ດວງ-Tou-Vientianepost (3)
ລັດຖະບານອົດສະຕຣາລີ ສະໜັບສະໜູນເຄື່ອງຟອກໝາກໄຂ່ຫລັງ 5 ໜ່ວຍ ມູນຄ່າ 1,2 ຕື້ກວ່າກີບ ໃຫ້ລາວ
ຮຽບຮຽງໂດຍ:Staff
ເຜີຍແຜ່: 5 June, 2023
ໝວດ: ຂ່າວ

ລັດຖະບານອົດສະຕຣາລີ ໄດ້ໃຫ້ການສະໜັບສະໜູນເຄື່ອງຟອກໝາກໄຂ່ຫລັງ ຈຳນວນ 5 ໜ່ວຍ ລວມມູນຄ່າ 1,2 ຕື້ກວ່າກີບ ໃຫ້ສຳລັບໂຮງໝໍແຂວງບໍ່ແກ້ວ, ໄຊຍະບູລີ, ບໍລິຄຳໄຊ ແລະ ເຊກອງ ໃນວັນທີ 31 ພຶດສະພາ 2023, ເພື່ອຊ່ວຍເຫລືອຊີວິດຄົນເຈັບຫລາຍພັນຄົນ ແລະ ຮັບປະກັນຄຸນນະພາບຊີວິດທີ່ດີຂຶ້ນ.

ການຊ່ວຍເຫລືອດັ່ງກ່າວໂດຍມີທ່ານ ນາງ ວາແນັດຊ້າ ເຮກາຕີ້ ເລຂາເອກ ສະຖານທູດອົດສະຕຣາລີ ແລະ ທ່ານ ດຣ ນາງ ຍິງ-ຣູ ແຈັກກະລິນ ໂລ ຜູ້ຕາງໜ້າອົງການອະນາໄມໂລກ ມອບເຄື່ອງຟອກໝາກໄຂ່ຫລັງ ໃຫ້ແກ່ ທ່ານ ດຣ ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ.

ເຄື່ອງຟອກໝາກໄຂ່ຫລັງ ຈັດຊື້ໂດຍອົງການອະນາໄມໂລກ ຈະຊ່ວຍໃຫ້ຜູ້ທີ່ເປັນພະຍາດໝາກໄຂ່ຫລັງສາມາດເຂົ້າເຖິງການປິ່ນປົວໄດ້ດີຂຶ້ນ ໂດຍຄາດວ່າຈະສາມາດຊ່ວຍເຫລືອຄົນເຈັບໄດ້ຕື່ມອີກຫລາຍກວ່າ 5.000 ຄົນ ຕໍ່ປີ. ນອກນີ້, ຍັງຈະເຮັດໃຫ້ຄົນເຈັບທີ່ຕິດເຊື້ອພະຍາດໂຄວິດ-19 ສາມາດໄດ້ຮັບການປິ່ນປົວແຍກຕ່າງຫາກ ເພື່ອຫລຸດຜ່ອນຄວາມສ່ຽງໃນການແຜ່ລາມຂອງເຊື້ອໄວຣັສດັ່ງກ່າວໄປສູ່ຄົນເຈັບຜູ້ອື່ນໆ.

ນອກຈາກເຄື່ອງຟອກໝາກໄຂ່ຫລັງ, ລັດຖະບານອົດສະຕຣາລີ ຍັງໄດ້ຊ່ວຍເຫລືອເຄື່ອງກວດພະຍາດໂຄວິດ-19 ແບບໄວ ຈຳນວນ 68.000 ຊຸດ ແລະ ຢາປິ່ນປົວທີ່ຈຳເປັນໃນການປິ່ນປົວພະຍາດໂຄວິດ-19 ເຊິ່ງໄດ້ແຈກຢາຍໃຫ້ບັນດາໂຮງໝໍສູນກາງ. ການຊ່ວຍເຫລືອຄັ້ງນີ້ ແມ່ນເປັນການຊ່ວຍເຫລືອເພີ່ມເຕີມຕໍ່ຈາກການຊ່ວຍເຫລືອເຄື່ອງຟອກໝາກໄຂ່ຫລັງ 4 ໜ່ວຍ ຈາກລັດຖະບານອົດສະຕຣາລີ ທີ່ໄດ້ມອບໃຫ້ແກ່ແຂວງຄໍາມ່ວນ, ສາລະວັນ ແລະ ຈໍາປາສັກ ໃນທ້າຍປີທີ່ຜ່ານມາ.

ໂອກາດນີ້, ທ່ານ ລັດຖະມົນຕີ ກະຊວງສາທາລະນະສຸກ ກ່າວວ່າ: “ການສ້າງລະບົບສາທາລະນະສຸກທີ່ເຂັ້ມແຂງ ໝາຍເຖິງການປັບປຸງການບໍລິການໃຫ້ດີຂຶ້ນ, ຄຸນນະພາບຂອງການປິ່ນປົວທີ່ດີຂຶ້ນ ແລະ ຜົນໄດ້ຮັບທີ່ດີຂຶ້ນສໍາລັບຄົນເຈັບຂອງພວກເຮົາ. ທຸກບາດກ້າວຂອງການພັດທະນາລ້ວນແລ້ວແຕ່ເປັນການຊ່ວຍຊີວິດ ແລະ ຮັກສາສຸຂະພາບຂອງປະຊາຊົນບັນດາເຜົ່າທັງໝົດ.” ພ້ອມທັງສະແດງຄວາມຂອບໃຈມາຍັງລັດຖະບານອົດສະຕຣາລີ ສໍາລັບການຊ່ວຍເຫລືອທີ່ສໍາຄັນແກ່ໂຮງໝໍແຂວງຂອງພວກເຮົາໃນຄັ້ງນີ້ ເຊິ່ງເປັນການປະກອບສ່ວນໃນວຽກງານການປິ່ນປົວຜູ້ທີ່ເປັນພະຍາດໝາກໄຂ່ຫລັງ ແລະ ຄົນເຈັບຜູ້ອື່ນໆ ກໍຈະໄດ້ຮັບຜົນປະໂຫຍດຢ່າງຫຼວງຫລາຍ ເຊັ່ນດຽວກັນ.”

ສະແດງຄຳຄິດເຫັນ

ອັດຕາແລກປ່ຽນ 
ປະຈຳວັນທີ Thursday, 18 September, 2025
ສະກຸນເງິນ
ຊື້
ຂາຍ
united-states
USD
21,483
21,759
thailand (1)
THB
672.65
683.41
european-union
EUR
24,437
24,926
china
CNY
2,953
3,012
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ 
ປະຈຳວັນທີ Thursday, 27 March, 2025
ຊະນິດນ້ຳມັນ
ລາຄາ
28,230
22,560
18,370
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ 
ປະຈຳວັນທີ Wednesday, 11 June, 2025
ປະເພດ
ລາຄາຊື້
ລາຄາຂາຍ
34,990,000
35,520,000
34,640,000
35,629,000
ຂໍ້ມູນຈາກ: ຮ້ານຄຳພູວົງ
ຂ່າວມາໃໝ່ 
jane (52)
ດາວສຸກເຄື່ອນຍ້າຍລາສີ ເງິນ ໂຊກລາບ ສົ່ງຜົນຊັດເຈນ ກວດເບິ່ງດວງ 12 ລາສີ ໃຜມີເກນຮັບຊັບ
pele - 2025-09-18T100410.135
ຈີນ ​​ສ້າງ​ດິນ​ປູກ​ຝັງ​ມາດ​ຕະ​ຖານ​ສູງ​ຫຼາຍກວ່າ 66 ​ລ້ານ​ເຮັກ​ຕາ
pele - 2025-09-18T093604.546
8 ເດືອນປີນີ້ ມີນັກທ່ອງທ່ຽວຕ່າງປະເທດເຂົ້າມາ ສ​ປ​ປ ລາວ ເພີ່ມຂຶ້ນ 15%
jane (51)
ເເຈ້ງປັບຂຶ້ນລາຄານໍ້າມັນທຸກປະເພດ ເລີ່ມປະຕິບັດແລ້ວ ວັນທີ 18/09/2025 ແຕ່ເວລາ 6:00 ຂອງມື້ນີ້
pele - 2025-09-17T162708.001
ເປີດຫ້ອງວາງສະແດງເມືອງແຫ່ງສະເໜ່ຂອງ ສປປ ລາວ ໃນງານ CAEXPO
jane (50)
ນາທີຊີວິດເຫດສາວຈີນດື່ມຊານົມໄຂ່ມຸກແລ້ວໄຂ່ມຸກໄຫລເຂົ້າໄປໃນຫລອດລົມ ໂຊກດີພົນລະເມືອງດີເຂົ້າຊ່ວຍຊີວິດທັນໃນຊ່ວງ 4 ນາທີລະທຶກ
pele - 2025-09-17T145859.020
ອະນຸຍາດໃຫ້ພາຫະນະເຂົ້າໄປສັນຈອນ ໃນເສັ້ນທາງລົດເມດ່ວນ ໃນຊົ່ວໂມງເລັ່ງດ່ວນ
jane (49)
ຄບຕ ສຳເລັດວຽກປະດັບປະດາຕົວເມືອງ ຕ້ອນຮັບກອງປະຊຸມໃຫຍ່ ຜູ້ແທນອົງຄະນະພັກ ນວ
pele - 2025-09-17T142134.867
ມອບ-ຮັບເຂົ້າສານ 1,050 ໂຕນ ຈາກຄັງແຮເຂົ້າສຸກເສີນອາຊຽນ+3
jane (48)
ເຫດຄົນເມົາແລ້ວຂັບຈົນຫລັບ! ຢູ່ຂອບທາງດ້ານໃນ ແລະ ມີໝານອນເຝົ້າຜູ້ກ່ຽວບໍ່ມີຮ່ອງຮອຍບາດແຜໃດໆ.
ຢ່າລື່ມກົດຕິດຕາມ