Microsoft ໄດ້ເປີດໂຕ Windows 11 25H2 ຫຼື Windows 11 2025 Update ຢ່າງເປັນທາງການ ພ້ອມໃຫ້ດາວໂຫລດແລ້ວ

Microsoft ປະກາດຄວາມພ້ອມຂອງ Windows 11 25H2 ທີ່ຮູ້ຈັກໃນຊື່ Windows 11 2025 Update ສຳລັບຜູ້ໃຊ້ງານທົ່ວໄປ. ການອັບເດດຄັ້ງນີ້ເປັນການປັບປຸງເລັກນ້ອຍທີ່ໃຊ້ແພລດຟອມພື້ນຖານດຽວກັນກັບ Windows 11 24H2 ເຮັດໃຫ້ທັງສອງເວີຊັນຈະໄດ້ຮັບການອັບເດດແບບສະສົມ, ຟີເຈີໃໝ່ ແລະ ການແກ້ໄຂບັນຫາຄືກັນທຸກເດືອນ. ການຕິດຕັ້ງ Windows 11 25H2 ເທິງເວີຊັນ 24H2 ຈະໃຊ້ enablement packages (eKB) ທີ່ມີຂະໜາດພຽງບໍ່ເຖິງ 200KB ຊ່ວຍໃຫ້ອັບເດດໄດ້ດ້ວຍການຣີສະຕາດພຽງຄັ້ງດຽວ.

Windows 11 25H2 ມາພ້ອມກັບການປັບປຸງທີ່ສຳຄັນດ້ານການກວດພົບຊ່ອງໂຫວ່ໃນລະບົບ build ແລະ runtime ລວມທັງຄວາມສາມາດດ້ານ AI-assisted secure coding ເຖິງແມ່ນວ່າ Microsoft ຍັງບໍ່ທັນອະທິບາຍລາຍລະອຽດຂອງຟີເຈີນີ້ຢ່າງຊັດເຈນ. ສຳລັບອົງກອນທຸລະກິດ, ການອັບເດດນີ້ຮອງຮັບ Wi-Fi 7 ແລະ ເພີ່ມຕົວເລືອກໃນການລຶບແອັບພລິເຄຊັນ Microsoft Store ທີ່ຕິດຕັ້ງມາລ່ວງໜ້າຜ່ານ Group Policy. ນອກຈາກນີ້ Windows 11 25H2 ຍັງເອົາ PowerShell 2.0 ແລະ Windows Management Instrumentation command-line (WMIC) ອອກຈາກລະບົບອີກດ້ວຍ.

ຜູ້ໃຊ້ງານສ່ວນໃຫຍ່ຈະຍັງບໍ່ເຫັນການອັບເດດໃນມື້ນີ້ ເນື່ອງຈາກ Microsoft ກຳລັງຄ່ອຍໆປ່ອຍການອັບເດດໄປທົ່ວໂລກ. ຖ້າຕ້ອງການຕິດຕັ້ງ Windows 11 25H2 ທັນທີ, ສາມາດດາວໂຫລດ Installation Assistant ໄດ້ຈາກເວັບໄຊ Microsoft ຫຼື ລໍຖ້າຈົນເຖິງວັນທີ 14 ຕຸລາ 2025 ເມື່ອການອັບເດດຈະພ້ອມໃຊ້ງານຜ່ານ Windows Server Update Services (WSUS). ສຳລັບຜູ້ໃຊ້ງານທີ່ຍັງຢູ່ເທິງ Windows 11 23H2 ຈະໄດ້ຮັບການອັບເດດແບບສະຫຼັບ OS ເຕັມຮູບແບບແທນທີ່ຈະເປັນ eKB.

ການປ່ຽນແປງທີ່ໜ້າສົນໃຈອີກປະການໜຶ່ງຄືການປ່ຽນແປງໄລຍະການສະໜັບສະໜູນ ໂດຍ Enterprise ແລະ Education editions ຈະໄດ້ຮັບການສະໜັບສະໜູນ 36 ເດືອນ, ໃນຂະນະທີ່ Pro, Pro Education ແລະ Pro for Workstation editions ຈະໄດ້ຮັບການສະໜັບສະໜູນ 24 ເດືອນ. ສຳລັບຜູ້ໃຊ້ງານທົ່ວໄປ, Windows 11 25H2 ຈະສິ້ນສຸດການສະໜັບສະໜູນໃນເດືອນຕຸລາ 2027.

ທີ່ມາ: VP

ສະແດງຄຳຄິດເຫັນ