ກົມອຸຕຸນິຍົມ ແລະ ອຸທົກກະສາດ ແຈ້ງເຕືອນມາຍັງປະຊາຊົນບັນດາເຜົ່າ ໃນແຕ່ລະພາກ ລວມທັງ ນະຄອນຫຼວງວຽງຈັນ ຈົ່ງມີສະຕິລະມັດລະວັງ ແລະ ກຽມພ້ອມຮັບມືຕໍ່ສະພາບຝົນຕົກໜັກຕິດຕໍ່ກັນຫຼາຍວັນ ທີ່ຈະເຮັດໃຫ້ມີດິນເຈື່ອນ, ນໍ້າຖ້ວມຊຸ, ນໍ້າຖ້ວມຍື່ງ ແລະ ນໍ້າຖ້ວມອັ່ງ ໃນຕົວເມືອງ ໃນໄລຍະທີ 24 ຫາ 27 ກັນຍາ 2025 ນີ້.

ເນື່ອງຈາກພາຍຸໄຕ້ຝຸ່ນລາກາຊາ (Ragasa) ຫົວທີ 18 ປະຈໍາປີ 2025, ກໍາລັງເຄື່ອນທີ່ຂ້າມພາກເໜືອຂອງທະເລຈີນໃຕ້ ແລະ ຈະຄ່ອຍໆເຂົ້າຝັ່ງ ກວາງຕຸ້ງ ສປ ຈີນ ໃນຕອນຄໍ່າມື້ນີ້ ຈາກນັ້ນຈະສືບຕໍ່ເຄື່ອນທີ່ໄປທາງທິດຕາເວັນຕົກ ແລະ ມີທ່າອ່ຽງຈະອ່ອນກໍາລັງລົງ ແລະ ຈະເຄື່ອນຂື້ນແຄມຝັ່ງທາງພາກເໜືອຂອງ ສສ ຫວຽດນາມ.

ຈາກນັ້ນ ພາຍຸຫົວນີ້ ຈະສືບຕໍ່ອ່ອນກໍາລັງລົງຕາມລໍາດັບ ແລະ ຈະເຄື່ອນທີ່ຜ່ານພາກເໜືອດ້ານຕາເວັນອອກ ລົງຫາ ພາກກາງ ແລະ ພາກໃຕ້ ຂອງ ສປປ ລາວ, ພ້ອມດຽວກັນລົມມໍລະສຸມຕາເວັນຕົກສ່ຽງໃຕ້ ທີ່ມີກຳລັງແຮງຈະພັດປົກຄຸມເປັນສ່ວນໃຫ່ຍ, ຊຶ່ງຈະເຮັດໃຫ້ມີຝົນຕົກ ໃນລະດັບຄ່ອຍ ຫາ ຕົກປານກາງ ຢູ່ທົ່ວໄປໃນແຕ່ລະພາກ ແລະ ຈະມີຝົນຕົກໜັກ ພ້ອມຈະມີລົມພັດແຮງຢູ່ບາງທ້ອງຖິ່ນ ເຊັ່ນ: ແຂວງຜົ້ງສາລີ, ຫົວພັນ, ຊຽງຂວາງ, ນະຄອນຫຼວງວຽງຈັນ, ໄຊສົມບູນ, ວຽງຈັນ, ບໍລິຄໍາໄຊ, ຄໍາມ່ວນ, ສະຫວັນນະເຂດ, ສາລະວັນ, ປາກເຊ, ເຊກອງ ແລະ ອັດຕະປື.

ທີ່ມາ: vientiane times

ສະແດງຄຳຄິດເຫັນ