ສາວທັບນັກກິລາບານບ້ວງລໍ້ເລື່ອນຄົນພິການທີມຊາດລາວ ປະເດີມຫຼຽນທອງ ທຳອິດໃຫ້ທັບນັກກິລາຄົນພິການລາວແລ້ວ ຫຼັງຈາກໄລ່ເອົາຊະນະ ນັກກິລາບານບ້ວງລໍ້ເລື່ອນຄົນພິການຍິງທີມຊາດ ຟິລິບປິນ 8-5 ຄະແນນ ໃນການແຂ່ງຂັນບານບ້ວງລໍ້ເລື່ອນຄົນພິການຍິງ ປະເພດ 3X3 ງານກິລາອາຊຽນ ພາຣາເກມ ຄັ້ງທີ 12 ທີ່ຣາຊະອານາຈັກກຳປູເຈຍ ເປັນເຈົ້າພາບ ລະຫວ່າງວັນທີ 3-9 ມິຖຸນານີ້.

ການແຂ່ງຂັນບານບ້ວງລໍ້ເລື່ອນຄົນພິການ ປະເພດ 3X3 ງານກິລາອາຊຽນ ພາຣາເກມ ຮອບຊີງຫຼຽນທອງ ແລະ ຫຼຽນຄຳ ໄດ້ມີຂຶ້ນ ໃນຕອນເຊົ້າມື້ນີ້ 3 ມິຖຸນາ 2023 ທັງທີມຍິງ ແລະ ທີມຊາຍ ໂດຍສະເພາະທີມຍິງ ຄູ່ຊີງຫຼຽນທອງ ເປັນການພົບກັນລະຫວ່າງ ລາວ ພົບກັບ ຟິລິບປິນ ແລະ ຄູ່ຊີງຫຼຽນຄຳ ໄທ ພົບກັບ ເຈົ້າພາບ ກຳປູເຈຍ ໃຫ້ກຽດເຂົ້າຮ່ວມຊົມ-ເຊຍ ໂດຍທ່ານ ນາງ ຂັນທະລີ ສີຣິພົງພັນ ຮອງລັດຖະມົນຕີ ກະຊວງສຶກສາທິການ ແລະ ກິລາ ທັງເປັນປະທານຄະນະກຳມະການະາຣາແລມປິກແຫ່ງຊາດລາວ ແລະ ທ່ານ ວິລະວັນ ບຸນສຸກໄທ ຫົວໜ້າກົມກິລາມວນຊົນ, ພະລະ ແລະ ສິລະປະສຶກສາ ກະຊວງສຶກສາທິການ ແລະ ກິລາ ທັງເປັນຮອງປະທານ ແລະ ເລຂາທິການ ຄະນະກຳມະການພາຣາແລມປິກແຫ່ງຊາດລາວ, ຫົວໜ້າຄະນະນຳພານັກກິລາຄົນພິການລາວ ພ້ອມດ້ວຍຄະນະ.

ການແຂ່ງຂັນບານບ້ວງລໍ້ເລື່ອນຄົນພິການຍິງ ປະເພດ 3X3 ງານກິລາອາຊຽນ ພາຣາເກມ ຄັ້ງນີ້ ມີ 4 ຊາດ ເຂົ້າຮ່ວມ ປະກອບມີ ກຳປູເຈຍ ແຊ໋ມເກົ່າ, ໄທ, ຟິລິບປິນ ແລະ ລາວ ທັງ 4 ປະເທດ ແຂ່ງຂັນພົບກັນໝົດ ຄັດເລືອກເອົາທີ 1-2 ຜ່ານເຂົ້າໄປຫຼຽນໃນຮອບຕໍ່ໄປ ຜ່ານການແຂ່ງຂັນຜົນປະກົດວ່າ ສາວທີມຊາດລາວ ໄລ່ເອົາຊະນະ ທີມຊາດ ຟິລິບປິນ 8-5 ຄະແນນ ໄດ້ຫຼຽນທອງ ຫຼຽນທຳ ໃຫ້ທັບນັກກິລາລາວ ສ່ວນຟິລິບປິນ ໄດ້ພຽງທີ 4 ບໍ່ໄດ້ຫຼຽນ ຂະນະທີ່ ຄູ່ຊີງຊະນະ ເລິດ ລະຫວ່າງ ໄທ ແລະ ກຳປູເຈຍ ກຳລັງແຂ່ງຂັນກັນຢູ່ໃນປັດຈຸບັນ ສ່ວນຜົນຈະຂໍລາຍງານໃຫ້ຊາບຕື່ມີອີກ.

ຂ່າວ-ຮູບພາບ:ໜັງສືພິມສຶກສາ-ກິລາລາຍວັນ

ສະແດງຄຳຄິດເຫັນ