ດວງ-Tou-Vientianepost - 2023-06-01T213547.137
ຍິງລາວຜູ້ເຄາະຮ້າຍ ຖືກຕົວະໄປເຮັດວຽກຢູ່ໄທ 17 ປີບໍ່ໄດ້ຮອດຄ່າຈ້າງ ແຖມບໍ່ໃຫ້ອອກໄປໃສ
ຮຽບຮຽງໂດຍ:Staff
ເຜີຍແຜ່: 1 June, 2023
ໝວດ: ຂ່າວ

ຜູ້ເຄາະຮ້າຍ ອາຍຸ 32 ປີ ປະຊາຊົນເມືອງເລົ່າງາມ ແຂວງສາລະວັນ ໄດ້ພົບກັບຄອບຄົວເປັນຄັ້ງທຳອິດ ໃນຮອບ 17 ປີ ພາຍຫຼັງທີ່ຕົກເປັນເຫຍື່ອຂອງນາຍໜ້າຄ້າແຮງງານລາວ-ໄທ ຕົວະໄປເຮັດວຽກຢູ່ບາງກອກ ປະເທດໄທ ຕັ້ງແຕ່ອາຍຸຍັງບໍ່ທັນຮອດ 15 ປີ ຢູ່ໃນເຮືອນຫຼັງໜຶ່ງ ໃນຖານະເປັນຄົນໃຊ້ ຢູ່ປະເທດໄທ ໂດຍທີ່ນາຍຈ້າງບໍ່ໄດ້ໃຫ້ຄ່າຈ້າງເລີຍ.

ໃນວັນທີ 23 ພຶດສະພາ 2023 ທີ່ດ່ານສາກົນວັງເຕົ່າ ເມືອງໂພນທອງ ແຂວງຈຳປາສັກ: ທາງການໄທໄດ້ສົ່ງມອບຕົວເຫຍື່ອຂອງນາຍໜ້າຄ້າແຮງງານ ໃຫ້ກັບເຈົ້າໜ້າທີ່ຂອງແຂວງຈຳປາສັກ ແລະ ແຂວງສາລະວັນ, ພ້ອມນີ້ ທາງການໄທກໍໄດ້ມອບເງິນຊ່ວຍເຫຼືອໃນການດຳເນີນຄະດີ ແລະ ຈາກການປັບໄໝນາຍຈ້າງ ຈຳນວນ 180.000 ບາດ ໃຫ້ຜູ້ກ່ຽວນຳໄປໃຊ້ສ້າງຊີວິດໃໝ່ ຢູ່ບ້ານເກີດ.

ຕາງໜ້າກົມສະຫວັດດີການ ແລະ ຄຸ້ມຄອງແຮງງານ ບາງກອກ ປະເທດໄທ ໄດ້ໃຫ້ສຳພາດວ່າ: ທາງການໄທກໍໄດ້ປະສານງານກັບສຳນັກງານສະວັດດີການແຂວງອຸບົນ ເພື່ອໃຫ້ເປັນໂຕແທນ ມອບເງິນທີ່ໄດ້ຮຽກຮ້ອງຈາກນາຍຈ້າງ ຈຳນວນ 180.000 ບາດ ເຊິ່ງນາຍຈ້າງກໍເອົາເງິນມາຈ່າຍ ເພື່ອສົ່ງມອບໃຫ້ກັບລູກຈ້າງ.

ການຊ່ວຍເຫຼືອໄດ້ເກີດຂຶ້ນໃນວັນທີ 13 ມີນາ 2023 ໂດຍເຈົ້າໜ້າທີ່ຈາກພາກສ່ວນແຮງງານຈາກ ສປປ ລາວ, ອົງການສາກົນ ແລະ ຕຳຫຼວດ ໄດ້ນຳໝາຍຄົ້ນ ເພື່ອໄປຊ່ວຍລູກຈ້າງຢູ່ໃນເຮືອນທີ່ເຮັດວຽກຢູ່ ຫຼັງຈາກເຈົ້າໜ້າທີ່ໄທໄດ້ຮັບແຈ້ງຈາກຍາດພີ່ນ້ອງຜູ້ເຄາະຮ້າຍທີ່ຢູ່ ສປປ ລາວ ວ່າ ຜູ້ກ່ຽວໄດ້ເຮັດວຽກຢູ່ເຮືອນຫຼັງດັ່ງກ່າວເປັນເວລາດົນແລ້ວ ນາຍຈ້າງບໍ່ໃຫ້ຄ່າຈ້າງ ແລະ ບໍ່ສາມາດອອກຈາກເຮືອນຫຼັງນັ້ນໄດ້ ນອກຈາກຈະຖືກຕົວະໄປເຮັດວຽກຢູ່ໄທແຕ່ຍັງນ້ອຍແລ້ວ ກໍຍັງຖືກກັກຕົວຢູ່ແຕ່ໃນເຮືອນຕະຫຼອດໄລຍະ 17 ປີ.

ເຖິງຢ່າງໃດກໍຕາມ ປັດຈຸບັນ ຜູ້ເຄາະຮ້າຍຄົນດັ່ງກ່າວກໍໄດ້ກັບຄືນປະເທດແລ້ວ ແຕ່ມູນນິທິເຄືອຄ່າຍສົ່ງເສີມ ຄຸນນະພາບຊີວິດແຮງງານ ທີ່ມີສ່ວນສຳຄັນໃນການຊ່ວຍເຫຼືອໃນຄັ້ງນີ້ກໍຍັງມີຄວາມເປັນຫ່ວງຕໍ່ກັບການໃຊ້ຊີວິດຂອງຜູ້ເຄາະຮ້າຍຄົນນີ້ ຍ້ອນຜູ້ກ່ຽວໄດ້ຖືກພາມາເຮັດວຽກແຕ່ຍັງນ້ອຍ ແລະ ຖືກກັກບໍ່ໃຫ້ອອກໄປໃສ ບໍ່ເຄີຍຈັບເງິນ ຈຶ່ງຕ້ອງກັງວົນເລື່ອງການປັບຕົວເມື່ອຢູ່ກັບສັງຄົມ.

ທີ່ມາ RFA Lao

ສະແດງຄຳຄິດເຫັນ

ອັດຕາແລກປ່ຽນ 
ປະຈຳວັນທີ Tuesday, 29 July, 2025
ສະກຸນເງິນ
ຊື້
ຂາຍ
united-states
USD
21,417
21,693
thailand (1)
THB
660.53
670.70
european-union
EUR
24,119
24,602
china
CNY
2,913
2,971
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ 
ປະຈຳວັນທີ Thursday, 27 March, 2025
ຊະນິດນ້ຳມັນ
ລາຄາ
28,230
22,560
18,370
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ 
ປະຈຳວັນທີ Wednesday, 11 June, 2025
ປະເພດ
ລາຄາຊື້
ລາຄາຂາຍ
34,990,000
35,520,000
34,640,000
35,629,000
ຂໍ້ມູນຈາກ: ຮ້ານຄຳພູວົງ
ຂ່າວມາໃໝ່ 
pele - 2025-07-29T111810.940
ໂຮງຮຽນ ຫຼວງປະເສີດ ບັນລຸຜົນສຳເລັດການຮຽນການສອນ ພ້ອມຄວ້າ 4 ຫຼຽນຄຳ ຈິນຕະຄະນິດ ຕາເວັນອອກສ່ຽງເໜືອ
_cover - 2025-07-29T105511.468
ແຈ້ງການມອດໄຟເພີ່ມຕື່ມ ວັນທີ 29, 30 ແລະ 31 ກໍລະກົດ 2025
_cover - 2025-07-29T104537.511
ກອງທັບພາກ 2 ຂອງໄທ ເປີດເຜີຍ ກຳປູເຈຍ ລະເມີດຂໍ້ຕົກລົງຢຸດຍິງ ພົບ ຍັງກໍ່ກວນ-ໂຈມຕີໄທຫຼາຍພື້ນທີ່
pele - 2025-07-29T095813.795
ຄໍາມ່ວນ-ກວາງຈີ ຫາລື “ອຸທິຍານແຫ່ງຊາດຟອງຍາ-ແກບາງ ແລະ ອຸທິຍານແຫ່ງຊາດຫິນໜາມໜໍ່”
_cover - 2025-07-29T095404.830
ຄວາມສຳຄັນຂອງການປ່ຽນແປງ ແລະ ການພັດທະນາບັດປະຈຳຕົວປະຊາຊົນ ໃຫ້ມີຄວາມທັນສະໄໝ ເພື່ອກ້າວເຂົ້າສູ່ຍຸກດິຈິຕ໋ອນ
_cover - 2025-07-29T092903.536
ຮຸນ ເຊັນ ໂພສຊົມເຊີຍ ໂດນາລ ທຣຳ ຊຸກຍູ້ຢຸດຍິງ ຊ່ວຍຊີວິດຄົນນັບບໍ່ຖ້ວນ
pele - 2025-07-28T163326.372
ທ່ານ ລມຕ ກະຊວງກະສິກໍາ ແລະ ສິ່ງແວດລ້ອມ ເຄື່ອນໄຫວຊຸກຍູ້ວຽກງານຢູ່ແຂວງຄຳມ່ວນ
_cover - 2025-07-28T162042.495
ເລີ່ມແລ້ວ ກອງປະຊຸມໄກ່ເກ່ຍ ຂໍ້ຕົກລົງຢຸດຍິງ ໃນຂໍ້ຂັດແຍ້ງຊາຍແດນໄທ-ກຳປູເຈຍ ໄດ້ຈັດຂຶ້ນໃນມາເລເຊຍ.
_cover - 2025-07-28T153809.249
ສປປ ລາວ ສະເຫຼີມສະຫຼອງຄົບຮອບ 58 ປີ ແຫ່ງການສ້າງຕັ້ງອາຊຽນ ແລະ ຄົບຮອບ 28 ປີ ສປປ ລາວ ເຂົ້າເປັນສະມາຊິກອາຊຽນ
pele - 2025-07-28T152913.912
ໃນ 6 ເດືອນຕົ້ນປີ ເສດຖະກິດຂອງແຂວງວຽງຈັນຂະຫຍາຍຕົວໃນລະດັບ 3.8%, ຄິດເປັນມູນຄ່າລາຄາໃນປີ 9,065 ຕື້ກີບ, ເທົ່າກັບ 68.18% ຂອງແຜນການ
ຢ່າລື່ມກົດຕິດຕາມ