ໃນວັນທີ 25 ກັນຍາຜ່ານມາ ທີ່ຫ້ອງວ່າການແຂວງຄໍາມ່ວນ, ບັນດາບໍລິສັດຫ້າງຮ້ານ ໄດ້ມອບເງິນອຸປະຖໍາກອງປະຊຸມໃຫຍ່ ຜູ້ແທນອົງຄະນະພັກແຂວງຄໍາມ່ວນ ຄັ້ງທີ XI ທີ່ຈະໄຂຂຶ້ນໃນລະຫວ່າງວັນທີ 29-30 ກັນຍາ 2025 ທີຈະມາເຖິງນີ້, ປະກອບມີ: ບໍລິສັດ ຮຸ່ງເຮັງ ຂາອອກ-ຂາເຂົ້າ ຈໍາກັດ ຈຳນວນ 100 ລ້ານກີບ, ບໍລິສັດ ເພັດສະໜອນກໍ່ສ້າງ ເຄຫາສະຖານ, ຂົວທາງ, ຊົນລະປະທານ ຈໍາກັດ ຜູ້ດຽວ 50 ລ້ານກີບ, ບໍລິສັດ ໂຊກໄຊຊັບ ກໍ່ສ້າງ-ຂົວທາງ ຈໍາກັດຜູ້ດຽວ 30 ລ້ານກີບ, ບໍລິສັດ ຟູ່ເປົາ ມາຍນິ້ງ ຈຳກັດຜູ້ດຽວ 20 ລ້ານກີບ, ບໍລິສັດ ເອັສເອັສ ສໍາຫຼວດອອກແບບກໍ່ສ້າງຂົວທາງ ແລະ ຊົນລະປະທານ ຈໍາກັດ 10 ລ້ານກີບ, ບໍລິສັດ ສະກາຍສະຕຣິດ ໂອໂປເລເຊີນ 10 ລ້ານກີບ ແລະ ບໍລິສັດ ປຸງແຕ່ງແຮ່ທາດນັກຮົບເກົ່າ ຈໍາກັດ 5 ລ້ານກີບ.

ຮັບໂດຍ ທ່ານ ນາງ ບັງອອນ ໄຊຍະສິດ ຮອງປະທານສະພາປະຊາຊົນແຂວງ ຫົວໜ້າອະນຸກຳມະການເສດຖະກິດ ກອງປະຊຸມໃຫຍ່ ຜູ້ແທນອົງຄະນະພັກແຂວງຄໍາມ່ວນ ຄັ້ງທີ XI, ໂດຍການເຂົ້າຮ່ວມເປັນສັກຂີພະຍານຂອງ ທ່ານ ແກ້ວອຸດອນ ບຸດສິງຂອນ ຮອງເຈົ້າແຂວງຄຳມ່ວນ ແລະ ພາກສ່ວນທີ່ກ່ຽວຂ້ອງ.

(ຂ່າວ: ມະນີວັນ)

ສະແດງຄຳຄິດເຫັນ