໂຊກ3 ຄົນເກີດວັນສຸກ:ການງານສາມາດສ້າງຜົນງານໄດ້ໂດດເດັ່ນໃນເລື່ອງການເຈລະຈາ ການເງິນ ຜູ້ໃຫຍ່ຈະອຸປະຖຳທາງດ້ານການເງິນໃນໄລຍະນີ້ ຄວາມຮັກມີຄວາມສຸກໃນຊີວິດຮັກເປັນໄລຍະທີ່ດີຫຼາຍ ເຄື່ອງມຸງຄຸນ ຫິນນໍາໂຊກສີແດງ ສີມຸງຄຸນສີບົວ ເລກນຳໂຊກ3 ຄົນເກີດວັນເສົາ:ການງານຈະຂະຫຍາຍທຸລະກິດເພີ່ມປະສົບຜົນສຳເລັດ ການເງິນຈະໄດ້ເງິນເຂົ້າມາຢ່າງຕໍ່ເນື່ອງ ແລະ ກໍຈະມີລາຍຈ່າຍຢ່າງຕໍ່ເນື່ອງ ຄວາມຮັກມີໂອກາດຈະພົບຄູ່ຄອງ ເປັນເນື້ອຄູ່ຂອງທ່ານກໍເປັນໄປໄດ້ ເຄື່ອງມຸງຄຸນ ຄໍາ ສີມຸງຄຸນສີແດງ ເລກນຳໂຊກ8
ເຈົ້າສາວແປກໃຈວ່າເຈົ້າບ່າວໜີງານແຕ່ງ ສຸດທ້າຍນຳຈົນເຈິ ລາກເຈົ້າບ່າວກັບຄືນສູ່ພິທີ ພ້ອມນັ່ງຄໍຕົກ ແລະ ເລົ່າຄຳສາບານ
ຂ້ອຍຈະຊອກຫາເຈົ້າໃຫ້ເຈິ! ເຈົ້າສາວອິນເດຍໃນຊຸດຈັດເຕັມ ນຳຊອກຫາເຈົ້າບ່າວຫນີງານແຕ່ງ, ໜີໄປປະມານ 20 ກິໂລແມັດ, ແລະລາກກັບໄປເຮັດພິທີສາບານໃນພິທີແຕ່ງດອງ ບໍ່ຍອມໄປຮັນນິມູນຄົນດຽວເດັດຂາດ. ຕາມການລາຍງານຂອງ indiatoday, ພົບວ່າເຫດການດັ່ງກ່າວໄດ້ເກີດຂຶ້ນໃນລັດ Uttar Pradesh. ປະເທດອິນເດຍ ຍິງຊາຍຄູ່ໜຶ່ງໄດ້ມີການພົວພັນກັນມາດົນກວ່າສອງປີ. ໃນສຸດທ້າຍມື້ແຕ່ງງານໄດ້ຖືກກໍານົດຂຶ້ນຫຼັງຈາກການເຈລະຈາລະຫວ່າງຄອບຄົວ, ຢ່າງໃດກໍຕາມ, ໃນມື້ແຕ່ງງານ, ເຈົ້າບ່າວບໍ່ມາປາກົດຕົວຈັກເທື່ອ. ເຈົ້າສາວທີ່ແຕ່ງຕົວແບບຈັດເຕັມ ລໍຖ້າເຈົ້າບ່າວດົນກໍ່ບໍ່ເຫັນມາຈັກເທື່ອ ຈົນສຸດທ້າຍ, ມີຄວາມແປກໃຈເລີຍຕັດສິນໃຈໂທຫາ. ແຕ່ເຈົ້າບ່າວໄດ້ແກ້ຕົວວ່າຈະໄປຮັບແມ່ເຂົ້າຮ່ວມພິທີແຕ່ງງານ. ທັນທີທີ່ເຕົ້າສາວໄດ້ຍິນ, ກໍ່ເລີຍສົງໃສວ່າເຈົ້າບ່າວກໍາລັງວາງແຜນທີ່ຈະຫນີງານແຕ່ງງານ. ເຈົ້າສາວເລີຍບໍ່ລັງເລ, ເລີຍນຳຊອກຫາເຈົ້າບ່າວຢ່າງດ່ວນ ຈົນໃນທີ່ສຸດກໍ່ຊອກຫາເຈົ້າບ່າວເຫັນ ໃນຂະນະທີ່ກຳລັງຈະຂຶ້ນລົດເມໃກ້ກັບສະຖານີຕຳຫຼວດ. ເຊິ່ງຫ່າງຈາກສະຖານທີ່ຈັດງານແຕ່ງດອງປະມານ 20 ກິໂລແມັດ, ແລະໄດ້ເກີດມີປາກສຽງກັນຢູ່ກາງຖະໜົນລະຫວ່າງສອງຄົນ. ກ່ອນທີ່ເຈົ້າສາວຈະພາເຈົ້າບ່າວກັບຄືນໄປບ່ອນປະຕິບັດຄຳປະຕິຍານໃນງານແຕ່ງດອງ ການແຕ່ງງານຂອງທັງສອງແມ່ນດຳເນີນໄປຢ່າງເຄັ່ງຄຽດ ຕໍ່ໜ້າທັງສອງຄອບຄົວ.
ສາວຈັບໄດ້ແຟນນອກໃຈ ບໍ່ໂວຍວາຍ ແຖມໄປເຄຍກັບກິກໃຫ້ ເຜີຍເຫດພ້ອມຮັບໄດ້ຮັກກັນ 3 ຄົນ
“ບຸກຄົນທີສາມ” ຜູ້ທີ່ເຂົ້າມາໃນຄວາມສໍາພັນຂອງຄູ່ຮັກ ບໍ່ວ່າຈະເປັນຊາຍຫຼືຍິງ, ມັກຈະເປັນຜູ້ທີ່ຖືກປະນາມຈາກສັງຄົມແລະຄວາມເຮັດໃຫ້ຄຽດແຄ້ນຢູ່ສະເຫມີ. ເພາະຕາມມາດຕະຖານຂອງສັງຄົມທີ່ຄົນສ່ວນຫຼາຍຍຶດໝັ້ນ ຄົນດີຈະບໍ່ຫລິ້ນຊູ້ ຫຼື ທໍລະຍົດຄົນຮັກຂອງຕົນ, ແນວໃດກໍ່ຕາມ, ເມື່ອບໍ່ດົນມານີ້, ມີເລື່ອງລາວຂອງຜູ້ຍິງຊາວເວເນຊູເອລາຄົນໜຶ່ງ ທີ່ເຮັດໃຫ້ຫຼາຍຄົນປະຫລາດໃຈກັບທັດສະນະຂອງນາງກ່ຽວກັບ “ບຸກຄົນທີສາມ” Sophia, ຍິງສາວຈາກປະເທດເວເນຊູເອລາ ຫຼັງຈາກໂພສຮູບພາບທີ່ຂ້ອນຂ້າງລ່າເລິງຂອງນາງ ແລະ ຍິງອີກຄົນໜຶ່ງລົງໃນເຟສບຸກ. ພ້ອມແທັກຊື່ ແລະ ລະບຸຢ່າງຊັດເຈນວ່າສາວຄົນນັ້ນເປັນກິກຂອງແຟນຂອງຕົນເອງ ປະກາດວ່ານາງໄດ້ຍອມຮັບຄວາມຈິງທີ່ວ່າ “ແຟນຂອງຂ້ອຍກໍ່ເປັນແຟນຂອງເຈົ້າຄືກັນ,” ເພາະວ່ານາງຄົ້ນພົບວ່າຜູ້ຍິງຄົນນີ້ດູແລແຟນຂອງນາງແບບທີ່ນາງເຮັດບໍ່ໄດ້. ໃນໂພສໄດ້ເວົ້າວ່າ ຂ້ອຍພົບວ່າແຟນຂ້ອຍນອກໃຈ ເມື່ອເຫັນຂໍ້ຄວາມໃນ WhatsApp ຢ່າງໃດກໍ່ຕາມແທນທີ່ຈະສະແດງຄວາມໃຈຮ້າຍ ຕໍ່ສູ້ກັບຄວາມຫຶງຫວງ ຫຼືຖາມຄວາມເປັນຈິງກັບຄົນຮັກ ແຕ່ຂ້ອຍເລືອກທີ່ຈະສື່ສານກັບກິກຂອງແຟນ ແບບງຽບໆ ແລະສຸດທ້າຍກໍ່ກາຍມາເປັນໝູ່ທີ່ດີຕໍ່ກັນ “ນາງມັກສົ່ງຂໍ້ຄວາມ WhatsApp ໃຫ້ແຟນຂ້ອຍຢູ່ສະເໝີ, ເຊິ່ງເຮັດໃຫ້ລາວຮູ້ສຶກໄດ້ຮັບຄວາມຮັກ. ແລະນັ້ນແມ່ນມີມູນຄ່າຫຼາຍກວ່າສິ່ງໃດແດ່ສໍາລັບຂ້ອຍ. ເນື່ອງຈາກວ່າຂ້ອຍໄປຫາແຟນຂ້ອຍບໍ່ໄດ້ ແຕ່ຍິງຄົນນັ້ນຈະຢູ່ບ່ອນນັ້ນ ແລະ ໃຊ້ເວລາຮ່ວມກັບແຟນຂ້ອຍ ໃຫ້ຄວາມຮັກທັງໝົດແກ່ແຟນຂ້ອຍ ຕາມທີ່ລາວສົມຄວນຈະໄດ້ຮັບ ຢ່າງໃດກໍຕາມ, ຂໍ້ຄວາມຂອງນາງໄດ້ຖືກວິພາກວິຈານຢ່າງຮຸນແຮງຈາກຄົນທາງອອນໄລນ໌. ພາຍຫຼັງຈາກການໂພດບໍ່ເທົ່າໃດນາທີ, ກາຍເປັນກະແສ ແລະມີຊາວເນັດຫຼາຍກວ່າ 2,600 ຄົນສະແດງຄວາມຄິດເຫັນ. ແລະມີຊາວເນັດຫຼາຍຄົນຂໍໃຫ້ໂຊເຟຍເປີດເຜີຍໃບຫນ້າຂອງແຟນໜຸ່ມທີ່ “ໂຊກດີ” ຄົນນັ້ນ, […]
ເມຍຕົກໃຈ! ເປີດປະຕູມາເຈິຂອງຂວັນວັນເກີດອັນໃຫຍ່ຈາກຜົວແລະລູກ ມີເງິນເປັນພັນລ້ານກໍ່ບໍ່ສາມາດຊື້ມັນໄດ້
ຜົວຈັດເຊີໄພ້ໃຫຍ່ ໃຫ້ຂອງຂວັນວັນເກີດກັບເມຍ ເຮັດໃຫ້ສາວໆຫຼາຍຄົນອິດສາ ເພາະມີເງິນຫຼາຍພັນລ້ານກໍ່ບໍ່ສາມາດຊື້ໄດ້ ໄດ້ກາຍເປັນໂພສທີ່ຮືຮາ ໃນໂລກໂຊຊ້ຽວ ຂອງຫວຽດນາມ. ຫຼັງຈາກເມຍໄດ້ເປີດປະຕູເຂົ້າເຮືອນມາ ເຈິເຊີໄພ້ໃຫ່ຍ. ເມື່ອເຫັນຂອງຂວັນອັນໃຫຍ່ຈາກຜົວແລະລູກຊາຍນ້ອຍຢູ່ກາງເຮືອນ ເຮັດໃຫ້ຊາວເນັດຫຼາຍຄົນຊົມເຊີຍແລະອິດສາ. ເພາະວ່າການມີເງິນພັນລ້ານກໍ່ບໍ່ສາມາດຊື້ຂອງຂວັນນີ້ໄດ້ແນ່ນອນ. ບໍ່ດົນມານີ້, ຄອບຄົວນ້ອຍໆ ຄອບຄົວຫນຶ່ງ ຜົວບໍ່ຮູ້ວ່າຈະເອົາຂອງຂວັນວັນເກີດຫັຍງໃຫ້ເມຍຂອງລາວ. ສະນັ້ນ ລາວຈຶ່ງກຽມດອກກຸຫຼາບແດງ. ແລະເຈ້ຍຫໍ່ຂອງຂວັນ ຫໍ່ຕົວເອງແລະລູກຊາຍນ້ອຍເປັນຂອງຂວັນອັນໃຫຍ່. ໜຸ່ມໄດ້ໂພສຮູບ ແລະ ຂໍ້ຄວາມລະບຸວ່າ: ວັນເກີດຂອງແມ່, ພໍ່ກັບລູກບໍ່ຮູ້ຈະຊື້ຫຍັງໃຫ້ແມ່, ຈຶ່ງຈັດຊໍ່ດອກໄມ້ນ້ອຍໆ. ມາສະແດງຄວາມຍິນດີກັບແມ່ ຂໍໃຫ້ເຈົ້າມີຄວາມສຸກ, ສວຍງາມ, ແລະຢ່າດ່າພໍ່ແລະລູກຫຼາຍ.”ຂໍ້ຄວາມດັ່ງກ່າວໄດ້ແຜ່ລາມຢ່າງໄວວາແລະເຮັດໃຫ້ແມ່ຍິງຫຼາຍຄົນອິດສາເມຍຂອງຜູ້ຊາຍຄົນນີ້.
ເຈົ້າແຂວງຄຳມ່ວນມອບພາຫະນະຮັບໃຊ້ໃຫ້ ປກສ ແຂວງ
ເມື່ອບໍ່ດົນມານີ້, ທ່ານ ວັນໄຊ ພອງສະຫວັນ ເຈົ້າແຂວງໆຄຳມ່ວນ ພ້ອມຄະນະ ມອບພາຫະນະ ລົດຈັກ ຍີ່ຫໍ Yamaha R 15 ຈຳນວນ 3 ຄັນ ລວມມູນຄ່າ 120 ລ້ານກວ່າກີບ ໃຫ້ກອງບັນຊາການ ປ້ອງກັນຄວາມສະຫງົບ (ປກສ) ແຂວງຄຳມ່ວນ ເພື່ອປະກອບສ່ວນຮັບໃຊ້ວຽກງານວິຊາສະເພາະ ແລະ ເພື່ອອຳນວຍຄວາມສະດວກ ໃຫ້ກຳລັງ ປກສ ທັງເປັນການປະກອບສ່ວນ ໃນການຈັດຕັ້ງ ປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຢູ່ແຂວງຄຳມ່ວນ ໃຫ້ດໍາເນີນໄປຢ່າງມີປະສິດທິຜົນ. ຕາງໜ້າຮັບເຄື່ອງຊ່ວຍເຫຼືອຄັ້ງນີ້ ໂດຍທ່ານ ພັອ ທິບພະຈັນ ໂພໄຊ ຫົວໜ້າກອງບັນຊາການ ປກສ ແຂວງຄຳມ່ວນ. ການມອບລົດຈັກໃນຄັ້ງນີ້ ແລະ ຈະໄດ້ນຳໃຊ້ເຂົ້າໃນວຽກງານປ້ອງກັນຄວາມສະຫງົບ ຂອງກຳລັງປ້ອງກັນເຄື່ອນທີ່ ໃຫ້ເກີດປະໂຫຍດສູງສຸດ ແນໃສ່ເຮັດໃຫ້ສັງຄົມມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ. ທີ່ມາ ຂປລ