ພະແນກໂຍທາທິການ ແລະ ຂົນສົ່ງ ນະຄອນຫຼວງວຽງຈັນ ອອກແຈ້ງການໃນວັນທີ 2 ຕຸລາ 2025 ມາຍັງພໍ່ແມ່ປະຊາຊົນ ຊາວນະຄອນຫຼວງວຽງຈັນ ວ່າ:

ໃນໄລຍະວັນທີ 1- 20 ຕຸລາ 2025 ຈະໄດ້ປີດເສັ້ນທາງລົດເບົາ (ລອດກ້ອງທາງລົດໄຟ) ເຂດບ້ານນາທົ່ມ ເມືອງໄຊທານີ ນະຄອນຫຼວງວຽງຈັນ ເພື່ອກໍ່ສ້າງຮ່ອງລະບາຍນໍ້າ ແລະ ເທເບຕົງໜ້າທາງ ໃຫ້ໄດ້ຕາມມາດຕະຖານເຕັກນິກທີ່ກໍານົດໄວ້, ເນື່ອງຈາກວ່າ ເສັ້ນທາງຢູ່ຈຸດດັ່ງກ່າວມີພື້ນທີ່ຄັບແຄບ.

ສໍາລັບ ຜູ້ມີຈຸດປະສົງນໍາໃຊ້ເສັ້ນທາງດັ່ງກ່າວ ແມ່ນໃຫ້ເວັ້ນໄປນໍາໃຊ້ເສັ້ນທາງອື່ນ, ເວັ້ນໄປນໍາໃຊ້ເສັ້ນທາງລອດກ້ອງທາງລົດໄຟສໍາລັບລົດບັນທຸກໜັກ ຫຼື ທ່ານໃດທີ່ອາໄສຢູ່ເຂດນັ້ນ ຂໍໃຫ້ຄວາມຮ່ວມມື ແລະ ມີຄວາມລະມັດລະວັງ ໃນການຂັບຂີ່ ແລະ ໃຫ້ປະຕິບັດຕາມເຈົ້າໜ້າທີ່ອໍານວຍຄວາມສະດວກ ຫຼື ໄປຕາມເສັ້ນທາງເວັ້ນ ທີ່ທາງເຈົ້າໜ້າທີ່ໄດ້ກໍານົດໄວ້ ເພື່ອເຮັດໃຫ້ການດໍາເນີນການກໍ່ສ້າງໄດ້ຕາມເຕັກນິກການອອກແບບ, ສໍາເລັດຕາມແຜນທີ່ກໍານົດໄວ້ ແລະ ຮັບປະກັນໃຫ້ມີຄວາມປອດໄພ.

ຂ່າວ: ໜັງສືພິມວຽງຈັນທາຍ

ສະແດງຄຳຄິດເຫັນ